¹ Hambedzee bee? Je, henderere kuhenda dambi ili neema yonjezeke? ² La sevyo! Siswi-hurio-ifira dambi, hunawedze kuishi kavhiri kahi-za iyo? ³ Je kamumanya vyakukala arahu ario batizwa kahi-za Kristo chifo che. ⁴ ili were kazikwa vhamwenga na iye kahiza ubatizo wa chifoche. Ili vyokala rira Kristo arivyofufuka kula kahiza mauti kachirira utukufu wa Baba, ii ni kukala naswi huweze kwenenda kahi-za uvhia wa Maisha. ⁵ Kwa vivyo ichikala hudziugwizanywa vamwenga na iye kahi-za mufano wa chifo-che, pye hunda-gwizanywa kahi-za kufufukakwe. ⁶ Siswi hunamanya vivi, utu wehu wa kapindi wasulubiwa vamwenga naye, ili kukala mwiri wa dambi ubanangwe. Iii vyakukala husenderere kukala atumwa a dambi. ⁷ Iye ariyefa wahendwe mwenye hachi kara kara na dambi. ⁸ Ela ichikala hudzefa vhamwenga na Kristo, hunamini vyakukala hundaishi vhamwenga na iye pye. ⁹ Humanya vyakukala Kristo wafufulwa kula kwa ario-fa, na kwa vivyo vyokala si wa kufa kavhira. Chifo kachimutawala kavhiri. ¹⁰ Kwa kukala kwa ovhoro wa chifo arichofa kwa dambi, wafa lumwenga kwa ajili ya osini. Hata vivyo, Maisha aishigo, yunaishi kwa ajili ya Mulungu. ¹¹ Kwa njira iyo-iyo, namwi pye mufaha kudzitala kukala mu-nyafu kahi-za dambi, na vyakukala mumoyo kwa Mulungu kahi-za Kristo Jesu. ¹² Kwa chausa chicho asiriche dambi itawakle mwirio ili kuzitawa tamaaze. ¹³ Wala musilavye vilungu vyenu viya vya dambi, ela dzupuseni enyee kwa Mulungu, dza murio moyo bada ya kufu. Na zupuseni vilungo vyenu via vya hachi kwa Mulungu. ¹⁴ Musiriche dambi imutawale. Kwa kukala kamu-tsini ya sheria, ela tsini ya neema . ¹⁵ Ni kwadze? Huhende dambi kwa kukala kahu-tsini ya sharia, ele tsini ya neema? Sevyo. ¹⁶ Kamumanya vyakukala kwa iye ariye manadzomboza here ahumba ndeye ariye mwimwi munakala ahumiki a kwakwe, munafaha mumusikise? riri ni jeri hatakala mwimwi mua-tumwa kahi-za dambi irio inareha chifo, au hebu asikisao kurehako hachi. ¹⁷ Ela ashukuriwe Mulungu! Kwa kukala mwakala atumwa a dambi, ela mudzituwa malagizo kula moyoni varahu mafuzyo murirohewa. ¹⁸ Mudzikwa huru kula kahiza dambi, na muhendwa atumwa a hachi. ¹⁹ Ninagomba dza mutu kwa chausa cha manyonge ga miri yenu. Kwa kukala dza vira murivyo-omboza vilungo vya miri yenu kukala atumwa a ukolo na ui kwa viyovivyo, vilavyeni vilungo vya miri yenu kukala atumwa a hachi kwa kutsakutswa. ²⁰ Kwa kukala mrivokala atumwa a dambi, mwakala huru kanda na hachi. ²¹ Kwa wakati uo, mwakala na tunda riviro kwa mautu garigo vikara munago onerawebu? Kwa kukala maomborero ga mautu gago ni chifo. ²² Ela kwa kukala vikara mudzikwa huru kanda na dambi na muhendeka atumwa kwa Mulungu , muna tunda kwa ajili ya kutsukutswa. Na mwishowe ni uzima wa kare na kare ²³ Kwa kukala mushahara wa dambi ni chifo, ela kwa chipawa cha Mulungu ni uzima wa kare na kare kahi-za Kristo Jesu Bwana wehu.