¹ Irivokala atu anji adzimusengerera Jesu na kusikiza neno ra Mulungu, Jesu here yudzima kanda kanda ya ziya Genesareti. ² Achona madau mairi gafungwa nanga pembeni au tsonyani vho ziyani. Avuaji were adzombola achikala anaojesa vinia/vyao. ³ Jesu achinjira kahiza mwengaravo ya go madau, rokala ni ra Simoni na achimuvoya arivhirike madzini kanda kanda chidogo na tsii kavuchisha achisagala na kufundisha kwa kwenye riro dau. ⁴ Achimwambira Simoni, “rivhirike riri duaro mpaka vhatu vhenye chinwa chire cha madzi na utsuvhe chiniacho uvuwe Samaki.” ⁵ Simoni achijibu achiamba, Bwana huchesa kuhenda kazi na kuhukapata chochosi, ela kwa nenoro, nindazirisha nyavu/chinia. ⁶ Arivohenda vivyo apata Samaki anji sana hata vinia vyao vichanza kutaruka. ⁷ Kwa vivyo achiiha avuvi ayawao oziokala akwenye dau rinjine ili adze asaidie. Akudza na achidzaza madau gosi, chiasi ambacho go madau ganza kuzama. ⁸ Ela Simoni Petero, arivhona vivyo, wagwa mavindini mwa Jesu achiamba, “Uka vhano vhangu, kwa kukala mimi nim utu mwenye dhambi Bwana.” ⁹ Kwa kukala wangalazwa, iye vhamwenga na arahu ariokala vhamwenga naye, kwa uvuwaji wa Samaki ambao ahuhenda. ¹⁰ Riri ra ajimulisha Jakobo na Johana ana a Zebedayo ariokala ni ashirika a Simoni. Na Jesu achimwambira Simoni, “Usiogovhe kwa kukala kwanzira vivi na kwenderera undakala muvuwi wa atu.” ¹¹ Arivomala Kureha madau gao pwani (kwenye tsii kavu) aricha chila chitu na achimutuwa iye. ¹² Na arivokala yu kwenye mudzi mumwenga- vho mutu ariyekala yudziudzala mahana wakala kuko. Wakati arivhomona Jesu wagwa achizamisha usowe mpaka vhotsi na achimuvoya, achamba, “Bwana kala unahenza unaweza ukanivheza.” ¹³ Kisha Jesu wagolosa mkonowe achimugusa achamba, “Nahenza vhola.” Na masaa gago mahana gachivhola. ¹⁴ Achimulagiza kukala asimwambire mutu yeyosi ela wamwambira, “Enenda ko na ukadzionyese kwa makuhani na womboze sadaka kwa ajili ya kuvholako, kara kara na virahu ambavyo Musa waamuru kwa ushuda kwao. ¹⁵ Lakini habari za kumuhusu iye zatapakaa kure sana, na lukwili lwa atu lwa kudza vhamwenga achimusikiza virahu afundishavyo na avhozavyo makongo gao. ¹⁶ Ela mara nyinji wadzitenga kanda achivoya. ¹⁷ Tsiku mwenga achikala yunafundisha na mafarisayo na alimu asheria achikala avhavho asegere, ariyombola kahiza midzi Minji mbali mbali kwenye lalo ra Galilaya na Yudea, na pia kula kahiza mudzi wa Jerusalemu. Mukotse wa Bwana wakala vhamwenga naye kuvhooza. ¹⁸ Atu kadhaa akudza, adzimuula mtu kwenye mcheka mutu mwenye ukongo wa Piyeho, na achiyeya njira ya kumwinjiza ndani ili amulaze mbere ya Jesu. ¹⁹ Ela kapatire njira ya kumwinjiza ndani kwa kukala atu were nianji, kwa vivyo achikwera dzulu ya paa ra yo nyumba na achimuteremsha iye mutu tsini kuchirira kwenye vigae, dzulu muchekawe kahikahi ya atu, mbere kamare ya Jesu. ²⁰ Jesu arivoona imani yao, waamba, “Msenangu dhambizo zisamehewa.” ²¹ Andishi na mafarisayo achaanza kunungunika kwa ajili ya neno riro, achamba, “Kwani yuno nyani hata agombe maneno ga tsitsi? Ni yuvhiye mwenye uwezo wa kusamehe dhambi kala si Mulungu hacheye? ²² Ela Jesu achiaamanya maazo gao, achiajibu achiamba, “Kwa tuwani munazana rino moyoni mwenu? ²³ Ni rivhiro ra rahisi kugomba, “Dhambizo zisamehewa hebu kwamba lima wenende?” ²⁴ Lakini mumanye kukala mwana wa Adamu yuna mamlaka duniani ya kusamehe dhambi. Nakwambira uwe, “Uka kala mchekao na wenende kwako nyumbani.” ²⁵ Muda uo uo achiuka mbere yao na achihala mchekawe ariokala yutsukurirwa. Kisha achuya kwakwe nyumbani kuwo yunamusifu/mulika Jesu. ²⁶ Chila mumwenga wangalala na achimulika Mulungu. Achigwirwa ni woga, achamba, “Hudzona mautu ambago ni chilinge rero.” ²⁷ Baada ya mautu gaga kuhendeka Jesu wauka kuko na achimona mtoza kodi ahiwaye Lawi yusigere vhatu vha kuhala kodi. Achimwamba “Nituwa” ²⁸ Vhavho kwa vhavho Lawi achiima na achimutuwa, achiricha chila chitu nyuma. ²⁹ Chisha Lawi achenda nyumbani kwakwe achusa nyambura bomu kwa ajili ya Jesu. Kwakala na atoza kodi anji vhavho na atu anji asagala mezani achirya vhamwenga nao. ³⁰ Ela mafarisayo na andishi achikala anaanungunikira anafunzi, achiamba, “Kwa tuwani munarya na kunwa vhamwenga na atoza ushuru na atu anjine enye dhambi?” ³¹ Jesu achiajibu, “Atu ambao kalumwa, miiri yao ni azima kanahaja ya mganga, ni arahu tu, ario anyonge ndio alondao muganga. ³² Sidzire kuaiha atu ario enye hachi aweze kutubu, bali nakudza kuaiha enye dhambi ili atubu.” ³³ Achimwamba, “Anafunzi a Johana mara nyinji were anafunga (kufunga) na kuvoya, na anafunzi a mafarisayo nao ni kuhenda utu dza uo. Ela anafunzio anarya na kunwa.” ³⁴ Jesu achiamba, “Je, inawezekana mutu yeyosi aahende adzohudhuria nyambura ya harusi ya Bwana harusi asirye (kufunga) muda bwana harusi yu vhamwenga nao? ³⁵ Ela tsiku indafika wakati bwana harusi andivouswa kwao, vhavho kahiza wakati uo ndivho kandarya/andafunga.” ³⁶ Kisha Jesu achigomba nao pia kwa mafumbo, “Kakuna mutu akataye chipande cha nguo kwenye vazi ripya na kuchishona kwenye vazi ra kapindi. Achihenda vivyo yundaitarura iyo nguo mpya na chipande cha nguo kula kwa vazi ro ripya kachifaa kuhumika kwenye nguo ya vazi ra kapindi. ³⁷ Pia kakuna mutu ariye yuneka divai mpya kwenye chiparya cha kapindi. Na achihenda vivyo, divai mpya indavunza cho chiparya na indamwangika na chiparya vindabanangika. ³⁸ Lakini divai mpya ni lazima ikwe kwenye chiparya chipya. ³⁹ Na kakuna mutu baada ya kunwa divai ya kapindi, yundahenza mpya kwa kukala anamba ya kapindi ndiyo iriyo mbidzo/inahama.