¹ Chila nafsi ikale na kutuwa malagizo, kwa kukala kakuna mamulaka isivhokala gadzombola kula kwa Mulungu. Na mamulaka garigo vhavho ganombola kula kwa Mulungu. ² Kwa vivyo apingaye mamulaka gago yunapinga amri ya Mulungu; na arahu apingao andavokera hukumu yao enyee. ³ Kwa kukala atawali si kaogofya kwa ahendao madzo, ela kwa ahendao mai. Je unahenza kutsogova mamulaka? Henda garigo ni madzo, na undalikwa nago. ⁴ kwa kuukala ni muhumiki wa Mulungu kwako kwa ajili ya madzo. Ela ichikala undahenda garigo ni mai, ogovha; kwa kukala katsukula bila mundu chausa. Kwa kukala ni muhumiki wa Mulungu, murivha chisasi kwa koro dzulu ya yuyahu ahendaye ui. ⁵ Kwa vivyo inakufaha utuwe malagizo, si kwa chausa cha moyo. ⁶ Kwa riri ii pye unariva kodi. Kwa kukala enye mamlaka ni ahumiki a Mulungu, ario anendera kuhenda neno riri. ⁷ Murivheni chila mumwenga amwisicho; kodi kwa afahaye kodi; Ushuru kwa afahaye ushuru; wasiwasi kwa afahaye wasi wasi; hishima kwa afahaye hishima. ⁸ Musi-iswe ni mutu chitu chochosi isivhokala kuhenzana mwimwi kwa mwimwi. Kwa kukala iye amhenzaye jiraniye yudzitimiza sharia. ⁹ Kwa kukala “kunda zinga, kunda ulaga, kunda-iya, kutsakala na pola, kundatamani", na kala kuna amri injine pye idzikamilishwa kahiza neno riri; “undamhenza jiranio here uwe mwenye. ¹⁰ Uhenzo kaumulumiza jirani wa mutu. Kwa vivyo, uhenzo ni ukamilifu wa sharia. ¹¹ “Kwa chausa cha chichi, munamanya wakati, kukala vikari ni wakati wa kombola kahiza. Usinzizi, kwa kukala wokoli wehu uvhevhi muno kuriko wakati urahu hurio amini kalahengo mwanzo. ¹² Usiku udzendera, na mutsana udzidfika. Na hike pembeni mahendo ga dziza, na huvale silaha za nuru. ¹³ Na henende kara kara na mwangaza, si kwa nyambura za ui hubu erevi, na husenende kwa kutuwa uzembe, hebu pola yasoweza kuzuliwa,na si kwa fitina hebu wivu. ¹⁴ Ela humuvale Bwana Jesu Kristo, na husike nafasi kwa ajili ya mwiri, kwa tamaa za kwakwe.