¹ Ishara bomu yaonewa Mulunguni mwanamuche adziyezizwa ni dzuwa na achikala yuna mwezi utsini ya magulu ga kwakwe na chiremba cha nyenyezi kumi na mbiri zakala dzulu ya chitswa cha kwakwe. ² wakala yuna tumbo na achikala yuna rira kwa utsungu ariokala nao wa kuvyala. ³ Na ishara injine yaonewa Mulunguni, “Lola kwakala na dzoka ritume rikala rina vitswa vifungahe na pembe kumi, na kwakala kuna viremba fungahe kahiza vitswa vya kwakwe. ⁴ Muchira wa kwakwe wakulula sehemu ya hahu ya nyenyezi mulunguni na kuzitsuvha tsini duniani, dzoka raima mbee za mwanamuche ariyekala yuvhevhi kudzifungula, ili kukala muda adzifungulavho, aweze kumumiza iye mwanawe. ⁵ Wadzifungula mwana na chilume, ariye yundatawala mataifa gosini kuchirira kwa ndata ya chuma, iye mwanawe waunulwa dzulu kwa Mulungu na kwenye chihi che cha enzi. ⁶ Na iye mwanamuche wachimbira werumi, vhatu vhorokala Mulungu yudzitayarisha sehemu kwa ajili ya kwakwe, ili aweze kulolwa kwa tsiku 1,260. ⁷ Hikara kwa kala na kondo kuko Mulunguni, Mikaeli na Malaika a kwakwe achipingana na rirahu dzoka na riro dzoka na Malaika a kwakwe achipingana nao. ⁸ Ela dzoka karikarire na mukotse wa kutosha wakuweza kushinda, kwa vivyo kakukarire na makalo ga kwakwe hakiri kuko mulunguni kwa ajiliye na Malaika a kwakwe. ⁹ Dzoka rirahu rakapindi aihiwaye ibilisi hebu shetani ariye yunakenga dunia yosini achitsuvhiwa tsini duniani Malaika a kwakwe vhamwenga naye. ¹⁰ Chisha nichisikira sauti bomu kombola mulunguni, “Hikara wokovu ukudza, mukotse na ufalme wa Mulungu wehu, mamlaka ga Kristo wakwe. Kwa kukala mushitaki wa ndugu zehu yutsuvhiwa tsini- ariye yunaashitaki mbele za Mulungu wehu usiku na mutsana. ¹¹ Amushinda kuchirira kwa mulatso wa mwanagonzi na kahiza naeno ra ushuhuda wa kwao, kwa kukala kahenzere sana maisha ga kwao hata akala tayari kufa. ¹² Kwa vivyo tsiratsirani mwimwi Mulungu na mosini mukalao ndaniye. Ela shauri yo tsii na bahari kwa kukala mui yutserera kwenu. Yudzidzala hasira kali, kwa kukala yunamanya muda wa kwakwe ni muchache tu. ¹³ Vhorokala dzoka rimanya kukala ritsuvhiwa tsini kwenye tsii, wamutuwa mwanamuche iye yekala yudzifungula mwana wa chilume. ¹⁴ Ela mwanamuche wahewa makwavha maini ga nzui mubomu, ili kwamba aweze kuruka muhadi kwenye eneo ambaro ratayarishwa kwa ajili ya kwakwe kurahu werumi, eneo ambaro yunaweza kutunzwa, kwa wakati, nyakati na nusu wakati, vhatu asivhoweza kufika yuyahu nyoka. ¹⁵ Nyoka wamwaga madzi kula kwa mulomowe dza here muho, ili ahende gharika ya kumujeresha. ¹⁶ Ela tsii yamwaviza mwanamuche, yafungula mulomowe na kuumiza uo muho ariohenda riro dzoka kula kwa mulomo wa kwakwe. ¹⁷ Chisha dzoka richimutsikirirwa iye mwanamuche naye achuka achihenda kondo na lukolowe losini- arahu ario anaogovha malagizo ga Mulungu na kugwirira ushuhuda kumuhusu Jesu. ¹⁸ Chisha dzoka richiima dzulu ya mutsanga wa baharini.