¹ Anangu ahenzwi,namvandikira gaga ili msihende dambi.ela m'mwenga wehu achihenda dambi,hunaye wakili ariye na Paba,Jesu Masihi -ariye na hachi(haki). ² Iye ni mugwizanyi wa dambi zehu,na si kpwa dambi zehu,Bali urimwengu wosi. ³ kpwa riri hwamanya iye,kpwa kugatunza malakizoge. ⁴ Iye agombaye ''Wamanya Mulungu'' bali kagwira malagizoge,ni mulonga na jeri kaimo ndaniye. ⁵ Bali yoyosi agwiraye nenore,mutu iye uhenzowa Mulungu udzikamilika.kpwa riri hwamanya hundaniye. ⁶ Iye agombaye waishi ndani ya Mulungu yamubidi iye mwenye atsembere here Jesu Masihi arivyotsembera. ⁷ Ahenzwi simwandikira ninwi malakizo garigo masha ila malakizo ga kapindi mrigokalanago hangu haho.malakizo ga kapindi ni neno mrirorisikira. ⁸ Hata vivyo namvandikira malakizo masha ambago ni jeri kpwa Jesu na kpwenu, kpwa kukala chizachachira na mwangaza wa jeri tayari wang'ela. ⁹ Iye ambaye wakala mwangazani ila wamutsukurirwa nduguye yu chizani ta saii. ¹⁰ Iye amuhenzaye nduguye waishi mwangazanina kakuna chitu chochosi cha kumtsukiza. ¹¹ Iye amtsukirirwaye nduguye yu chizani na watsembera chizani,kamanya endako,kpwa kukala chiza chidzimhenda chipofu. ¹² Namvandikira ninwi,ahenzwi,kpwa kukala mwesamehewa dambi kpwa ajili ya dzinare. ¹³ Namvandikira nwinwi ani paba kpwa kukala mwamumanya iye hangu kare.Namvandikira ninwi vijana kpwa kukala mudzimushinda mui.Namvandikira ninwi ahenzwi atite kpwa mwemumanya Paba. ¹⁴ Nidziandikira ninwi anipaba kpwa kumanya iye hangu kare.Namvandikira ninwi vijana kpwa kukala mnanguvu na neno ra Mulungu rakala ndani yenu,na mdzimushinda muii. ¹⁵ Musihenze dunia na vitu virivyomo duniani,Chikala mutu waiihenza dunia uhenzo wa kumuhenza Paba kaumo ndaniye. ¹⁶ kpwani chila chitu chirichomo duniani-tamaa ya mwiri, tamaa ya matso na madzivuno ga uzima,kavikala kpwa Paba ela vyombola duniani. ¹⁷ Dunia na tamaaze zachira ela ahendaye mahenzo ga Mulungu wadumu kare na kare(milele) ¹⁸ Ahenzwi ,ni nyakati za mwisho,Here mrivyosikira kukala mpinga Masihi wadza,hata sasa apinga Masihi mvakudza, kpwa riri hwamanya ni wakati wa mwisho. ¹⁹ Mveuka kpwehu kpwa kukala si akpwehu.mvangekala akpwehu mvangeenderera kubaki nasi.Bali mvarihokpwenda zao mvoonyesa kukala si akpwehu. ²⁰ Bali ninwi mwenjizwa mafuha kula kpwa mtakatifu, nyosi mwamanya ujeri. ²¹ Siandikira ninwi kpwa kukala kamumanya ujeri,ela kpwa kukala mwaimanya na kpwa sababu khahuna ulongo wayo jeri. ²² Nani ni mulongo ela iye iye apingaye kukala Jesu ni Masihi ?Mutu yuyu ni mpinga Masihi haho wampinga Paba na Mwana. ²³ Khakuna ampingaye Mwana akakala na Paba. ²⁴ kpwa ajili yenu, chomricho sikira kula mwanzo,chiriche chenderere kukala ndani yenu,here vivyo mrivyochirira kula mwanzo chichikala ndani yenu.Ndivyo mndakala ndani ya Mwana na Paba. ²⁵ Na ii ni ahadi ariyo hupa siswi,uzima wa kare na kare(milele). ²⁶ Nidzimvandikira gaga kuhusu mvaraa mvangemvalongoza ninwi kahi za kpwangamika. ²⁷ Na kpwa ajili yenu, mafuha mrigogaahochera kula kpwake gasagale ndani yenu, na khamndamala mutu yoyosi kumfundisha ela mafua gandamfundisha mambo gosi ga jeri na si ulongo gadziafundisha,sagelani ndaniye. ²⁸ Sasa ahenzwi,sagelani ndaniye,wakati andiho omborera hukale na ujasiri wela husikale na aibu mbereze kahi za kudza kpwe. ²⁹ Chikala mwamanya iye ni mwenye hachi(haki) mwamanya kukala chila ahendaye hachi(haki) wevyalwa ni iye.