¹ Chisa maraika wa tsano achipiga tarumbeta ya kwakwe. Nichiona nyenyezi kombola mulunguni iriyokala idzegwa kahiza dunia. Nyenyezi iriyohewa ufunguo wa gopwe rienderaro kahiza gopwe risiro na mwisho. ² Achirifunga ro gopwe risiro na mwisho, na mosi uchiambuka dzulu kwa unji kombola kahiza ndani ya ro gopwe here mosi uombolao kahiza kome bomu ram oho. Dzuwa na anga zichigaluka zichikala dziza kwa sababu ya o mosi uriombola mo gopweni. ³ Kahiza uo mosi nzije aombola kudza dzulu ya dunia, na ao ariohewa nguvu here irahu ya inje dzulu ya dunia. ⁴ Achiambwa musibanange makodza ga ntsi hebu mumera wowosi wa kodza hebu muhi, isivhokala tu atu ario kala kakarire na alama ya Mulungu ya chikomoni. ⁵ Kahewerwe ruhusa ya kuulaga ao atu, ela kuatesa tu kwa miezi mitsano utsungu wa kwao were ungadzahere urahu wa kulumwa ni inje alumavyo mutu. ⁶ Kahiza tsiku zizo atu andayeya chifo, ela kandazhipata. Andaza kufa, ela chifo chindzazhimbira. ⁷ Nzije adziohalana na farasi adziotayarishwa kwa ajili ya viha. Kahiza vitswa vya kwao were kuna ufu here chirembe cha dhahabu na nyuso za kwao were zingadza here niza Bwaiadamu. ⁸ Were ana Nyere here za mwanamuche na meno ga kwao were gangadzahere ni ga tsimba. ⁹ Were ana vifuwa here vifuwa vya chum ana sauti ya makwavha ga kwao were ningadzahere ni sauti ya magari manji ga viha na farasi ariomalo Kwenda vihani. ¹⁰ Were ana michira ihimayo here inje; kahiza michira ya kwao were ana nguvu ya kubananga atu kwa miezi mitsano. ¹¹ Were anaye here mufalume dzulu ya kwao Malaika wa gopwe risiro na mwisho. Dzina ra kwakwe zhiburania ni Abadoni, na kahiza chiyunani yuna dzina ra Apolioni. ¹² Ole ya kwanza idzhira. Lolani! Baada ya riri kuna maafa mairi gadzago. ¹³ Malaika wa handahu achipanga tarumbeta ya kwakwe, na nichisikira sauti ichiembola kahiza pembe ya madhabahu ga dhahabu iriyo mbere za Mulungu. ¹⁴ Sauti ichimwamba Malaika wa handahu zuriye kala na tarumbeta, ‘Arichire Malaika Are ariofungwa kahiza muho mubomu wa Efrata’ ¹⁵ Malaika arahu Ane were adzitayarishwa kwa saa iyo maalumu, tsiku iyo, mwezi uo, na mwaka uo, arichwa auulage sehemu yah ahu ya Anadamu. ¹⁶ Idadi ya maasikai ariokala dzulu ya farasi were ni 200,000,000 naisikira idadi kwa kwao. ¹⁷ Vivi ndivyo nirivyoviona farasi kahiza maono ga kwangu na arahu ariopanda dzulu za kwao. Vifuwa vya kwao were ni vitune here moho. Chano chitsi chidzichoiva na manjano isiyoiva. Vitswa vya farasi vyahalana na vitswa tsimaba, na milomoni mwao kwaombola moho na chibiriti. ¹⁸ Sehemu yah ahu ya anadamu afa na gaga mahahu; moho mosi na chibiriti chiombolacho kahiza milomo ya kwao. ¹⁹ Kwa kukala nguvu ya farasi were ikahiza milomo ya kwao wa kahi za michira ya kwao. Kwa kukala michira ya kwai were ingadzahere ni nyoka, na were anavitswa arivyovihumira kuabuma anadamu majeraha. ²⁰ Atu ariosala, arahu arikala kadzangwe kufa kwa mapigo gaga katubure mahendo ga kwao arigogahenda wala karichire kuabudu mapepo na milungu ya dhahabu, fedha, shaba mawe na mihi, vitu virivyo kaviweza kuona, kusikira webu kwenenda. ²¹ Wala katuburire uulagaji wa kwao, utsai, uasherati wa kwao hebu njira za kwao za wivi.