¹ Kwa vivyo bee kakuna hukumu ya adabu dzulu ao ario kahi-za Kristo Jesu. ² Kwa kakala mulongozo wa Roho wa uzima urahu urio kahi-za Kristo Jesu udzihenda mimi kukala haru kandu na mulongozo wa dambi na chifo. ³ Kwa kukala chirahu chiricho sharia kaiwezere kuhenda kwa kukala yakala nyonge kwa miwiri, Mulungu wahenda. Wamuhuwa mwanawe wa hicheye kwa mufano wa mwiri wa dambi akale sadaka ya dambi, na achi-ihukumu dambi kahi-za mwiri. ⁴ Wahenda vivi ili malagizo ga sharia gatimizwe ndani yehu, siswi husio-enenda kwa kutuwa mautu ga mwiri, ela kwa kutuwa mautu ga roho. ⁵ Arahu autuwao mwiri ni kwaza mautu ga mwiri, ela arahu aituwayo Roho ana-agaza mautu ga Roho. ⁶ Kwa kukala nia ya mwiri ni chifo, ela nia ya Roho ni uzima na reri. ⁷ Vivi ni kwa kukala irahu nia ya mwiri ni ui dzulu ya Mulungu, kwa kukala kaituwa sharia ya Mulungu, wala kaiweza kuihenda. ⁸ Arahu autuwao mwiri kaweza kumufaiza Mulungu. ⁹ Tavivyo kamu-kahiza mwiri ela kahiza Roho. Kala ni jeri vyakukala Roho wa Mulungu yanakala ndani yenu. Ichikala mutu yoyosi kana roho wa Kristo, iye si wakwe. ¹⁰ Kala Kristo yu-ndani yenu mwiri udzefu kwa mautu ga dambi, ela Roho imoyo kw amautu ya hachi. ¹¹ “Ichikala Roho wa yuya ariye-mfufula Jesu kula kwa ariofa yunakala ndani yenu, iye ariyemufufula Kristo kula ariofa yundaivha miri yenu ya kufa uzima kwa njia ya Roho-we, akalaye ndani yenu. ¹² Kwa vivyo, enehu, siswi hunaiswa, ela sikwa mwiri vyakuko huishi chimwiri. ¹³ Ichikala munaishi chimwiri muvhevhi kufa, Ela muchikala kahiza Roho munagaulaga mahendo ga mwiri, namwi mundaishi. ¹⁴ Here ambavyo analongozwa ni Roho wa Mulungu, aa ni ana a Mulungu. ¹⁵ Kwa kukala kamumvhokerere roho wa utumwa kavhiri ta magove. kanda na vhavho, mwavhokera roho wa kuhandwa ana, ario kwa riro hunarira , “ Abba, Baba!” ¹⁶ Roho mwenyei yanashuhudia vhamwenga na Roho zehu vyakukala huana a Mulungu. ¹⁷ Ichikala hu-ahoho hu-arithi pye, arithi a Mulungu. Na siswi hu-arithi vamwenga na Kristo, Ichikala kwa jeri huna sirima naye ili hapate kulikwa vhamwaga naye. ¹⁸ Kwa kukala natala kusirima kwa wakati uu kakala sichitu kuliko utukufu wondofunulwa kwehu. ¹⁹ Kwa kakala vyumbe vyosi pye vinalorera kwa pola bomu kwa kufulwa kwa ana a-Mulungu. ²⁰ Kwa kakala uumbaji pye waikwa tsini ya kuluvhiro, si kwa kuhenza kwa iye ariyevika. Ni kahi-za kaluvhiro. ²¹ Vyakukala uumbaji wenye nao undai kwa huru na kuokolwa kahi-za utumwa wa ubanangikao na kwinjira kahi-za uhuru wa utukufu wa ahoho a Mulungu. ²² Kwa kakala hunamanya vyakukala uumbaji nao pye ana-ugula na kusirima kwa utsungu vhamwenga hata vivi. ²³ Si vivyo tu ela na siswi hurio na marimbako ga Roho- siswi pye hunogula kahi-za roho zehu, huchitoriza kuhendwa ana, yani kukombolwa kwa miri yehu. ²⁴ Kwa kakala ni kwa kuluvhiro riri haokolwa. Ela chifu chikuluvhirwacho chichoneka kakuna kuluvhiro kavhiri? ²⁵ Ela huchichi kulovira chitu usicho-chona , huna-chichitariza kwa uvumirivu. ²⁶ Vivyo vivyo, Roho naye yanahaviza kahi-za unyonge wehu. Kwa kukala kahumanya kuvoya here ifahavyo, Ela roho mwenye yanahuvoyera kwa ku-ugula kusikoweza kunenwa.. ²⁷ Na iye aichunguzaye mioyo yanaimanya akili ya Roho, ka kukala ni yuna-voya kwa ao ario amini karakara na mahenzo ga Mulungu. ²⁸ Naswi hunamanya vyakukala kwa osini amuhenzao Mulungu, iye yunahenda mautu gosini kwa udzo wa kwakwe , kwa arahu osini ario-ihiwa kwa kududi ra kwakwe. ²⁹ Kwa kukala arahu osini ario Mulungu wa-amanya chimbere wahenza ahalane na mwanawe,ili iye akale mima-mbere kahiza ao ndugu anji. ³⁰ Arahu Mulungu ario-atsagula chimbere ao wa-aiha pye. Arahu ario-aiha, wa-atarira hachi. Na arahu ario atarira hachi, achi-auhula. ³¹ Huneneni,dzulu ya ya mautu gaga? Ichikala Mulungu yu-vhamwenga naswi ni yuvhiye dzulu yehu? ³² Iye asiyemurichira mwanawe wa mwenye ela wamulavya kwa ajili yehu siswi hosini , kandaweza kuhuvha vitu vyosini vhamwenga naye? ³³ Ni yuvhiye awezaye ku-ashitaki arahu ario tsagulwa ni Mulungu? Mulungu ndeye mwenye kutarira hachi. ³⁴ Ni yuvhiye awezaye kua-hukumu? Jesu Kristo ndeye ariye-fa kwa anjili yehu,na zaidi ya gago wafufuka na vivi yu mukono wa kulume wa Mulungu, na chisha yuna-huvoyera. ³⁵ Ni yuvhiye ende hugavya na uhenzo wa Kristo? Tabu,hebu mashaka, hebu kusirima, hebu nzala, hebu uvhuvhu, hebu hatari, hebu mundu? ³⁶ Here irivyo andikwa, ''kwa ajili ya uwe hunaulagwa chila tsiku. Hatalwa here hu-ng'onzi a kutsinzwa .'' ³⁷ Ela kahiza mautu gaga gosini hunashinda zaidi ya kushinda kuchirira kwa Iye ariye huhenza siswi. ³⁸ Kwa kukala ninamanya vyakukala chifo, uzima, malaika,hebu mamulaka,hata mautu ga-hikara hebu gandigo kudza, wala uwezo, ³⁹ utu urio dzulu muno hebu tsini muno, hebu chiumbe chochosi chiricho umbwa, kavindaweza kuhugavya na uhenzo wa Mulungu, urio u kahiza Krisito Jesu Bwana wehu.