¹ Kwa kukala hudzitarirwa hachi kwa njira ya reri, huna amani na Mulungu kuchirira kwa Bwana wehu Jesu Kristo. ² Kuchirira kwa iye hupata kwa njira ya Imani kuifikira neema ii iriyo ndaniye hikora huna-ima, nasi huna-nyeni kahi-za kaluvhiro rehu a huvharo Mulungu kahiza utukufuwe. ³ Si-riri tu, hecheye pye hunnyemi kahi-za kusirima kwehu. Hunamanya vyakukala kusirima kunavyokala kuvumirira. ⁴ Uvumirivu unavyala kwima-to, kwimato kunavyala ungumbao kwa ajili ya tsiku zidzazo. ⁵ Ungumbao uu kausa kuluviro, ka kukala uhenzo wa Mulunga udzibumbwa kahi-za mioyoni mwehu kuchirira kwa Roho Mutsunyu, ariye walaviwa kwehu. ⁶ Kwa kukala hurivokala huchere anyongo kwa wakati ufahao Kristo wafa kwa ajili ya ai. ⁷ Kwa kukala ni vifu mutu mumwenga kufa kwa ajili ya mutu mwenye hachi. Vivi ni kukala vhanjine mutu angahenza kufa kwa ajili ya mutu mudzo. ⁸ Ela Mulungu yudzimanyisa uhenzowe kwehu, kwa chausa cha wakati hurivhokala huchere enye dambi, Kristo wafa kwa ajili yehu. ⁹ Kisha chamuno cha gosini, kukala hudzitarirwa hachi kwa mulatsowe, hundaokolwa kula kwa iyo koro ya Mulungu. ¹⁰ Kwa wakati hurivokala ai hagwizanya na Mulungu kwa njira ya chifo cha mwanawe, chamuno chayosi, bada ya kugwizanywa, hundaokolwa kwa uzimawe. ¹¹ Si vivyo hachaye,kare, ela pye hunanyemi kahi-za Mulungu kachirira Bwana Jesu Kristo kuchirira kwa iye ariye vikara hudzivhokera kugwizanywa kuku. ¹² Kwa vivyo, ichikala kuchirira kwa mutu mumwenga dambi yainjira duniani, kwa njira ii chifo chainjira ka njira ya dambi. Na chifo chichi tsalarira kwa atu osini, kwa kukala osini ahenda dambi. ¹³ Kwa chausa cha sharia, dambi yakala duniani ela dambi kaitalika vhasivhokala na sharia. ¹⁴ Hata vivyo, chifo chatawala kula kwa Adamu mahadi Musa, ta dzulu ya arahu ario kahendere dambi dza kutsikira kwa Adamu, ariye ni mufano wa iye ambaye andekudza. ¹⁵ Ela ta vivyo, zawadi ya bule si dza kosa. Kwa kukala kwa kosa ra-mumwenga anji afa, chamuno sana neema ya Mulungu na zawadi kwa neema ya mutu mumwenga, Jesu Kristo, idzizidi konjezeka kwa anji! ¹⁶ Kwa kukala zawadi si-dza maomborero ga yuya ariyehenda dambi. Kwa kukala kwa injira injine, chipawa cha bule chombolacho kwa kutarirwa hachi chakudza bada ya makosa manji. ¹⁷ Ichikala kwa kosa ra-mumwenga, chifo chatawala kuchirira mumwenga, chamuno cha gosi arahu ondo-vhokere neema nyingi vhamwenga na chipawa cha hachi andatawala kuchirira kwa Maisha ga mumwenga, Jesu Kristo. ¹⁸ Kwa vivyo, ichikala kuchirira kwa kosa mwenge atu osini akudza hukumuni, vivyo vivyo kuchirira hendo mwenge ra hachi kwakudza kutarirwa hachi ya Maisha kwa atu osini. ¹⁹ Ichikakala kuchirira kwa kutsasikira kwa mutu mumwenga anji ahendwa enye dambi, vivyo kuchirira atii wa kusikira kwa mumwenga anji ahendwa enye hachi. ²⁰ Ela sharia yainjira vamwenga, ili vyakukala kosa ritsalarire kuenea. Ela vhatu vharivho dambi Yahenda muno , neema yaonjezeka muno. ²¹ Yaomborere ili kukala, here dambi irivyotawala kahiza chifo, ndivyo ta neema inaweza kutawala kachirira hachi kwa ajili ya Maisha ga kare kuchirira Jesu Kristo Bwana wehu.