¹ Kwa vivyo dzulu ya kwamba Aburahamu, beyehu kahiza mwiri? ² Ichikala Aburaamu watarirwa hachi kwa mahendo , angekala na chausa cha kudzipa nguma (kadzilika), ele si-mbere za Mulungu. ³ Kwani maandiko ganambadze? “Aburahamu wamwamini Mulungu, na kwakwe iye achitarirwa hachi” ⁴ Vikara kwa mutu ahendae kazi, marivoge kagatalwa kukala ni neema, ela ni kukala ni deni. ⁵ Ela kwa mutu asiyehenda kazi na yanamwamini iye ambaye yanamtarira hachi asiyekala mwenye hachi, Imani-ya matu iye inatalwa kukala ni hachi. ⁶ Here Daudi pia anenavyo baraka dzulu ya mutu ariye-Mulungu yanamtarira hachi vhasivho mahendo. ⁷ Wamba , “Adzihaswa arahu ario maovu(mai gao) gasamehewa na ario dambi zao zidzuswa. ⁸ Yudzihaswa matu yuyahu ariye Bwana yudzimusira dambi” ⁹ Je, baraka zizi ni kwa arahu ario-bumwa lwembeni hebu hata arahu asiobumwa lwembeni? Kwa kukala hunamba,” Kwa Aburahamu Imani-ye yatalwa kukala ni hachi.” ¹⁰ Vikara watarirwadze? Wakati Aburahamu ariivhokala yuzibumwa lwembeni hebu arivhokala kadzanywe? Kaikarire kwa kubumwa lwembeni, ela bila kutsabumwa lwembeni. ¹¹ Abrahamu wavhokhera mola wa kubumwa lwembeni. Uu wakala ni muhuri kwa ira hachi ya Imani ario-kala nayo kare kabila kadzabumwa lwembeni. Maomborero ga dalili ii ni kukala wahendeka baba wa osi aminio, takala ka-kahize kubumwa lwembeni. Ii ina onyesa kukala hachi inatalwa kwao. ¹² ii pye inaonyesa kukala Aburahamu wahendeka baba wa arahu akabumwa lwembeni si ao hachiya, Ela pye ara atuwao nyayo za imani ya babehu Aburahamu. Na hii ndo Imani ariokala nayo isiobumwa lwembeni. ¹³ Kwa kukala kaikarire kwa sharia kukala chilagane chalaviwa kwa Aburahamu na chivyaziche , chalagane cha kukala andakala arithi a-dunia isivokala, kuchirira hachi ya Imani. ¹⁴ Ichikala arahu a-sharia ndio arithi, Imani idzikala kaina mana cho chilagane kachifaha. ¹⁵ Kwa kukala sharia inareha koro, ela vhasivhaka na sharia, pye kavana kosa. ¹⁶ Kwa vivyo riri rinahendeka kwa imani, ili ikale kwa neema. Maomboreroge, chilagane chilwazu kwa chivyazi chosini. Na chivyazi chichi si arahu aimanya-yo sharia, Ela pye ara ario ni- a Imani ya Aburahamu. Kwa kukala iye ni bayehu siswi hosini, ¹⁷ dzahere irivyo-andikwa, “Dzikuhenda uwe kukala baba wa mataifa manji.” Aburahamu wakala kahi-za mbere za ariye muamini, yani, Mulungu arie yuna-avha ariofa uzima na kuhenda mautu gasigo kalavho gakelevho. ¹⁸ Kanda na hali zosi za konze, Aburahamu kwa ungumbau wamwamini Mulungu kwa tsiku zidzazo. Kwa hivyo achikala baba wa mataifa Manji, here charahu chilagane chirichoikwa, “ndivyo chindivyokala chivyazicho” ¹⁹ Iye kakarire munyonge wa kutsa-amini. Aburahamu wanene kukala mwiriwe mwenye wakala udzefa umuri wa vevi wakalana miaka here gana-mwenga. Pye achikubaliana na hali ya kufa kwa ndani ya Sara. ²⁰ Ela kwa chausa cha chigane cha Mulungu, Aburahamu kahikarire kahi-za kutsa-amini, Ela wabumbwa mutsose kwa Imani na achimulika Mulungu. ²¹ Wamanya ujeri vyakukala chirahu arichokinena Mulungu yuna uwezo wa kuvhihenda. ²² Kwa hivyo ii, “yatalwa kwakwe kukala ni hachi.” ²³ Vikara kayandikirwe kwa faidaye, kukala “yatalwa kakwe.” ²⁴ Yandikwa kwa ajili yehu siswi pye, kwa ario-ikirwa kutarirwa, siswi hario huna-amini, kahi-za iye ariyemufufula Bwana wehu Jesu kula kwa ariofa. ²⁵ Yuyu ni yuyahu ariye wombozwa kwa ajili ya makossa gehu na kukufulwa ili hupate kutarirwa hachi.