¹ Kwa vivyo tsikukuu ya mikale isiyo humumuka yakala ifika, iriyo inaihiwa pasaka. ² Makuhani abomu na andisu asumurira virahu andivyo muulaga Jesu, kwa kukala aogovha atu. ³ Pepo wainjira ndani ya Judasi Isikariote, mumwenga wa arahu anafunzi kumi na airi. ⁴ Judasi achienda achisumurira na abomu a makuhani na abomu virahu andivyo mulavya Jesu kwao. ⁵ Akala na nyemi, na achikubaliana kumuvha pesa. ⁶ Naye achikubali, na achiyeya ujira ya kumulavya kwa na lukwili lwa atu. ⁷ Tsiku ya mikahe isiyo humumuka ichifika, ambavho ganzi wa pasaka lazima alaviwe. ⁸ Jesu achiahuma Petero na Johana, achiamba, ‘Enendani mukahutayarishe chakurya cha pasaka ili hudze huchirye’ ⁹ Achimuza, ‘Ni lavhi uhenzavho hugahende gango matayarisho?’ ¹⁰ Achiajibu, ‘Sikizani mundivhokala mudzivhenya mudzini, mwanalume ariye yutsukula diramu ra madzi yundagwirana namwi. Mutuweni muhadi nyumba andiyoinjira. ¹¹ Chisha mwambireni bwana mwenye nyumba, ‘Mwalimu yunakwambira, ‘Chilavhi chumba cha ajeni, vhatu ambavho nindarya pasaka na anafunzi angu?’ ¹² Yunda aonyesa chumba cha dzulu chiricho chitayari. Hendani matayarisho mumo’ ¹³ Kwa vivyo achienenda na achiona chila chitu dza virahu vyoroambira. Chisha achitayarisha chakurya cha pasaka. ¹⁴ Muda urivhofika wasagala na arahu mitume. ¹⁵ Chisha achiambira, ‘Nina hamu bomu ya kurya tsikukuu ii ya pasaka namwi kabla ya kuteswa kwangu. ¹⁶ Kwa kukala naambiriza, sindarya kahiri muhadi vhondivhotimizwa kahiza mfalme wa mulungu.' ¹⁷ Chisha Jesu achihala chikombe na arivho marigiza kushukuru, achiamba, ‘Chilaheni chichi na mugavirane kahize mwimwi. ¹⁸ Kwa kukala naambira sindanwa kahiri muzao wa mizabibu, muhadi ufalume wa mulunguni vhondokudza.’ ¹⁹ Chisha achihala mukahe na arivhomarigiza kushukuru, achiumega na achiavha, achiamba, 'Uu ni mwiri wangu urio udziombozwa kwa ajili yenu. Hendani vivi kwa kunikumbukira mimi.' ²⁰ Achichihala chikombe vivyo vivyo baada ya chakurya cha usiku achiamba, 'Chikombe chichi ni lagano ripya kahiza mulatso wangu, urio umwagika kwa ajili yenu. ²¹ Ela lolani. Yuyahu aritongenaye yuvhamwaenga name mezani. ²² Kwa kukala mwana wa adamu kwa ujeri yunenenda dza vyo irivyomalwa kuamuriwa. Ela shauriye, mutu yuyahu ariye kuchirira iye mwana wa Adamu yunatongewa! ²³ Achianza kuzana ao kwa ao, ni yuphiye kahiza ao ariye angahenda utu uu. ²⁴ Chisha kuchiombola mabishano kahikahi yao vya kukala ni yuphiye aharirwaye kukala ni mubomu kurik osini. ²⁵ Achiambira, ‘Afalme a atu a mataifa ana ubomu dzulu yao, na yuyahu ariye yuna mamlaka dzulu yao anaihiwa aheshimiwa atawala. ²⁶ Ela kaifaa kamare kukala vivi kwenu mwimwi. Badalaye richa yuyahu ariye ni mubomu kahiza mwimwi akale here mutate. Na yuyahu ariye ni wa maana sana akale here ahumikaye. ²⁷ Kwa kukala ni yuphiye mubomu, yuyahu asakagalaye mezani hebu yuyahu ahumikaye? je si yuyala asagalaye mezani ?Na mimi bado ni dza ahumikaye kahiza mwimwi. ²⁸ Ela mwimwi ndio murio mudzienderera kukala nami kaliza majezo gaugu. . ²⁹ Naavha mwimwi ufalume ,dza vyoambavyo Baba wanipa mimi ufalume. ³⁰ Kukala muweze kurga na kunwa mezani vhangu. Vhenye ufalume wangu. Na mundasagala vhemye vihi vya enzi muchizihukumu kabila kumi na mbiri za Israel. ³¹ Simoni, Simoni umanye kukala, pepo yuvoya avhete dza ngano. ³² Ela dzikuvoyera, kukala imanio isishindwe. Baada ya kukala udzinya kahiri aiketo nduguzo.' ³³ Petro achimwamba, ‘Bwana ni tayari kwenenda na uwe jela hata kahiza chifo’ ³⁴ Jesu achijibu, ‘Nakwambira Petero jogolo karinda hika rero, kabila kudzanuka mara tahu kukala nnanimanya. ³⁵ Chisha Jesu achiambira, ‘Nirivhoahuma mwimwi mikoba, chikavhucha chakurya hebu virahu je mwavhungukirwa ni chitu?’ achijibu ‘Kakuna’ ³⁶ Chisha achiambira, ‘Ela vivi hikara, chila ariye na mkoba na anhale vhamwenga na chikavhu cha vyakura, yuyahu ariye kana mundu yunafaa aguze rindare agule mumwenga. ³⁷ Kwa kukala ninaambira, gosini garigo andikwa dzulu yangu ni lazima gatimire. Na waharirwa dza here mutu ariye yunavunza torati, kwa kukala chirahu chirichotabiriwa kunihusu chinatimira. ³⁸ Chisha achiamba, ‘Bwana, lola! Hino vhano miundu miiri’ na achiambira ‘Inatosha.’ ³⁹ Baada dza vivyo vyorokala achihenda mara kwa mara, achihenda murima wa mizeituni, na anafunzi achimutuwa. ⁴⁰ Vhorofika, achiambira, ‘Voyani kukala musivhenye majezoni.’ ⁴¹ Achidzitenga kure nao dza murusho wa dzie, achipiga mavindi achivoya, ⁴² achiamba, 'Baba ichikala unahenza, nusira chikombe chichi! Ela si dza here nihendzavyo mimi, ela mahenzo ga kwako gatimire.' ⁴³ Chisha malaika kombola mulunguni achimomborera achimubuma mukotse. ⁴⁴ Achikala kahiza utsungu, achivoye kwa bidi Zaidi na jashore richikala dza here madenwe mabomu ga mulatso gachitenwa vhotsi. ⁴⁵ Muda arivholamuka kula kahiza mavoyo ga kwakwe, wakudza kwa anafunziye, na achiona arere kwa ajili ya huzuni ariokala nayo. ⁴⁶ na achianza, ‘Kwa tuwani munalala? Lamukani muvoye, ili kwamba musivhenye majezoni.' ⁴⁷ Na muda vhorokala yuchere yunanena, lola lukwili lwa atu aombola, na Juda mumwenga wa mitume kumi na airi achialongoza. Achidza vhevhi na Jesu ili amubusu, ⁴⁸ Ela Jesu achimwambira, ‘Juda, je unamtongeya mwana waa Adamu kwa busu?' ⁴⁹ Na arahu ariokala vhevhi na Jesu vhoroona gago gombolago, achiamba, ‘Bwana je huapige na mundu?’ ⁵⁰ Chisha mumwenga wao achimpiga mutumishi wa kuhani mubomu, achimpiga sikirore ra mkono wa kurya. ⁵¹ Jesu achiamba, ‘Ii inatosha. Na achirigusa sikirore, achimuvhooza. ⁵² Jesu achiamba kwa kuhani mubomu, na kwa abomu a hekalu, na kwa atuminya ariokudza chinyumeye, ‘Je munadza dza here munadza kuheha na munyang’anyi, na marungu na miundu? ⁵³ Nirivhokala vhamwenga namwi tsiku zosini kwenye hekalu, mikono yenu kamuikire dzulu yangu. Ela ii ni saa yo, na mamulaka ga dziza.’ ⁵⁴ Achimugwira, achimulongoza, achimureha nyumbani mwa kuhani mubomu. Ela Petero wamutuizira kwa kure. ⁵⁵ Baada ya kukala adziasha moho kahiza urahu wanya wa ndani na vhoromarigiza kusagala vhosti vhamwenga, Petero achisagala kahikahi yao. ⁵⁶ Mutumishi mumwenga wa chiche achimona Petero vhorokala yusegere kwenye mwanga mriombola kwenye moho, achimulola achimwambira, ‘Yuyu mutu pia here yuvhamwenga naye’ ⁵⁷ Ela Petero achikahala, ‘achiamba, ‘mwanamuche , mimi simumanya’ ⁵⁸ Baada ya muda muchache, mutu munjine achimuona achiamba, ‘Uwe pia umumwenga wa ao’ Ela Petero achiamba, ‘Mwanalume mimi simi.' ⁵⁹ Baada ya here muda was aa mwenga vino mwanalume mumwenga achisisitiza achiamba, ni jeri kamare yuyu mutu pia here yuvhamwenga naye, kwa kukala ni mugalilaya.’ ⁶⁰ Ela Petero achiamba, ‘Mwanalume sirimanya riro urigombaro. ‘na ghafula arivhokala yuchere kugomba, jogolo richilika. ⁶¹ Achigaluka, Bwana achimulola Petero. Na Petero achikumbukira neon ra Bwana vharau arivhomwambira, ‘Kabla ya jogolo kuhika rero, undanikana mimi mara tahu’ ⁶² Petero wakwenda uze achirira kwa utsungu mungi. ⁶³ Chisha arahu analume ariokala anamurinda Jesu, achimuvhunga na kunipiga. ⁶⁴ Baada ya kumuziza matso, amuuza, achiamba, ‘Tabiri!Ni yuphiye adziyekupiga? ⁶⁵ Achigomba mautu manjine manji chinyume cha Jesu na kumukufuru. ⁶⁶ Na kurivhoocha, atuminya a atu akudza vhamwenga abomu a makuhani na andishi. Achimuvhirika kahiza baraza. ⁶⁷ Achiamba, ‘Ichikala uwe uu Kristo, huambire. Ela iye achiambira, ‘Hata nichiambira, kamunda nikubarira, ⁶⁸ na hata nichianza kamunda ujibu.'’ ⁶⁹ Ela kwanzira vivi na kukenderera, mwana wa Adamu yundakala yusegere mkono wa kurya mukotse wa Mulungu. ⁷⁰ Osini achiamba, ''Kwa vivyo uwe umwana wa mulungu?'' Na Jesu achiambira, ‘Mwimwi ndimwi mugombao kukala mimi ndimi’ ⁷¹ Achiamba, ''Kwa tuwani bado hucherelonda ushahidi? Kwa kukala sisi enye hudzisikira kula kahiza mulomowe.''