¹ Mumwenga kahiza Malaika afungahe ariyekala yunagwirira mbiga fungahe (vitasa) wakudza na achiniamba, ‘Inzo nikuonyese hukumu ga Malaya mubomu asagalaye dzulu ya madzi manji. ² Ariye afalume antsiahenda mautu uzinzi na iye na dzulu ya urevi wa uzinzi wa kwakwe kwa ao ario duniani ariorevya. ³ Malaika achinihala muhadi lwagwani na nichimuena mwanamuere yusegere dzulu ya munyama mutune yedzeudzala madzina gaufyosi. Ye munyama were yuna vitswa vifungahe na pembe kumi. ⁴ Mwanamume wavishwa nguo za zambaraho na tune na yupambwa kwa dhahabu, mawe ga thaunzui na lulu. Were yugwirira mkononi mwakwe chikombe chidzichoudzala vitu vya matsikizyo ga ukolo wa usharati wa kwakwe. ⁵ Dzulu ya chikomu cha nso wa kwakwe ridziandikwa dzina ra siri; ‘BABELI MUBOMU AMEYAO MAKAHABA NA VITU VYA MATSUKIZYO GA NTSI’ ⁶ Nichiona kukala mwanamuche iye were yureya kwa mulatso wa Aumini na mulatso wa ariofa kwa ajili ya jeso, vhavho nirivhomuona, waangalala. ⁷ Eta Malaika achiamba, ‘Kwa tuwani udziangalala? Nindakwelezera maana ya mwanamuche na munyama amihalaye(munyama iye mwenye vitswa vifungahe zirahu pembe kumi) ⁸ Munyama uriyemona wakalavhavho, kavho kahiri hikira, ela yutayari kuambuka kombola kahiza gopwe risiro na mwisho chisha yundaenderera na ubanangi. Arahu asagalao dzulu ya ntsi, Arahu ambao madzina ga kwao kagaandikirwe kahiza chitabu cha uzima kulahangu kuikwa kwa misingi ya ulimwengu-andaangalala andivhomuona munyama ariyekalavho, vyakukala kavho hikara, ela yuvhevhi kudza. ⁹ Mwiho uu ni kwa ajili ya akili zirizo na hekima. Vitswa vifungahe ni mirima mifungahe iriyo mwanamuche wasakala dzulu ya kwakwe. ¹⁰ iyo pia ni afalume afungahe. Afalume atsano adzegwa, mumwenga yuvhavho, na munjine kadzagwe kudza bado; vhavho andivhokudza, yundakala kwa muda mufuhi. ¹¹ Munyama ariyekalavho, ela nika kavho, iye pia ni mufalume wa nane, ela ni mumwenga wa arahu afalume afungahe, na iye mwenyewe yunaenenda kahizp Ubangi za kwakwe. ¹² Zirahu pembe kumi urizoziona ni afalume kumi ario kadzangwe kuvhokera ufalume, afalume kwa risaa rimwenga vhamwenga nna munyama. ¹³ Aaa anashauri mwenge na andamuvha nguvu zao na mamulaka yuyahu munyama. ¹⁴ Andahenda viha kahi y ana mwano ng’onzi. Ela mwana ng’onzi yundaashinda kwa sababu ni Bwana wa mabwana na ni mufalume wa afalume- na ario naiye ni arahu ario ihiwa ario tsagulwa na ario aaminifu. ¹⁵ Malaika achiniambia, ‘garahu madzi urio gaona, vhavho arivhosagala yuyahu kahaba(Malaya) ni atu, ni makutano ni mataifa na lugha. ¹⁶ Zirahu pembe kumi urizoziaona zizo na yuyahu munyama andamutsikirirwa yuyahu Malaya. Na ao andamuhenda kukala mupweke na vhuvhu, anda murya mwiri wa kwakwe na andauocha na moho. ¹⁷ Kwa kukala Mulungu yudziika mioyoni mwao kutsukula kusudi ra kwakwe kwa makubaliano kumupatira munyama nguvu za kwao kumutawala muhadi maneno ga mulungu gandivho timira. ¹⁸ Yuyahu mwanamuche uriye mona ni mudzi urahu mubomu ntawalao dzulu ya afalume a ntsi.