¹ Hebu kamumanya, enehu (kukala nanena na atu aimanyao sharia), vyokala sharia inamutawala mutu achikala yumoyo? ² Kwa kukala mwanamuche ariyehalwa yadzifungwa ni sharia kwa yuyahu mulumewe achikala yuchere moyo, ela ichikala mulumewe yundafa yandakala yadzimwika huru kahi-za sheria ya ndoa. ³ Kwa vivyo bee, wakati mulume-we yachere moyo, ichikala yanaishi na mulume muyawe, yandaihiwa muzinzi. Ela mulumewe yudzefa, yuhuru kula sharia na vivyo kandakala muzinzi ichikala yanaishi na mulume muyawe. ⁴ kwa vivyo enehu mwimwi pye mwahendwa nyufu kahi-za sharia kwa njia ya mwiri wa Kristo. Idzikala vivi ili muweze kugwizanywa na muyawe, kakwe iye ariye fufulwa kula kwa ario-fa ili huweze kumuvyarira Mulungu matunda. ⁵ Kwa kukala hurivhokala kahi-za mwiri, tamaa ya dambi zalamuswa kula vilungoni mwehu kwa njira ya sharia na kuvyarira chifo matunda. ⁶ Ele vikara hudzifugulwa kula kahi-za sharia . Hudzi-iferera ira hali iriyo huchimya. Ili siswi huweze kuhumika kahi-za hali-pya ya Roho, na si kahi-za hali ya kapindi ya andiko. ⁷ Hambedze bee? Sharia ni dambi? Sevyo. Hata vivyo, nisingaimanya dambi, kala si kwa kwa njira ya sharia. Kwa kukala singamanya kukala na pola sharia kainenere, “ usikale na pola.” ⁸ Ela dambi yapata nafasi kwa irahu amuri na ichireha ndani yangu chila pola. Kwa kukala dambi vhasivho sharia idzefa. ⁹ Nami nakala ni Moyo vhmwanzo kabila sharia, ela irovhokudza irahu amuri, dambi ichipata uzima nami nichifa, ¹⁰ Irahu amuri irio ingareha uzima yagaluka ichikala chifo kwangu. ¹¹ Kwa vivyo dambi yapata nafasi kwa irahu amuri na ichinikenga. Kuchirira irahu amuri, ichinulaga. ¹² Vivyo sharia ni tsunyu na irahu amuri ni tsunyu, ya hachi, na mbidzo. ¹³ Vino bee, irahu iriokala ni mbidzo kwangu yakala chiffo kwangu mimi? Isikale vivyo kamare. Ili dambi yonekane kukala ni dambi haswa kuchirira irahu mbidzo, yareha chifo ndani yangu. Yakala ili kukala kuchirira ira amuri dambi izidi kukala mbii muno. ¹⁴ Kwa kukala hunamanya vyokukala sharia chahoche ni ya rohoni, ela mimi ni mutu wa mwirini. Nidziguzwa tsini ya utumwa wa dambi. ¹⁵ Kwa kukala nihendaro, sirimanya kamire. Kwa kukala rirahu nihenzaro kurihenda sirihenda, na rirahu niritsikirirwaro, ndiro nirihendaro. ¹⁶ Ela kala narihenda rirahu nisirio-rihenza, nakubaliana na sharia a kukala sheria ni mbidzo. ¹⁷ Ela vikara si mimi nihendae riro, isivokala ni irahu dambi ikalayo ndani yangu. ¹⁸ Kwa kukala ninamanya ndani yangu, yani ndani ya mwiri wangu, karikala neno ridzo. Kwa kukala tamaa ya riro ridzo ri-ndani yangu, ela sirihenda. ¹⁹ Kwa kukala rirahu ridzo nirihenzaro sirihenda, ela rirahu rii nisirorihenza ndiro nirihendaro. ²⁰ Vikara kala nahenda rirahu nisirorihenza, si mimi chibinafisi nirihendae, ele ni irahu dambi ikalayo ndani yangu. ²¹ Dzimanya, kaviri, kukala mulongozo ndani yangu ya kuhenza kuhenda riro ridzo, ela ui kwa jeri undani yangu. ²² Kwa kukala ninanyema na sharia ya Mulungu kwa utu wa ndani. ²³ Ela mulongozo munjine kahi-za vilungo vya mwiri wangu. Unapiga viha chinyume cha mulongozo mupya kahiza akili yangu. Unanihenda mimi mutumwa wa mulongozo wa ario kahi-za vilungo vya mwiri wangu. ²⁴ Mimi ni mutu wa shonono! Ni yuvie endenokola na mwiri uu wa chifo? ²⁵ Ela shukurani kwa Mulungu kwa Jesu Kristo Bwana wehu! Vivyo bee. Mimi mwenye kwa akili zangu naihumikira sharia ya Mulungu. Ela, kwa mwiri nahumikira mulongozo wa dambi.