¹ Bada ya vivi namona Malaika munjine yanatserera tsi kula mulunguni. Iye wekala yuna mamlaka mabomu, na tsi ichikala na mwanga kwa atukufuwe. ² Kwa sauti bomu warira achamba, ‘Udzegwa, udzegwa, arahu Baba mudzi mubomu! Ukala phatu papepo asagalapho, na phatu phasagalapho chila roho kolu, na phato pasagalapho chila roho kolo, na phato phasagalapho chila tsongo mukolo atsukizyae. ³ Kua kukala mataifa gosini gadzenwa uchi wa tamaa ya usheratiwe ario unamrehera hukumu. Aflame a tsi adzizini nae. Ahenda biashara a tsi akala matajiri kwa mukkotse wa maishage ga anasa. ⁴ Chisha naisikira sauto injine kula Mulunguni ichamba, ‘Ombolani kwakwe atu angu, ili musidze mukashiriki kahiza dambeze, na ili musidze mukapokera mapigoge gogosi. ⁵ Dambize zidziphereranan (kurundikana) dzulu ngadzahere mulunguni, na Mulungu yudzigakumbukira mahengogemai. ⁶ Muriphoni nyadzahere adzivyoaripha anjine, na mukamuripha mara mbiri here adzivyohenda, kahiza chikombe arichochitsanga, mutsanganyaneni mara mbiri kwa ajiliye. ⁷ Ngadzahere virahu arivyodzilika iye mwenye, na waishi kua anasa, muphoni mateso manji na shonono. Kwa kukala moyoni mwakwe yanamba, ‘Nidzikala here malkia; ela sihere munjane, na wala sindaona maomborezo. ⁸ Kwa vivyo kahiza tsiku mwenye mapigoge ganda muremera; chifo, maomborezi na nzala. Kwa moho yundaochwa, kwa kukala Bwana Mulungu ni arie na mukotse, na kakwe ndio muhukumuwe. ⁹ Afalme a tsi arihozini na kutsanganyikirwa phamwenga na iye andarira na kumomboreza andiphomwona mosi wa kuphwa kwa ¹⁰ Andaima kure nae, kwa woga wa maumivuge andamba, ‘Shaka, shaka kahiza, Babeli mudzi mubomu, mudzi aniona mukotso! Kahiza saa mwenge hukumu ifika’ ¹¹ Ahendabiashara a tsi rirani na kuomboreza ena ajili ya kwakwe kwa kukala kakuna hata mumwenga agulae vitu vye kahiri. ¹² Vitu vya dahabu, pesa,maweiga thamani, lulu, kitani mbidzo, zambarau, hariri, tune, aina zosini za mihi ya kunuka toto, chila chike chirichofanywa kua mihi ya thamani, shaba, chuma, dziwe ¹³ Mudalasini, vilungo, avumba, manemane, ubani, uchi, mafuha, unga mudzo, ngano, ng’ombe na ng’onzi, farasi, na magari na ahumwa na roho za afu. ¹⁴ Matunda uriyokala nah amu nayo mukotso kwako gandiziuka. Anasa za kwako zosini na maoambo gadziuka, kagandapatikana kahiri. ¹⁵ Ahenda biashara a vitu vivi ariopata utajiri kahiza kuhenza kwakwe andaima kanda na iye kwa kukala woga wa mavunege, andarira kwa sauti ya komboreza. ¹⁶ Achamba, ‘Shaka, shaka ra mudzi urahu mubomu uriovikwa kitani mbidzo, zambarau, na tune na kupambwa kwa dhahabu, na vitu vya thamani. ¹⁷ Kahi za risaa mwenya utajiri wosini uo wauka chila aphirikae meli, chila baharia na osini anamadzi na osini ahendao kazi baharini, aima kanda. ¹⁸ Arira ariphowona mosi wa mavunege, achamba, ‘Ni mudzi aphinyo (wani) anahalana na mudzi uno mubomu? ¹⁹ Asupha vumbi dzala ya vitswa vyao, na arira, achombolwa ni matsozi na komboreza, ‘Shaa, shaka mudzi mubomu phatu osini ariokala na meli zao baharini akala ni matajiri kulaira na mali za kwakwe. Kahiza risaa mwenya adzangamizwa. ²⁰ ‘Kalani na nyemi dzulu ya kwakwe, mulungu, nanwi amini, ahumwa na manabii, kwa kukala Mulungu yudzireha hukumu yenu dzuluye! ²¹ Malaika arie na mukotse waunula dziwe ngadzahere dziwe bomu ra kusagira na kuritsupa baharibi, achamba, ‘Kahiza njira ii, Babeli, arahu mudzi mubomu, undatsuphiwa tsi kwa ukatikili na kaundonewa kahiri. ²² Sauti ya vinanda, anamuziki, apigaji firimbi na tarumbeta kaandasikira kahiri kwenu. ²³ Mwangaza wat aa kaundang’aza ndaniyo. Sauti ya Bwana harusi na bibi harusi kazingasikirwa ndaniyo kahiri, kwa kukula ²⁴ malatsoni mwa manabii na amini waonekana, na mulatso ma osini arioulagwa dzulu ya tsi’