¹ Kisha nichiona Malaika achitserera kula dzulu Mulungun, yuha ufunguo wa gopwe risiro na mwisho na mukowa (lugwe) mubomy mukononi mwakwe. ² Achingwira ridzoka, uyoka wa kapindi, ambaye ni ibilisi au shetani (pepo) na achimufunga miaka elfu. ³ Achimutsuva kwenye gopwe risiro na mwisho, achirifunga na kuripiga muhuri dzuluye. Ii ya kala vivyo ili asiakenge mataifa kahiri mpaka miaka elfu indivosira. Baada ya vavo, yundarichwa huru kwa muda muchache. ⁴ Kisha nichiona vihi vya utawala. Ariokala avisagarira ni ao ariokala ahewa uwzo wa kuhukumu. Vivyo hivyo, naona nafsi za ao ariokala akatwa vitswa kwa ajili ya ushuhuda kuhusu Jesu na kwa neno ra Mulungu. Akala kadzamwabudu munyama au sanamuye (chinyago) na akahala kuvokera yo alama kahiza nyuso zao au mukononi. Auya kukala azima na achitawala vamwenga na Kristo kwa miaka elfu. ⁵ Nyufu zirizosala kaziuyire kukala hai muhadi miaka elfu irivosira. Uu ndo ufufulo wa kwanza. ⁶ Mubarikiwa na mtakatifu nim utu yeyosi ambaye yundashiriki kahiza ufufulo wa kwanza! Maiti ya viri kaina nguvu dzulu ya atu here aa. Andakala makasisi (makuhani) a Mulungu na a Kristo na andatawala na iye kwa miaka elfu. ⁷ Muda wa miaka elfu uundivosira, shetani yundafugulwa kulaa chifungoni (gerezani) mwakwe. ⁸ Yundakwenda akenga matafa kahiza pembe nne za dunia- gogu na magogu- kuakusanya vamwenga kwa ajili ya viha (kondo). Andakala auji here mtsanga wa baharini. ⁹ Apanda dzulu kwenye sarara ya tsi, achizunguluka kwenye kambi ya aamini, kahiza mudzi uhenzwao. Ela moho watserera kula mbinguni na uchiangamiza. ¹⁰ Shetani (pepo) ariyeakenga, watsuviwa ndani ya ziya riakaro moho wa chibiriti, ambamo iye munyama na nabii wa ulongo were atsuviwa kare. Andateswa mtsana na usiku kare na kare. ¹¹ Kisha nichiona chihi cha utawala chibomu cheruve na iye ariyechisagarira. Dunia na mbingu zichichimbira kukaa kahiza uwepowe (utukufuwe) ela kavakarire na nafasi ya ao ya kutoroka. ¹² Naona ariofa ariokala Hodari na ariokala si muhimu adzima mbere za chihi cha utawala, na vitabu vichifuhulwa. Kisha chitabu chinjine chichifugulwa- chitabu cha uzima. Nyufu zichihukumiwa kulingana na gogo garigoandikwa ndani ya vitabu, matokeo ga chicho arichochihenda. ¹³ Bahari ichiomboza nyufu zirizokala udaniye. Chifo na kuzimu vyaomboza nyufu zirizokala ndaniye, na nyufu zichihukumiwa kulingana na mahendo gao. ¹⁴ Chifo na kuzimu zichitsuviwa ndani ya ziya ram oho. Chichi ni chifo cha viri- ro ziya ra moho. ¹⁵ Ichikala dzina ram utu yeyosi karindonekana raandikwa ndani ya cho chitabu cha uzima, undatsuviwa ndani ya ro ziya ra moho.