¹ Wakati iye mwanang’onzi arivofugula muhuri ya fungahe, kuchikala na chimya ko mbinguni muda wa nusu saa ² Chisha nichiona Malaika afungahe aimao mbere za Mulungu, na achihewa tarumbeta fungahe. ³ Malaika munjine achidza yugwirira bakuli ra dhahabu renye uvumba, yudzima madhabahuni. Achihewa uvumba munji ili aomboze vamwenga na mavoyo ga aamini osi kahiza madhabahu ga dhabahu mbere za chihi cha enzi. ⁴ Mosi wa uo uvumba vamwenga na go mavoyo ga aamini, uchiambuka dzulu mbere za Mulungu kulaa mkononi mwa Malaika. ⁵ Malaika achihala bakuli ra uvumba na achiriudzaza moho kulaa kwenye madhabahu, chisha achiritsuva dzulu ya tsi, kuchiombola sauti za chikwangwara, maja ga chikwangwara na muhindiriko wa tsi. ⁶ Aa Malaika afungahe ariokala na tarumbeta fungahe akala tayari kuzipiga. ⁷ Malaika wa kwanza achipiga tarumbetaye, na kuchinya mvula yam awe na moho uriotsanganyikana na mulatso, vichitsuviwa tsi ili kwamba sehemu ya hahuye pia ivye, na sehemu yah ahu ya mihi ichivya na nyasi zosi zenye makodza zichivya. ⁸ Malaika wa viri achipiga tarumbetaye, na chitu here murima mubomu uriokala unavya kwa moho uchitsuviwa baharini. Sehemu tahu za bahari zichigaluka mulatso (milatso). ⁹ Sehemu tahu ya viumbe hai kahiza bahari vichifa na sehemu tahu ya meli zichibanangwa. ¹⁰ Malaika wa hahu achiipiga tarumbetaye, na kuchigwa nyenyezi bomu sana kulaa mbinguni ichimwirika here taa dzulu ya sehemu tahu za muho na venye matsomatso ga madzi. ¹¹ Dzinare yo nyenyezi ni vakanga. Sehemu tahu za madzi ichikala vakanga. Vava ni vatu vafu vasivo na madzi na atu anjii ata kulingana na madzi garigokala gautsungu. ¹² Malaika wan ne, achipiga tarumbetaye, na sehemu tahu za dzua, zichipigwa, vamwenga na sehemu tahu za mwezi na sehemu tahu za nyenyezi. Kwa iyo, sehemu tahu za vyosi ichigaluka kukala dzizaa, sehemu tahu ya mtsana na sehemu ya usiku kavikarire na mwangaza. ¹³ Napeleleza na nichisikira Malaika yunauruka kahikahi ya anga, achiha kwa sauti bomu, “shauri yenu, kwa ao aishio kahiza tsi, kwa sababu ya mulipuko w aiyo tarumbeta iriyosala ambayo ivevi na kupigwa ni Malaika ahahu.”