¹ Nichisikira sauti bomu kula kahiza eneo ra patakatifu na ichigomba na arahu Malaika afungahe, “Enenda na ukamwage dzulu ya dunia mabakuli mafungahe ga ghadhabu ya Mulungu.” ² Malaika wa kwanza wakwenda na achimwaga bakuli ra kwakwe duniani majeraha mabaya genye utsuugu mukala ga apata enye alama ya munyama na kwa arahu avoyao sanamu za kwakwe. ³ Malaika wa vhiri wamwaga bakuli ra kwakwe baharini, ichikala dza here mulatso wa mutu, ariye yudzefa na chila chumbe chorokala moyo baharini chichifa. ⁴ Malaika wa hahu achimwaga bakuli ra kwakwe kwenye miuho na kwenye chemichemi za madzi na zichikala mlatso. ⁵ Nichimusikira Malaika wa madzi achiamba, “Uwe umutakatifu, urieko na ariyekalako, mutakatifu, kwa kukala uzireha hukumu zizi. ⁶ Kwa kukala amwaga mlatso ya amiini na manabii, udziahenda ao anwe mlatso ndivyo viafaahavyo.” ⁷ Nachisikira madhabahi ichijibu, “Ndiyo! Bwana Mulungu ariye utawala dzulu ya vyosini, hukumu za kwako ni za jeri na haki.” ⁸ Malaika wan ne achimwaga kula kwa bakuli ra kwakwe dzulu ya dzuwa, na richihewa ruhusa ya kuaocha atu kwa moho. ⁹ Aochwa kwa dzoho renye kuogofya na achirukana neno ra Mulunguni ariye mukotse dzulu ya mapihgo gosini karirikanire hebu kumuvha iye utukufu. ¹⁰ Malaika wa tsano achimwaga kula kwa riro bakuli ra kwakwe kwenye chihi cha enzi cha munyama na dziza richiziza ufalume wa kwakwe. Achisaga meno kwa ajili ya utsungu mukali. ¹¹ Achimukana Mulungu wa mulunguni kwa sababu ya utsungu wao na majeraha gao, nab ado aenderera kutsatubu kwa chirahu arichochihenda. ¹² Malaika wa handahu wamwaga kula kwenye bakuli ra kwakwe muho mubomu, frati na madzige uchiuma ili kuweze kuhendela ujira kwa afalume ondokudza kula momborero wa dzuwa (gachuma). ¹³ Nichona roho tahu chafu zirizoonekana dza here vyulwa vyombolavyo konze kula kwa mulomo wa yuyahu dzoka, yuyahu Yuma muyama na yuyahu nabii wa ulongo. ¹⁴ Ni roho za pepo zihendazo ishara na vilinge. Akala achenda kwa afalume a dunia yosini ili aweze kuareha vhamwenga kahiza viha vya tsiku ya Mulungu, mwenye mukotse wosini. ¹⁵ Lola! Ninadza dza here mwimi! Baha yuyahu adumuye kahiza kuchesa, atunzaye nguo za kwakwe ili asiweze Kwenda konze vhuvhu hakona haaya ra kwako. ¹⁶ Aareha vhamwenga kwenye eneo ririrohiwa kahiza Kiebrania Amagedoni. ¹⁷ Malaika wa fungahe wamwaga kula kwa bakuli ra kwakwe kwenye anga. Chisha sauti bomu ichisikirwa kula patakatifu na kula kwenye chihi cha enzi, ichiamba, “Visira!” ¹⁸ Kwakala na mwangaza wa maja, chikwagwara misindo ya maja na muhindiriko wa kuogofya- muhindikiro mubomu wa tsii urio kaudza wahikuhendeka duniani hangu anadamu akalevho duniani, kwa vivyo ni muhindiriko mubomu. ¹⁹ Mudzi mubomu wagavikana kahiza maeneo mahahu, na midzi ya mataifa ichigwa. Chisha Mulungu achimukumbukizya Babeli mubomu, na achiuvha mudzi uo chikombe chirichokala chidzidzala divai kula kwenye ghadhabu ya kwakwe iriyo ni kali. ²⁰ Chila shisiwani changamika na mirima kaiwezere kuonewa kahiri. ²¹ Vula bomu yam awe, iriyokala na uziho wa talanta, ichitserera kula mulunguni dzulu za atu, na achimulaani Mulungu kwa mapigo ga vula yam awe kwa kukala riro pigo rikala baya sana.