¹ Nahewa mwanzi wa kuhumira here ndata ya kupimira. Nichiambirwa, ‘Uka na ukapime hekalu ra Mulungu na madahabu na arahu avoyao mumo ndani. ² Ela usipime nze ya hekalu kwa kukala ahoma atu a mataifa. Andauvyoga mudzi mutakatifu kwa muda wa miezi mirongo mine na miri. ³ Nindaapa mashahidi angu airi mamulaka ga kutabiri kwa muda wa tsiku 1,260 achikala arala magunia’ ⁴ Aa mashahidi ni mihi miri ya mizaituni na vinga viri virivyo vidzima mbere ya Bwana wa dunia. ⁵ Ichikala mutu yoyosi yundaamua kualamiza, moho kombola milomoni mwao na kualumiza adui ao. Yoyosi andiahonza kualumiza lazima afe kwa njira ii. ⁶ Aa mashahidi ana uwezo wa kufunga anga ili vyakukala mvula isinye wakati anatabiri. Ana mukotsewa kulaguza madzi kukala mulatso na kuipiga tsi kua chila aina ya pigo wakati wowosi ahenzapho. ⁷ Wakati andiphokala amarigiza ushuhuda wao, yuyahu munyama aombolae kahiza gopwe risiro na mwisho na yundahenda viha na ao. Yunda ashinda na kuaulaga. ⁸ Mimi yao indalala kahiza mtaa wa mudzi mubomu (Urio kahiza mufano unahima Sodoma na Misri) Pharipfo Bwana wao wasulubiwa. ⁹ Kwa tsiku tahu na nusu anjine ao kombola kahiza Adamu a atu, kabila, luga, na chila taiga andalolo miri yao na kandalavya chibali cha kuizika mbirani. ¹⁰ Arahu aishia kahiza tsi andakala na nywemi kua ajili na kutsiratsira, hata kuhumira na zawadi kwa sababu ao manabii airi aatesa arahu aarioishi kahiza tsi. ¹¹ Ela bada ya tsiku tahu na nusu, pumuzi ya uzima kula kwa Mulungu indainjira na ao andaima kua magulu yao. Woya mubomu undaophenye arahu aonao. ¹² Chisha andasikira sauti bomu kula mulunguni indaambira, ‘Inzoni kuno!’ nao andakwenda dzulu mulunguni kahiza ingu, wakatu adui ao analola. ¹³ Kahiza saa iyo kundakalapho na muhindiriko wa dzulu ta tsi na mwengu ya kumi ya mudzi indagwa. Atu elufu saba andafa kahiza muhindiriko na andiosala moyo andaphonwa ni woga na kumupha utukufu Mulungu wa mulunguni. ¹⁴ Shaka ra Phiri ridzichira. Lola! Ra hahu inadza hiraka! ¹⁵ Chisha Malaika wa fungahe wapiga tarumbetaye, na sauti bomu ichikalako mulunguni iromba, ‘Ufalme wehu dunia udzikala ufalwe wa Bwana wehu na Kristowe. Andetamala kare na kare. ¹⁶ Chisha atuminya mirongo miri na ane ariokala asegere kahiza vihi vya enzi mbere za mulungu agwa enye, nyuso zao sichilola tsi achimovoya Mulungu. ¹⁷ Achamba, ‘Hunaomboza shukurani zehu kwako, Bwana Mulungu, mutawala dzulu ya vyosini uriepho na uriekalapho,kwa kukala udziahala mukotseo mubomu na kwanza kutawala. ¹⁸ Mataifa atsikirwa, ela hukumuyo idzikudza. Wakati utumira wa ariofa kuhukumiwa na uwe kuapa zawadi ahukumikia manabii, amini na arahu ario ario aroghoparo dzinaro, osini airi ario kaafa chitu na ario na mukotse. Na wakatio atimira na kuabananga arahu ario akala achibananga dunia’ ¹⁹ Chisha hekalu ra Mulungu mulunguni rafunulwa na sandaku ra laganore ranema ndani ya hokalure. Kwakala mianga ya mwangaza, lonzo, muriro wa chikwangwara, muhindiriko wa tsi na mvula ya mawe.