¹ Ahenzwi, musaminini chila roho, ala zijezeni zo roho mulole ichikala zila kpwa Mulungu. Kpwa kukala manabii alongo vatele haha duniani ² Kpwa riri munda mumanya Roho wa Mulungu-chila roho andiye kiri kukala Jesu Masihi wekudza kahi za mwiri wa damu na nyama ni muhumwa wa Mulungu, ³ na chila roho isiyo mukiri Jesu si ya Mulungu. Iyo ni roho imupingayo Masihi, ambayo mweisikira kukala indadza, nayo kare i mumu duniani. ⁴ Mwimwi mu a Mulungu, ahoho, na mudzi mvashinda kpwa kukala iye ariye ndani yenu ni mubomu kuriko ariye kahi za urimwengu. ⁵ Mvamvo ni a urimwengu, kpwa vivyo mvachi nenacho nicha urimwengu, na urimwengu wamvasikiza. ⁶ Sisi hu a Mulungu. Iye amumanyaye Mulungu anda husikiza sisi. Iye ambaye si wa Mulungu kaweza kuhu sikiza. Kula na riri, hwamumanya Roho wa jeri na roho wa ulongo. ⁷ Ahenzwi, huhenzane sisi kpwa sisi, kpwa kukala uhenzo ula kpwa Mulungu, na chila mumwenga ahenzaye wevyalwa ni Mulungu na wamumanya Mulungu. ⁸ Mutu asiye henza kamumanya Mulungu, kpwa kukala Mulungu ni uhenzo. ⁹ Kahi za riri henzo ra Mulungu, yefunulwa kahi yehu kukala Mulungu wemuhuma mwanawe wa hacheye urimwenguni ili huishi kuchirira iye. ¹⁰ Kula na uu uhenzo, si kukala hemuhenza Mulungu, lakini iye ndiye arehuhenza ta achimuhuma mwanawe akale chipatanishi kpwa dambi zehu ¹¹ Ahenzwi, ichikala Mulungu wehu henza sisi vivyo nasi yahupasa kuhenzana sisi kpwa sisi. ¹² Kakuna hata mumwenga ariyemona Mulungu. Kala hunda henzana sisi kpwa sisi, Mulungu wasagala ndanini mwehu na uhenzowe ukamilika ndanini mwehu. ¹³ Kulaa na riri, hwamanya kukala hasagala ndanini mwakpwe na iye ndanini mwehu kpwa kukala adzihupa Rohoye. ¹⁴ Kisha, sisi hudzona na kushuhudia kukala Paba wemuhuma mwana kukala Mokoli wa urimwengu. ¹⁵ Chila akiriye kukala Jesu ni mwana wa Mulungu, Mulungu wakala ndanini mwakpwe na iye ndanini mwa Mulungu. ¹⁶ Kisha hudzimanya na kpwamini uhenzo ariwo nawo Mulungu kpwehu. Mulungu ni uhenzo, na iye wasagala ndani ya uhenzo usagalawo ndani ya Mulungu, na Mulungu wasagala ndanini mwakpwe. ¹⁷ Kpwa riri, uhenzo uu ukamilika kpwehu, ili hukale na ujasiri siku ya hukumu, kpwa here iye arivyo, na sisi ndivyo hurivyo kahi za urimwengu uu. ¹⁸ Kakuna woga kahi za uhenzo. Lakini uhenzo uriwo kamili ni ku utsuha woga nze, kpwa kukala woga wahusiana na hukumu. Ala iye ogohaye kadza kamilishwa kahi za uhenzo ¹⁹ Hahenza kpwa kukala Mulungu wehuhenza ho mwanzo ²⁰ Ichikala mumwenga andamba "Namuhenza Mulungu" ala kaweza kumuhenza nduguye, ni mulongo. Kpwa kukala asiye muhenza nduguye, amonaye, kaweza kumuhenza Mulungu asemona. ²¹ Na ii ndiyo amuri huriyo nayo kula kpwakpwe; Yoyosi amuhenzaye Mulungu, wapaswa kumuhenza nduguye pia.