¹ Baada ya gaga naona malaika ane adzima kwenye pembe ne za dunia, adzizulia pepo ne za tsi kwa nguvu ili kukala vasikale. Pyeho ivumayo kahi za tsi dzulu ya bahari wala chunyume cha muhi wowosi. ² Nichona malaika munjine achidza kula maborero wa dzua anekala na alama ya Mulungu ariye noyo. Ariricha kwa sauti bomu kwa malaika ane ariohewa kehusa ya kubananga tsi na bahari. ³ Musibanege tsi bahari wala mihi mpaka vavo vyondokala hudzika alama ya mulungu kahi za vikomo vya vitswa vya ahumuki a mulungu wehu. ⁴ Nichisikira idadi ya ao arioivyizwa alama muhuri 144000 arioinjizwa alama kula kwa chila ya atu a Iziraeli. ⁵ 12,000 kula kahi za kabila ea Yuda, anjizwa alama, 12,000 kula kahi za kabila ra Rubini, 12,000 kula kahi za kabila ra Gadi. ⁶ 12,000 kula kahi za kabila ra Asha, 12,000 kula kahi za kabila ra Nafufali, 12,000 kula kahi za kabila ra Manase. ⁷ 12,000 kula kahi za kabila ra Simioni, 12,000 kula kahi za kabila ra Lawi, 12,000 kula kahi za kabila ra Isakari. ⁸ 12,000 kula kahi za kabila ra Zebuluni, 12,000 kula kahi za kabila ra Yusufu, na 12,000 kula kahi za kabila ra Benjamini, ainjizwa alama. ⁹ Baada ya mautu gaga nalola na kuchikala na lukwili lubomu urio kavana mutu angaweza kuufala kula chila taifa (tsi) kabila adamu na lugha adzima mbere za chihi cha enzi na mbere za mwanag’onzi. Were adzivala kanzu nyeruve na anapanda za mifende mikononi mwao. ¹⁰ na were arieha kwa sauti za dzulu wokoli na khwa mulungu ariye yusagala kahi za chihi cha enzi na kwa mwanang’onzi. ¹¹ Malaika osi ariokala adzima kuzunguluka chuhi na kuazunguluka ao atuminya vamwenga na viumbe ario moyo ane achizama tsini kwenye tsi na achizika nyuso zao dzulu ya tsi mbere za chihi cha enzi na achimwabudu Mulungu. ¹² Achamba, ‘Amina sifa utukufu, hekima shukurani heshima uwezo na mukotse vikale kwa mulungu wehu kare na kare, amina. ¹³ Chisha mumwenga wa ao atuminya achinuza ‘ano adzovala kanzu nyeruve ni ano ani na adzombola havi? ¹⁴ Nichimwambira, ‘Bwana Mubomu, uwe ndiwe umanyaye’ na achinamba ‘aa ni ao arioombola kahi za Mateso mabumu. Adzizifula kanzu zao na kuzihenda nyeruve kwa mulatso wa mwanang’onzi. ¹⁵ Kwa sababu uo, a mbere za chihi cha enzi cha Mulungu na anamwabudu iye usiku na mtsana kahi za hekalu ra kwakwe. Iye adzesagala dzulu ya chihi cha enzi yundahandika mema ya kwakwe dzulu yao. ¹⁶ Kandaona nzala kahiri, wala chiru kahiri. Dzua karindaaocha, wala dzoho ra kuocha. ¹⁷ Kwa kukala mwanang’onzi ariye kahikahi ya chihi cha enzi yundaka muchungaji wao, na yundaalogoza kahi za chemichemi ya madzi ga uzima na Mulungu yundafuta kla tsozi kahi za matso gao