¹ Chisha ni chona kahiza mkono wa kurya wa yuyahu ariyekala, yusegere kahiza chihi cha enzi, gombo randikwa mbere na nyuma na here ridzikwa mihuri mifugahe. ² Namona Malaika ariye yuna mukotse achihubiri kwa sauti bomu, “Ni yuphiye afaaye kurifungula gombo na kuvunza mihuri ya kwakwe. ³ Kakuna mutu Mulunguni hebu duniani hebu tsini ya dunia ariyeweza kurifungula gombo au kurisoma. ⁴ Narira kwa ntsungu kwa kukala kaku patikanire yeyosi ariyefaa kurifungula gombo hebu kurisoma. ⁵ Ela mumwenga wa atumirya achinambira usirire lola tsimba wa kabila ra Yuda, Sina na Daudi yushinda na yunaweza kurifungula gombo na mihuri ya kwakwe mifugahe. ⁶ Kahiza chihi cha enzi na vyumbe virivyo moyo viune na kahiza atuminya nona mwana gonzi yudzima ariyeonekana dza here adziye ulagwa. Wakala na pembe fungahe na matso mafungahe zizi ni roho fungahe za Mulungu zirizohumwa duniani kosini. ⁷ Achenda achirihala riro gombo kula kahiza mkono wa kurya wa yuyalu ariyekala yusegere kahiza chihi cha enzi. ⁸ Arivhorihala riro gombo vyumbe virivyo moyo niune na atumiuya mivogo miini nane achiizama muhadi vhotsi mbere ya mwana gonzi chila mumwenga wakala na chimbi wa bakuli na dhahabu rokola ritele uvumba ambayo ni mavoyo ga atakatifu a Mulungu. ⁹ Aimba wira mupya unafaa kurihala gombo na kurifungula mihuri ya kwakwe kwa kukala watsinzwa na kwa mulatso wa kwako wamugurira Mulungu atu a chila kabila lugha lukolo na taifa. ¹⁰ Uchiahenda afalume na makuhani kwa ajili ya kumuhumikira Mulungu wehu nao andatawala dzulu ya tsii. ¹¹ Chisha nichilola na nichisikira sauti ya Malaika anji ario achizunguluka chihi cha enzi na vyumbe virivyo moyo na atuminya, Idadi yao here ni kumi ma elfu kwa kumi maelfu na maelfu kwa maelfu. ¹² Achinena kwa sauti bomu, “Yunafaa mwana gonzi ariye watsinzwa kuvhokera uwezo utagiri hekima mukotse heshima utukufu na sifa. ¹³ Nichisikira chila chirichombwa chiricho kala chimulunguni na duniani na tsini ya tsii na dzulu ya bahari chila chitu chokala chindaniye chichamba kwa iye asagalaye dzulu ya chihi cha enzi na kwa mwana gonzi kukale na sifa heshima utukufu na mukotse na kulongoza/kutawala kare na kare. ¹⁴ Vyumbe virivyo moyo viuue achiamba “Amina” na atumiuya achizama vhotsi na kuvoya.