¹ Ahenzwi, ni henzo ra namuna yani adziro hupa Paba (Mulungu) kukala nasi hwehewe ana a Mulungu, na vivi ndivyo hurivyo. kpwa ajili ii, urimwengu kauhutambua kpwa kukala kaumutambuire iye. ² Ahenzwi, siswi vivi hu ana a Mulungu, na kaidzangwe kumanyikana hundivyo kala. Hwamanya kukala Masihi andiho onekana, hundafanana naye, kpwa kukala hundamona here arivyo. ³ Na chila mumwenga ariye ana ungumbao (Ujasiri) uu kuhusu wakati udzao urio erekezwa kpwakpwe, ni kudzitakasa mwenye here iye arivyo Mtakatifu ⁴ Chila mutu endereraye kuhenda dambi, nikuvunza sheria. kpwa kukala dambi ni uvunzaji wa sheria. ⁵ Mwamanya Masihi weikpwa lwazu ili kuzusa dambi kamare, ela ndaniye kamuna dambi ⁶ Kakuna hata mumwenga akalaye ndaniye na kpwenderera kuhenda dambi. Kakuna mutu hata mumwenga akalaye kahi za dambi chikala adzimona ama khamwelewa iye (Masihi). ⁷ Ahenzwi, musikubali kukengwa ni mutu yoyosi. Ahendaye hachi ni mwenye hachi, dzahere vivyo Masihi naye arivyo mwenye hachi. ⁸ Ahendaye dambi ni wa ibilisi (shetani) kpwa kukala shetani ni muhenda dambi hangu asilii. kpwa sababu ii mwana wa Mulungu weikpwa lwazu ili aweze kuzibananga kazi za shetani. ⁹ Yoyosi ariyevyalwa ni Mulungu kahenda dambi, kpwa kukala mbeyu ya Mulungu ni kukala ndaniye. Kaweza kpwenderera kuhenda dambi kpwa kukala adzivyalwa ni Mulungu. ¹⁰ Kahi za riri, ana a Mulungu na ana a shetani mvamanyikana. Iye asiye henda chiricho na hachi, si wa Mulungu, wela iye ambaye kaweza kumuhenza nduguye ¹¹ kpwa kukala uu ndio ujumbe murio usikira kula mwanzo, kukala hapaswa kuhenzana sisi kpwa sisi ¹² Si here Kaini ariye wekala wa kula kpwa maii achimolaga nduguye. Je, chiricho muhenda amolage nduguye ni noni? kpwa kukala mahendoge gekala maovu, ga nduguye gachikala ga hachi. ¹³ ndugu zangu, musangelazike, endaho urimwengu undamva tsukirirwa. ¹⁴ Hwamanya hudzombola kare chifoni na kpwenjira uzimani, kpwa kukala hwa ahenza ndugu. Yoyosi ariye kana uhenzo nikukala kahi za mauti (Chifo). ¹⁵ Mutu yoyosi amutsikirirwaye nduguye ni molagi. Na mwamanya kukala uzima wa kare na kare (Milele) kaukala ndani ya molagi. ¹⁶ Kahi za riri hwamanya henzo, kpwa kukala Masihi wewomboza uzimawe kpwa sababu ya Injili yehu. Naswi yahupasa kugomboza maisha gehu kpwa kusudi ya ndugu. ¹⁷ ela yoyosi ariye na vitu, na wamona nduguye mwenye uhitaji ela nikuuzuiliya moyowe wa mbazi kpwa sababuye, je, uhenzo wa Mulungu wakaladze ndaniye? ¹⁸ Anangu ahenzwi, husihenze kpwa milomo wela kpwa maneno mahuhu bali kahi za mahendo na jeri. ¹⁹ Kahi za riri hwamanya kukala siswi hukahi za jeri, na mioyo yehu yaonyesha kahi za iye. ²⁰ Ichikala mioyo yehu yahuhukumu, Mulungu ni mubomu kuriko mioyo yehu, na iye wamanya mambo gosi. ²¹ Ahenzwi, chikala mioyo yehu kainda hukumu, hunao ujasiri kpwa Mulungu. ²² Na chochosi huvoyacho hundachihochera kula kpwakpwe, kpwa kukala hwazigwira amurize na hwahenda mambo gamhamirago mbereze. ²³ Na ii ndiyo amuriye: Hwapaswa kuamini kahi ya dzina ra mwanawe Jesu Masihi na kuhenzana siswi kpwa siswi. Dzahere arivyohupa amuriye. ²⁴ Aziiheshimuye amurize ni kukala ndaniye. Na kpwa sababu ii hwamanya kukala wakala ndani yehu, kpwa iye Roho ariye hupa siswi.