¹ Baada ya Jesu kumarigiza chila chitu arichokala yunachinena kwa atu ariokala anamusikiza, wakwenda Kapernaumu. ² Muhenzi wa kazi wa Akida, ariyekala ni wa maana sana kwakwe achikala ni mukongo sana hata yuyevi na kufa. ³ Lakini achikala yusikira habari za kumuhusu Jesu, kwa vivyo iye Akida achimuhuma chilongozi wa chiyahudi, ende akamwambire Jesu adze amokole muhenzi wa kazi we ili asife. ⁴ Na arivofika vevi na Jesu, amuvhoya sana achimwamba, “Yunafaa umuhendere vivi ⁵ Kwa kukala yunarihenza sana taifa rehu, na ndiye ariye hujengera sinagogi rehu.” ⁶ Jesu achenderera na safariye vhamwenga nao. Lakini kabla afike nyumbani kwa iye Akida, ofisa mumwenga achiahuma asenae agombe naye, “Bwana, usidzitsosye, kwa kukala mimi sifaa hata uwe winjire nyumbani mwangu. ⁷ Kwa sababu iyo hata mimi mwenye dzidzona sifaa kudza kwako, ela nena neno tun a muhenzi wa kazi wangu yunda vhola. ⁸ Kwa kukala hata mimi ni mutu mubomu mwenye mamulaka na nina asikari ambao atsini yangu. Nichigomba na mumwenga “Enenda” yuna enenda, na munjine nichimwamba “Nzoo” naye yunadza na kwa muhenzi wa kazi wangu nichimwamba “Henda vino” iye nikukala yunahenda.” ⁹ Jesu arivosikira mautu gaga vya mwangalaza na achiagalukira ao atu anji ariokala anamutuwa na achiamba, “Naambira kahiza Israeli sidzona mutu mwenye imani bomu dza yuyu. ¹⁰ Chisha arahu atu ariokala ahumwa auya kuko nyumbani na achenda mona iye muhenzi wa kazi ni muzima. ¹¹ Baada ya gaga, Jesu wakwenda mudzi uihiwao Naini. Anafunzie achenda vhamwenga naye na pia achilongozana na lukwili lwa atu. ¹² Arivokala yuvhevhi na muryango wa kwinjirira uo mudzi, achona lufu lunatsukulwa, na were ni mwana tu wa hacheye wa mwanamuche ariye wafererwa ni mulume, ni gungu atu anji kula kwa uo mudzi achikala avhamwenga naye. ¹³ Arivomuona, Bwana wamusengerera kwa mbaazi nyinji sana dzuluye na achimwambira, “Usirire.” ¹⁴ Chisha achesengera mbere achigusa lolutara alirokala yutsukurirwa ni arahu oriokala atsukula achima, achiamba, “Chijana nakwamba lamuka.” ¹⁵ Lufu luchilamuka na luchisagala na luchaanza kugomba. Chisha Jesu achimugwisha amege. ¹⁶ Chisha woga uchiagwira osini. Achenderera kumulika Mulungu achiamba, “Nabii mubomu yudziunuka kahikahi yehu, na Mulungu yudzialola atuehe.” ¹⁷ Habari mbidzo zizi za Jesu zatapakaa Judea yosi na midzi jirani. ¹⁸ Anafunzi a Johana amwambira mautu gaga gosini. ¹⁹ Ndo Johana achiiha anafunzie airi na achiahuma kwa Bwana amuuze, “We niyuyahu adzaye hebu kuna mutu munjine humutazamie?” ²⁰ Arivofika vhevhi na Jesu ao anafunzi achiamba, “Johana mubatizaji yudzuhuhuma kwako hukuze, “We ni yuyahu adzaye hebu kuna mutu munjine humutazamie?” ²¹ Muda uo waavhoza atu anji ariokala ni anyonge na kuteseka kahiza roho achafu na atu ariokala kaona waahenda aweze kona. ²² Jesu achiajibu, achiambira, “Baada ya kukala mukwenda kurahu mulako, muuda mwambira Johana chirahu ambacho muchona na kuchisikira. Ambao kaon ana viwete (anaenenda) anatsembera enye mahana anatakaswa, na viziwi anusikira, nyufu zinafufulwa na kuya moyo kahiri achia anaambira habari mbidzo. ²³ Na mutu ariye kandaricha kunikuluvhira kwa sababu ya mahendo gangu yundahaswa.” ²⁴ Baada ya arahu ariokala ahumwa ni Johana kuya kurahi Korolaa, Jesu achaanza kugomba na lulo lukwili lwa etu kumuhusu Johana, "Mwakwenda konze muchona chitu chani lunyasi luchikala lunatukuswa ni pyeho? ²⁵ Ela mwakwenda konze muchona chitu chani, mutu adziye valato? Lola atu ario anavala mavazi ga chifalume na kuishi maisha madzo a kwenye nyumba za chifalume. ²⁶ Ela mwakwenda nze muchona chitu chani, Nabii? Ni vivyo, naambira na here ni zaidi ya nabii. ²⁷ Yuyu ni iye ariyeandikwa, "Lola namuhuma mujumbe wangu matsoni kwenu, yundahenda ujira kwa ajili yangu. ²⁸ Nanena na mwimwi, kahiza atu arahu osini ario avyalwa ni mwanamuche, kakuna mubomu dza Johana, ela mutu asiye muhimu sana yundaishi na Mulungu vharahu arivho iye, yundakala mubomu kumuchira Johana." ²⁹ Na atu osini vhorokala asikira mautu gaga vhamwenga na atoza ushuru, atangaza kukala Mulungu ni mwenye hachi. Kahikahi yao akalavho arahu oriobatizwa na ubatizo wa Johana. ³⁰ Ela mafarisayo na alachu asheria za chiyahudi, ambao kabatizirwe ni iye akhala hekima ya Mulungu kwa ajili yao enye. ³¹ Chisha atu alukolo luno ninaweza likaaliganisha na tuwani? Achidze dzedze haswa? ³² adzigana na ahoho ario anatsadziga kwenye eneo ra soko, ario anasagala na alafu kwihana mumwenga mumwenga achiamba, "Huapigira firimbi na kamukavina, hudziomboleza na kamukarira." ³³ Johana mbatizaji wakudza na here kavya mukahe walahere kanwa divai, na muchimwamba "yuna pepo." ³⁴ Mwana wa Adamu wakuda yunavya na kunwa na munamba "Yuna chiroho/mulafi na ni mlevi, ni msena wa atoza ushuru na enye dhambi! ³⁵ Lakini hekima idzimanyisa kukala kuna hachi kwa anaye osini." ³⁶ Mumwenga kahizamafarisayo wamuvoya Jesu aende osini akarye vhamwenga. Na baada ya vhorokala Jesu yudzivhenga kwenye nyumba iyo ya mufarisayo, wasagala achijemerera meza ili aweze kurya. ³⁷ Na lola kwakala na mwanamuche mumwenga eriyekala ni mwenye dhambi. Na achimanya kukala Jesu yusegere kwenye nyumba iyo ya mufarisayo, kwa vivyo achireha chupa ya mafuha ga kunukato. ³⁸ Achiima nyumaye vhevhi na maguluge kuna yunarira. Chisha achianza kulovya maguluga kwakwe matsozige, na kufuta ga matsozi kwa nyerere (za chitstwache), achibusu maguluga kwakwe kugavhka mafuha ga kunukato. ³⁹ Yuyahu mufarisayo yerekala yumwalika Jesu vhorons vivyo, achidzuza moyoni mwakwe na achiamba, "Yuyu mutu kala ni nabii, akamanya yuno nyani na ni mwanamuche na aina yani yuno amugusaye, vya kukala ni mwenye dhambi. ⁴⁰ Jesu achijibu kumwamba, "Simoni nina utu wa kukwambira, achiamba, "Gomba tu kare mwalimu!" ⁴¹ Jesu achiamba, kwakala na atu airi oriokla anadaiwa ni mutu mumwenga. Mumwenga here yunadaiwa dinari ,ia tsano/shilingi mia tsano na munjine dinari hamsini/mirogo mitsano. ⁴² Na vhorokala kana pesa za kumurivha, iye mkopeshaji wasamehe osoni. Hikara ni yuvhiye ende muhenza sana? ⁴³ Simoni achijibu, achiamba, "Nona ni yuyahu ariye samehewa yerekala yuna deni bomu." Jesu achimwamba, "Udzomboza waamuzi wa sawa." ⁴⁴ Jesu achimugalakira yuyahu mwanamuche na achigomba na Simoni, "Unamona yuno mwanamuche. Dzinjira nyumbani mwako, na kukanipa madzi ga koga magulu gagu, ela yuyu mwanamuche kwa matsozige yugalovya magulu gangu na kugafuta kwa nyereze. ⁴⁵ Kukanibusu, ela iye hangu uhodzoinjira mumu kakaricha kubusu magulu gangu. ⁴⁶ Magulu gangu kukagavhaka mafuha, ela iye yuvhaka magulu gangu mafuha ga kunukato. ⁴⁷ Kwa ajili ya utu uu, nakwambira kukala here yuna dhambi nyinji ela yusamehewa zhosini na pia yuhenzwa sana. Ela adziasamehewa chidogo uhenzowe pia ni chidogo chenye." ⁴⁸ Baadaye achimwamba yuyahu mwanamuche, "Dhambizo zi samehewa." ⁴⁹ Arahu oriokala asegere vhamwenga naye vhavho mezani achanza kulumbana ao kwa ao, "Yuno nyani hata yunasemehe ta dhambi? ⁵⁰ Na Jesu achimwambira yuyahu mwanamuche, "Imaniyo ikokola, enenda kwa Amani."