¹ Jesu walola achiaona analume mutajiri ariokala anabuma sadaka zao kwenye sanduku. ² Achimona mwanamuche mumwenga ariyefererwa ni mulumewe muchia achika sentize mbiri. ³ Kwa vivyo achiamba, ‘Ujeri naambira, yuyu mufererwa uriye muchia yudzika stenti nyinji kuriko anjine osini. ⁴ Aa osini adziomboza sadaka zao kahiza unji wa arivyonavyo. Ela yuyu mjane, kahiza uchiawe, yudziomboza pesa zosini adzizokola nazo kwa ajili ya kuishi kwa kwakwe.' ⁵ Wakati munjine vhorokala anagomba dzulu ya hekalu virahu ririvyopambwa na mawe madzo na matoleo waamba. ⁶ ‘Kwa mautu gaga mugonago, tsiku zinadza ambazo kakuna dziwe hata mwenga ririro rindarichwa dzulu ya dziwe rinjine ambaro karindabomolwa.' ⁷ Kwa vivyo achimuuza, achiamba, 'Mwalimu mautu gano gandakala rini,na ni chielelezo chivhicho kukala mautu gaga gavhevhi kuhendeka? ⁸ Jesu achijibu, 'Mukale matso ili musikengwe kwa kukala anji andakudza kwa dzina rangu, achiamba ‘Mimi ndimi na muda ufikira vhevhi’ musiatuwe ⁹ Muchisikira kondo na fujo musicale aoga, kwa kukala mautu gaga lazima gahendeke kwanza, ela mwisho kaundakala upesi.' ¹⁰ Chisha achiambira, 'Taifa rindoka kupigana na taifa rinjine na ufalme dzulu ya ufalme munjine. ¹¹ Kundakala na muhindiriko mubomu wa tsii, na nzala na tauni kahiza maeneo mbalimbali. Kundakala na matukio ga kondosa na vyelelezo vya kondova kombola mulunguni. ¹² Ela kabila ya mautu gaga gosini mikono yao aiandika dzulu yenu na kuatesa, kuavhirika kwenye masinagogi na jela, kuareha mbere za aflame na enye mamlaka kwa ajili ya dzina rangu. ¹³ Riri rindaafugurira nafasi ya ushuhuda wenu. ¹⁴ Kwa vivyo hendani uamuzi kahiza mioyo yenu, musidzipange kudzihehera na mapema, ¹⁵ Kwa kukala nindaavha maneno na hekima, iriyo ai enu osini kandaweza kuipinga hebu kuikahala. ¹⁶ Ela mundakahalwa pia hata ni aviazi enu, ndugu zenu, lukolo lwenu na asena enu, na anjine enu andaulaga. ¹⁷ Mundatsikirirwa ni chila mumwenga kwa ajili ya dzina rangu. ¹⁸ Ela kakuna hata nyere kahiza vitswa vyenu zindangamika. ¹⁹ Kahiza kuvumurira mundaziokola roho zenu. ²⁰ Vhondoona Jersalemu izingirwa ni majeshi hikara manyani kukala kubananga kwa kuwa kufikira vhevhi. ²¹ Vhavho arahu ario Judea achimbirire mirimani na arahu ario dzidzini oke, na ario a vijijini asijeze kwinjira kwenye dzidzi. ²² Kwa kukala zizi ni tsiku za chisasi, ili kukala mautu zizi ni tsiku za chisasi ili kukala mautu gosini garigoandikwa gaweze kutimira. ²³ Shauri yao arahu ario afisa mimba na kwa arahu amwisao kahiza tsiku zizo! Kwa kukala kundakala na adha bomu dzulu ya tsii, na madhara kwa atu aa. ²⁴ Na andagwa kwa tsa ya mundu na andahalwa mateka kwa mataifa gosini, na Jerusalemu indavyogwa ni atu a mataifa, muhadi wakati wa atu a mataifa vhondotimira. ²⁵ Kundakala na chielelezo kahiza dzua, mwezi na nyenyezi. Na kahiza tsii kundakala na utsungu wa mataifa, kahiza kuvunzika moyo kwa ajili ya muriro wa bahari wa maimbi. ²⁶ Kundakala na atu achizimia kwa woga na kahiza kutazamia mautu gandigo ombola dzulu. Kwa kukala mukotse wa mulunguni undatukuswa. ²⁷ Chisha andamona mwana wa Adamu achidza mainguni kahiza mukotse na utukufu mubomu. ²⁸ Ela mautu gaga vhondoanza kuhendeka, Imani, golosani vitswa vyenu, kwa kukala kukombolwa kwenu kufikiria vhevhi.'' ²⁹ Jesu achiambira kwa mfano, ‘Lolani mtini na mihi yosini. ³⁰ Ichiomboza mana, munadzonera enye na kumanya kukala kazikazi tayari ivhevhi. ³¹ Vivyo vivyo muchiona mautu gaga ganahendeka manyani kukala ufalme wa mulungu ufikira vhevhi. ³² Naambira, ujeri chiviazi chichi kachinda chira muhadi mautu gaga gosini vhondohendeka. ³³ Mulunguni na tsii vindachira ela maneno gangu kagandachira kamare. ³⁴ Ela dziloleni mwinuri enye, ili kwamba mioyo yenu isdze ikaremerwa ni ufisadi, ulevi na mahangaiko ga maisha gaga. Kwa kukala iyo tsiku indakudza gafula. ³⁵ dza muhenga. Kwa kukala indakala kahiza chila mumwenga akalaye kahisa uso wa dunia uzima. ³⁶ Ela kalani tayari muda wosini, muvoye kukala mundakala matso vya kutosha kugaepuka gaga gosini gandigohendeka, na kwima mbere ya mwana wa Adamu. ³⁷ Kwa vivyo wakati wa mtsana wakala yunafundisha hekaluni, na usiku wombola uze na achenda chesa kwenye murima ahiwao wa mizeituni. ³⁸ Atu osini amutuwa chiramuko chitsi kumusikiza ndani ya hekalu.