¹ Chisha nizhiona munyama yanaombola kahiza Bahari. Were yuna pembe kumi na vitswa vifungahe. Kahiza pembe za kwakwe were kuna viremba kumi, na kahiza zhitwa cha kwakwe were kuna maneno ga kumfukuru Mulungu. ² Yuyu munyama niriyemuona ni here tsui magulu ga kwakwe gangadzahere nigadubu, na mulomo wa kwakwe were ungadzahere wa tsimba. Rirahu ridzoka richimupa mukotse, (nguvu) za kwakwe za zhihi cha enzi na mumulaka yenye sano ya kutawala. ³ Chitswa cha munyama mumwenga wavho zhaonekana were zhina jeraha bomu ambaro ringasababisaha chifo cha kwakwe. Ela jeraha ra kwakwe richivhola na dunia yosi ichiangalazwa na ichimutuna munyama. ⁴ Pia achimwabudu dzoko, maana wamuvha mamulaka yuyahu munyama. Achimwabudu munyama pia, na achienderera kunena, ‘ni ani here munyama? Na ni ani awezaye kupigana naye?’ ⁵ Munyama azhihewa mulomo ili anene maneno ga kudzisifu na matusi. Waruhusiwe kukala na mamulako kwa miezi mirongo mine na miri. ⁶ Vivyo munyama wafugula mulomo wa kwakwe achinena matusi dzulu ya Mulungu, achiriukana dzina ra kwakwe, vhatu arivhokala yanaishi na arahi aishia mulunguni. ⁷ Munyama waruhusiwa kuhenda viha na aumini na kuashinda. Pia wahewa mamulaka dzulu ya chila kabila, atu lugha na taifa. ⁸ Osini arioishi duniani andamuabudu iye, chila mumwenga ariye dzina ra kwakwe karidzaandikwa, kulahangu kuumbwa kwa dunia, kahiza chitabu cha uzima, chiricho ni cha mwana ng’onzi, ariye tsinzwa. ⁹ Ichikala yeyosi yuna sikiro, na asikire. ¹⁰ Ichikala mumwengawavho wahalwa mateko, na kahiza mateko yundakwenda. Ichikala mumwengawavho yundawagwa na mundu, kwa o mundu yundafa uu ni mwiho wa upore na uvumirivu na Imani kwa ao ario atakatifu. ¹¹ Chisha nichiona munyama munjine yunadza kombola kahiza aridhi. Were yuna pembe mbiri here ng’onzi na achinena ngadzaroridzoka. ¹² Naonyeshwa (wadhihirisha) mamulaka gosini ga munyama yuyaha wa kwanza kahiza uwepo wa kwakwe na kuhenda kahiza dunia na arahu arioishi amuamudu yuyahu munyama wa kwanza na kuhenda yuyahu ambaye rangu ra kwakwe ra vhola. ¹³ Achihenda miujiza yenye nguvu, hata achihenda moho utserere kahiza dunia, kombola Mulunguni mbere za atu. ¹⁴ Na kwa ishara waruhusiwa kuhenda achiokenga ao akalao kahiza dunia, achiambira kutengeneza sanamu kwa heshima ya munyama ariyekala wabumwa marang ana mundu, ela bado aishi. ¹⁵ Waruhusiwa kuomboza pumuzi kahiza irahu sanamu ya munyama ili sanamu iweze kusema na kusababisha arahu osini ariokahala kumwabudu munyama afe. ¹⁶ Pia achimulazimisha chila mumwenga, asiye na thamani na ye mwenye nguvu, Tajiri na masikini, ariye huru na mufumwa, kuivhokera alama kahiza Mukono wa kurya hebu kahiza chikomo. ¹⁷ Were kaviwezekana kwa chita mutu kuguza hebu kugula isivhokala iye mwenye alama ya munyama, na ii ni namba yenye kuwakilisha dzina ra kwakwe. ¹⁸ Ii inahenza busara uchikala yoyosi yunaufahamu, moriche aweze kuhenda hesabu ya namba ya munyama kwa maana ni namba ya chibinadamu. Namba ya kwakwe ni 666.