¹ Ichikala kahiza tsiku mwenga vho, Jesu vhorokala yunafundisha atu hekaluni na kuhubiri habari mbidzo, makuhani abomu na alimu a sheria amutumwa vhamwenga na atuminya. ² Achisumurira, achimwammbira,' Hambire ni kahiza mamlaka gavhigo unahenda mautu gano? Au ni yuphiye ariyekuvha mamlaka gano?' ³ Naye achijibu achiambira, ‘Mimi name pia nindaanza swali. Nambirani, ⁴ ubatizo wa Johana, je wombola mulunguni hebu kwa atu?’ ⁵ Ela achilumbana ao kwa ao achiamba, Huchamba, wombola Mulunguni yundahuuza, ‘Hikara mbona kamumwamirire?’ ⁶ Na huchiamba, wombola kahiza anadamu, atu osini vhavha andahupiga mawe, kwa kukala osini anaamini kukala Johana wakala ni nabii.’ ⁷ Kwa vivyo achimujibu kukala kamanya vharivhombola. ⁸ Jesu achiambira, ‘Wala mimi name siambira mwimwi ni kahiza mamlaka gani ninahenda mautu gaga.’ ⁹ Waambira atu mufano uu, ‘Mutu mumwenga wanyala munda wa mizabibu achiukodisha kwa akurima a mizabibu, na achenenda tsii injine kwa muda mure. ¹⁰ Kwa muda urioikwa (Uriokala wekwa) wamuhuma a mizabibu, vya kukala amuuhe chiasi cha gago matunda ga muuda wa mizabibu. Ela akurima a mizabibu achimupiga, achimudzya mikono mivhuvhu. ¹¹ Chisha achimuhuma kahiri muhenzi wa kazi wa kwakwe nao achimupiga, achimuhenda vibaya na achimudzya mikono mivhuvhu. ¹² Achimuhuma kahiri wa hahu nao achimujeruhi na achimutsuvha nze. ¹³ Kwa vivyo bwana mwenye muunda achiamba, ninda hendadze? Nindamuhuma mwanangu muhenzwi. Labuda andamogovha. ¹⁴ Ela akurima a mizabibu arivhomona, ambirana ao kwa ao achiamba, ‘Yuyu ndiye murithi. Nahumulage, ili urithiwe ukale wehu.’ ¹⁵ Achimomboza inze ya munda wa mizabibu na achimulaga. Je bwana mwenye munda yunda ahendadze? ¹⁶ Yundakudza aulage akurima aa amizabibu na yundaavha anjine munda uo wa mizabibu ‘na vhorosikira gago, achiamba, mulungu yudzikahala.’ ¹⁷ Ela Jesu waalola achiamba,’Je andiko rino rina maana yani? Dziwe ririrokhalwa ni mafundi rikala dziwe ra tsonyani ? ¹⁸ Chila mutu agwaye dzulu kahiza dziwe riro, yundavunzika visiku visiku. Ela yuyahu ariye rindamugwerera, rindamufinyanga.' ¹⁹ kwa vivyo, andishi na abomu a makuhani ayeya njira ya kumugwira muda uo uo, amanya kukala here yugomba mfano uo kwa ajili yao. Ela achiaogvha atu. ²⁰ Amulolato, achimuhuma apelelezi ariodzihenda kukala ni atu a hachi ili aweze kona kosa kahiza magombi ga kwakwe amuvhikire kwa vilongozi na enye mamlaka. ²¹ Nao achimuuza, achimwamba, ‘Mwalimu, hunamanya kukala unagomba na kufundisha mautu ga ujeri na si kushawishiwa ni mutu yeyosi, ela uwe unafundisha ujeri kuhusu ujiraa ya mulungu. ²² Je, ni karakala kwehu kulavya kodi kwa kaisari au sevyo? ²³ Ela Jesu wamanya muhenga wao, achiambira, ²⁴ Nonyesani dinari sura na chapa ni ya yuphiye iriyo dzuluye? Achamba, ‘Ya kaisari.’ ²⁵ Naye achiambira, 'Kwa vivyo muvheni kaisari chiricho chakwe kaisari na mulungu chiricho chakwe mulungu’ ²⁶ Andishi na abomu a makuhani kakarire na uweezo wa komboza makossa wa chirahu arichochigomba mbere ya atu. Agalazwa ni majibu ga kwakwe na kagombere chochosi. ²⁷ Baadhi ya mavadakayo amutuwa, arahu ambao anamba kukala kakuna ²⁸ ufuflo achimuuza achiamba, ‘Mwalimu Musa wa handikira kukala ichikala mutu yufererwa ni nduguye mwenye muche ariye kana mwana, vivyo yunahenzekana amuhale iye muche wa nduguye na avyale naye kwa ajili ya nduguye wa chilume. ²⁹ Kwakala na udugu afungahe wa kwanza wahala, achifa bila kuricha mwanza ³⁰ na wa vhiri pia. ³¹ Wahahu achimuhala virahu, vivyo vivyo wa fungahe naye karichire mwana na achifa. ³² Baadaye iye mwanamuche pia achifa. ³³ Kahiza ufufulo yundakala muche wa yuphiye? Kwa maana osini fungahe here amuhala.’ ³⁴ Jesu achiambira, ‘Ana a urimwengu uu anahala na kuhalwa. ³⁵ Ela arahu afaao kuvhokera ufufulo wa afu na kwinjira uzima wa kare na kare kahala wala kahalwa. ³⁶ Wala kaweza kufa kahiri, kwa kukala anakala karakara wa malaika na ni ahoho a mulungu, ana afufulo. ³⁷ Ela kwa vivyo afu anafufulwa Musa wonyesa vhatu kahiza habari za chitsaka, vharahu vhomwiha Bwana ga dza mulungu wa Jakobo. ³⁸ Kwa vivyo iye si mulungu wa afu bali wa ario moyo, kwa kukala osini anaishi kwakwe.'' ³⁹ Baadhiya alimu a sheria achimujibu, mwalimu, ujibu karakara. ⁴⁰ Karirikawire kumuza maswali manjine Zaidi ya gago. ⁴¹ Jesu achiambira, ‘Ni kahiza chidze atu anamba kukala kristo ni mwana wa Daudi? ⁴² Kwa kukala Daudi mwenye yunamba kahiza zaburi. Bwana wambwambira Bwana wangu, sagala mkono wa kurya. ⁴³ Muhadi niaike ai angu tsini magulu ga kwako. ⁴⁴ Daudi yunamwiha Kristo, ‘Bwana’ kwa vivyo indakaladza mwana wa Daudi?'' ⁴⁵ Atu osini vhorokala anamusikiza waambira anafunzi akwakwe. ⁴⁶ Kalani matso na andishi ahenzao kutsembera adzivala nguo nyire na anahenza mulamuso wa chihicheye sokoni na vihi vya heshima kahiza masinagogi, na maeneo ga heshima nyumbarani. ⁴⁷ Ao pia nikurya nyumba za afererwa achiche, na anadzihenda kuvoya mavoyo mare. Aa andavhokera hukumu bomu mno.