¹ Ichikala tsiku ya sabato mwengavho, Jesu heve yuhachira kwenye munda wenye nafaka na anafuuziye achikala anazihuta zo tembe, achizitsikitsa kwenye mikono yao achivya onafaka. ² Ela baadhi ya mafarisayo achamba “kwa tuwani munahenda utu ambao si karakara chisheria kuuhenda tsiku ya sabato?” ³ Jesu, achiajibu, achiamba, “Je, kamuwahire kusoma Daudi vyorohenda vhokala yuna nzala, iye vhamwenga na analume okala vhamwenga naye? ⁴ wakwenda kwenye nyumba ya mulungu, achihala mikahe mitakatifu na achiivya chiasi, na minjine achiilavya kwa atu oviokala vhamevenga haye aivye, hatakala here ni karakara hecheye kwa ario ni makuhani kuivya..” ⁵ Chisha achiambira, “ mwana wa Adamu ndiye bwana wa sabato.” ⁶ Ichikala kaluiza sabato mwengavho kwamba wakwenda ndani ya sinagogi na achiafundisha atu mumo. Muchikala na mutu ariye mkonowe wa kurya here wagwirwa ni pyeho. ⁷ Andishi na mafarisayo achikala anamulolata ilia one kala yunda muuhoza mutu tsiku ya sabato, ilia kale na chisigwa cha kumushitaki kwa kuhenda kosa. ⁸ Ela wamanya chirahu chorokala anachaza na achimwambiva yuyahu mutu yerekala Yuma mkono wa pyeho, “Uka kivyo iye mutu achunuka achiima vhauho. ⁹ Jesu achiambira, “Namuuza mwimwi, je ni karakara kuhenda madzoau mai tsiku ya sabato, kokola Maisha au kubananga?” Achialola osini na achimwamba yuyahu mutu, ¹⁰ “Nnyoshe mkonoo.’’ Achinnyosha, na mkonowe uchivhola. ¹¹ Lakini achitsikirwa sana, achilumbana ao kwa ao kuhusu utu ambao unafaa aweze kuuhenda kwa ajiliye Jesu. ¹² Tsiku zizo achikala yudzuka yukwenda mrimani kuvoya. Achedereva kumvoya mulungu usiku wosi. ¹³ Na vhoriuhocha, waiha anafuuziye kwakwe, na achiatsagula kumi na mbiri kaliiza ao, ambao pia waiha ‘mitume’. ¹⁴ Madzina ga ao mitume here ni simoni ( ambaye pia wamwiha petero) na Andrea nduguye, Jakobo, Johana, Filipo, Bartolomayo, ¹⁵ Mathayo, Tomaso na jakobo mwana wa alfayo,simoni, yerehiwazelote, ¹⁶ Juda mwana wa Jakobo na Juda Iskariote, yere kala ni mutongeyaji/ msaliti. ¹⁷ Chisha Jesu wateremuka hamwenga nao kula murimani na achiima vhatu tambarare. Na idadi bomu ya anafunziye here akuko, vhamwenga na idadi bomu ya atu orolaa uyahudi na Jerusalemu, na kombola pwani ya Tiro na Sidoni. ¹⁸ Akudza achimusikiza na kuvhozwa makongo gao. Atu oviyokala anayugika kwa kupagaliwa wi mapepo achafu pia avhozwa. ¹⁹ Chila mumwenga yerekala kwenye lukwili lulu wajeza kumngusa kwa kukala mukotsa wa kuvhooza here unamombola, na achiavhooza osini. ²⁰ chisha achialola anafunziye, na achiamba, “muhaswa mwimwi murio mu’achia,kwa kukala ufalume wa mulunhu ni wenu. ²¹ muhaswa mwimwi enye nzala vivi, kwa kukala mundakushwa. Muhaswa mwimwi murirao vivi, kwa kukala mundatseka. ²² Muhaswa mwimwi ambao atu anda’atsikirirwa na kuazola na kuasingizira mwimwi kukala mu-ai, kwa ajili ya mwana wa Adamu. ²³ Kalani na uyemi tsiku ahendevadza vivyo manabii: ²⁴ Shauriyenu mudzio kuha vivi! Kwa kukala mundakala na nzala baadaye, ²⁵ shauri yenu, murio na higemi vivi! Kwa kukala mundaoomboleza na kuriva badaye. ²⁶ Shauri yenu atu vhondomulika! Kwa kukala bezao ahendera manabii aulongo dza vivyo. ²⁷ Ea nagomba na mwimwi ambao mnanisikiza ahenzeni maadui enu na ahendereni mautu madzo arahu atsikirirwao. ²⁸ Ahaseni arahu ambao ana alaan mwimwi na avoyereni arahu ambao anamonera. ²⁹ Kw iye akuoigaye tsavu upande mumwenga, mugaluzire tsavu ra upande wa vhiri pia. Mutu achikuvhoka johoro asimukahaze na kanzuyo pia. ³⁰ Chila akuvoyaye muvhe. Na mutu achikugwarura mahiyo usimutuwe tuwe ili kwamba akudzirye. ³¹ Vyomuhedzavyo muhendewe ni atu, mwimwi namwi hendani dza vivyo. ³² Ichikala munda ahenza atu amba anamuhenza mwimwi pia, yo ni zawadi yani kwenu? kwa kukala hata enye dhambi pia ana ahenza arahu ambao ana ahenza. ³³ Ichikala munda ahendera madzo arahu ambao pia ana muhendera mwimwi madzo, yo ni zawadi yani kwenu? Kwa kukala hata enye dhambi udivyo ahendavyo. ³⁴ Ichikala munda akopesha atu vitu chisha mulonde kudzirwa, yo ni zawadi yani kwenu? Hata enye dhambi nikukopesha ayawao enyi dhambi, na kuhneza kuvhokera chasi chicho chicho kahiri. ³⁵ Lakini ahenzeni maadui enu na muahendere mautu madzo. Akoposhenu na musitazamie arivhe na zawadi yenu indakala bomu. Mundakala ahoho/ana a ariye dzulu, kwa kukala iye mwenye ni mudzo kwa atu ambao kana shukurani na ni aii. ³⁶ Kalani enye mbaazi dza vyo Abayenu arivyo ni mwenye mbaazi. ³⁷ Musihukumu nanwi kamunda hukumiwa. Musilaani, nanwi kamunda laaniwa. Asameheni anjine, nanwi munda samehewa. ³⁸ Avheni anjine, nanwi munda hewa. Chiasi cha ukarimu- chodzoshindiliwa, kusukwasukukwa na kunwagika- vindamwagika mavindini mwenu. Kwa kukala chipimo chicho chicho chindahumika kuapira mwimwi. ³⁹ Chisha achiambira ngano pia, "Je, mutu ambaye nichipofu yunaweza kumulongoza chipofu muyawe? Ichikala yundahenda vivyo, basi osi andagwa gopweni. Je, kandagwa? ⁴⁰ Mwanafunzi kakala mubomu kumuchira mwalimuwe, lakini mutu achifundishwa karakara yundakala dza mwalimuwe. ⁴¹ Ni kwa tuwani unalola chifusi chiricho ndani ya dzitso ra uduguyo na chidude chiricho ndani ya dzitsoro kuchilola? ⁴² Undawezadze kumwambira nduguyo, "Mwenehu nakuvoya nikomboze chifusi chiricho ndani ya dzitsoro, na uwe menye kuchilola chidude chiricho ndani ya dzitsoro kwanza? Mulongo we! Kwanza omboza cho chidude chiricho ndani ya dzitsoro mwenye, ndo ndaona tototo komboza chifusi chiricho ndani ya dzitso ra nduguyo. ⁴³ Kwa kukala kakuna muhi mudzo uvyalao matunda mai, wala kakuna muhi mui uvyalao matunda madzo. ⁴⁴ Kwa kukala chila muhi unamanyikana kuchiriria kwa matundaye. Kwa kukala atu kayeya tini kula kwenye miya, au kayeya zabibu kula kwenye michongoma. ⁴⁵ Mutu mudzo kahiza hazina mbidzo ya moyowe na kunena garigo madzo, na mutu mwi kahiza hazina mbii ya moyowe ni kunena garigo mai. Kwa kukala mulomowe unanena garahu ambago ga ndani ya moyowe. ⁴⁶ Kwa tuwani munaniha, "Bwana Bwana na bado kamugahenda garahu nigombago? ⁴⁷ Mutu yeyosi adzaye kwangu na kusikira maneno gangu na kugahenda, ndamuvenyefa virahu arivyo. ⁴⁸ Yudzihalama na mutu ajengaye nyumbaye kwenye musinzi wa mawe baada ya kutsimba tsini sana. Madzi manji gakudza gachiipiga iye nyumba na kaigwiare, kwa kukala yajengwa tototo. ⁴⁹ Ela yeyosi ambaye yunasikira neno rangu na karogovha, yuhalana na mutu ariyejenga nyumbaye dzulu ya mtsanga ambavho kavhana musinzi, muho uriroudzala madzi, madzi gateremuka kwa nguvu na nyumba iyo ichigwa. Lakini shauri yenu mwimwi ambao mumatajiri! Kwa kukala mupata faraja.