¹ Baada ya mautu gaga nalola, nichiona vya kukala muryango were udzifugulwa mulunguni. Irahu sauti ya kwanza, ichinena namimi here tarumbeta, ichiamba, ‘Inzoni vhano, nindakuonyesa gandigoomborera baada ya mautu gaga’ ² Mara mwenge were ni kahiza Roho, nichiona kukala kuna chihi cha enzi chidziikwa mulunguni, na mutu yudzichisagarira. ³ Mumwenga ariyekala yudzichisagarira were yunaonekana ngadza here ni dziwe ra yaspi na akiki. Were kuna chisichi cha mvhula chidzizhizunguluka zhihi cha enzi. Chisichi cha mvhula were chinaonekana here zumaridi. ⁴ Kuchizunuhika chihi cha enzi were kuna vihi vya enzi vingine mirongo miri na vine, na ariokala asegere kahiza vihi vya enzi were ni atumia mirongo na Ane, Adzivishwa mavazi meruvhe wa viremba vya dhahabu vitswani mwao. ⁵ Kula kahiza chihi cha enzi kwaombola maja ga chikwangwara, mungurumo na chikwangwara. Taa fungahe zirizokala zinaka mbere ya zhihi zha enzi, taa zirizo ni roho fungahe za Mulungu. ⁶ Kisha mbere ya chihi cha enzi were kuna Bahari, iriyo lwaza here chilolo. Kahikahi ya chihi cha enzi na were enye uhai Ane, ariokala adziudzala matso mbere na nyuma. ⁷ Chiumbe cha kwanza chenye uhai were yungadza here ni isimba, chiumbe cha vhiri chenye uhai were yungadzahere ni ndama, chiumbe cha hahu chenye uhai were yuria uso ngadzahere wa mwanadamu, na yuyahu mwenye uha wan ne were yungazkahere ni nzui zurukaye. ⁸ Viumbe vyenye uhai vine chila mumwenga were yuna makwavha mahandahu, Adziudzala matso dzulu na tsini ya kwakwe. Usiku na mutsana karicha kunena, ‘Mutakatifu, mutakatifu, mutakatifu ni Bwana Mulungu, mutawala dzulu ya osini, ariyekalako, na ariyevho na andiyekudza’ ⁹ Chila wakati viumbe eye uhai arivhoomboza utukufu, heshima na kushukuru mbere za ariyekala yusegere kwenye zhicho chihi cha enzi, iye aishiye kare na kare na daima. ¹⁰ Atumia mirongo miri na Ane anasujudu enye mbere ya iye adziyechisagarira chihi cha enzi. Anazama ntsi ya kwakwe aishiye kare nak are na daima na kutsuvha viremba vya kwao mbere ya chihi cha enzi achamba, ¹¹ ‘Unastahihi uwe, Bwana wehu na Mulungu wehu, kuvhokera utukufu na heshima na nguvu. Kwa kukala waviumba vitu vyosini, na kwa mapenzi ga kwako, virivyokalavho na vyaumbwa.