¹ Jesu wainjira na achichira na Jeriko. ² Lola vhakala na mutu mumwenga ailiwaye Zakayo, ariye wakala ni mubomu wa atoza ushuru chisha ni mutu tajiri. ³ Here yunajeza amone Jesu ili amumanye ujani ela kawezere kumona kwa sababu ya lukwili lwa atu, na here ni mutuhi wa chimo. ⁴ Kwa vivyo, watangulia malo mbere za atu, achipanda dzulu ya mukuyu ili aweze kumona kwa kukala Jesu here yufikiria vhevhi kuchirana ujira iyo. ⁵ Na muda Jesu vhorofika vhatu vhavho, walola dzulu achimwambira, ‘Zakayo tserera upesi kwa kukala vivi rero ni lazima nikale nave nyumbani mwako’ ⁶ Achihenda haraka achitserera na achimukaribisha kwa furaha . ⁷ Atu vhoroona gago, achilalamika, achiamba, ‘Yukwenda mutsemberera mutu mwenye dhambi.’ ⁸ Zakayo achiima, achimwambira Bwana, Lola Bwana, nusu ya utajili wangu naavha achia, na ichikala namunyanganya mutu yeyosu chitu, nindamudzirya marane. ‘ ⁹ Jesu achimwambira, ‘Rero wokovu udzinjira kahiza nyumba ii, kwa kukala yuyu pia ni mwana wa Ibrahimu’ ¹⁰ Kwa kukala mwana wa Adamu wakudza kuyeya na kuokola atu odziougamika.' ¹¹ Vholosikira gago, wenderera kunena na achomboza mufano, kwa kukala here yuvhevhi na Jerusalemu, na ao aona kukala ufalume wa mulungu were uvhevhi wonekane mara mwenga. ¹² Kwa vivyo achiambira, ‘Ofisaa mumwenga wakwenda tsii ya kure ili akahendewe mufalume na chisha auye. ¹³ Waiha ahenzi akaziye kumi, achiavha mafungu kumi, achiambira, ‘Hendani biashara muhadi nindivho inya’ ¹⁴ Ela atu akwenye itsiye amutsikirwa kwa vivyo achihumana ajumbe aende akamutuwe na ambe ‘Kahenzi mutu yuyu ahulogoze’ ¹⁵ Na arivhonga nyumbani baada ya kuhendwa mufalume, achiamuru arahu ahenzi akaziye oriokala yuarichira pesa aihiwe adze kwakwe, aweze kumanya faida chiasi chani ariyoipata kwa kuhenda biashara. ¹⁶ Wa kwanza achidza,achiamba ,''Bwana funguri rireha mafungu kumi Zaidi.'' ¹⁷ Iye ofisa achimwambira, ‘'uhenda totot, muhenzi wa kazi mudzo. Kwa kukala ukala mwaminifu kahiza utu utite, undakala na cheo ya midzi kumi.'' ¹⁸ Wa vhiri achidza, achiamba, Bwana funguro rireha mafungu matsano ¹⁹ Iye ofisa achimwambira, 'Hala ulongozi dzulu ya midzi mitsano.' ²⁰ Na munjine achidza achiamba, ‘Bwana hino vhano peseyo iriyo miaka tototo kwenye chitambara. ²¹ Kwa kukala naogovha, kwa maana uwe u mutu musiri mno. Unausa chirahu usichochika na unavuna chirahu ambacho kuchinyarire.' ²² Iye ofisa achimwambira, ''Kwa manenogo mwenye nindakulukumu, wee muhendi wa kazi mui.Wamanya kukala mimi ni mutu musiru,nahala nisichochika na kavuna chiricho sichinyarire. ²³ Hikara mbona kuikire pesa yangu kwenye benki, ili nuyavho niihale ichikala ina faida? ²⁴ Ofisa achiambira atu ariokala adzima vhavho ‘muvhokeni riro fungu na mumuvhe yuyahu mwenye mafungu kumi’ ²⁵ Achimwambira, 'Bwana iye yuna mafungo kumi.' ²⁶ Ninaambira chila mutu ariye nacho yundahewa Zaidi, ela ariye kana hata chirahu aricho nacho chindahalwa. ²⁷ Ela ano ai angu, ariokala kenzi nikale mfalme wao areheni vhano na niaulage mbere yenu.' ²⁸ Vhorokala yumala kugomba gago, wenderera kwendenda, achikwera kwenda Jerusalemu. ²⁹ Vhorokala yufika vhevhi na Bethfage na Bethania, vhrvhi na mrima wa mizeituni, waahuna anafunziye airi. ³⁰ achiambira, ‘Enendani kahiza chijiji cha jirani. Muchiinira mundaona punda mutate ariye kadzagwe kupandwa. Mufunguleni mukanirehere. ³¹ Mutu yeyosi andiyeauza, mbona munafugula? Ambani Bwana yunamuhenza.'' ³² Arahu ahumwi achenenda na achimona iye ounda mutate dza vyo Jesu vyorokala yuambiriza. ³³ Vhorokala anamufugula iye punda mutate enye achiambira, ‘Kwa tuwanu munamufugula punda mutate yuno?’ ³⁴ Achiamba, ‘Bwana yuna muhenza’ ³⁵ Vivyo achimuvhirikira Jesu, achihandika nguo zao dzulu ya punda iye mutate na achimukwezha Jesu dzuluye. ³⁶ Arivhokala yunenenda atu ahandika nguo zao ujirani. ³⁷ Na vhorokala yuna ratira muteremuko wa murima wa mizeituni, anafunzi osini ariokalavho achianza kutsiratsira na kumunula mulungu kwa sauti bomu, kwa ajili ya mautu mabomu arigogaona. ³⁸ Achiamba, ‘Wakuhaswa niiye mufalume adzaye kwa dzina ra Bwana! Amani mulunguni na utukufu dzulu!’ ³⁹ Baadhi ya mafarisayo kahiza lukwili lulo lwa atu achimwambira, ‘Mwalimu, anyamaze anafunzi a kwako’ ⁴⁰ Jesu achiajibu na achiamba, ‘Ninaambiriza, ichikala aa andanyamala, mawe ganda omboza sauti.' ⁴¹ Jesu vhofika vhevhi na uo mudzo, wauririra. ⁴² Achiamba, ‘Nona ukamanya hata uwe, kahiza tsiku ii mautu ambago ganakurehera Amani! Ela vivi vidzizizika vhako matsoni. ⁴³ Kwa kukala tsiku zinadza ambavho ai a kwako andajenga wiyo vhevhi na uwe, na kukuzunguluka na kukugandamiza kahiza chila upande. ⁴⁴ Andakugwaga vhotsi, uwe na anao. Kandakurichira hata dziwe mwenga dzulu ya rinjine, kwa kukala kumanyire mudao wa kutsembererwa. ⁴⁵ Jesu wainjira hekaluni, achianza kuazola arahu ariokala anaguza. ⁴⁶ Achiambira, ‘Yandikwa, ‘Nyumba yangu indikala nyumba ya mavoyo; ela mwino muihenda kukala pango ra angyanganyi.’ ⁴⁷ Kwa vivyo, Jesu achikala achifundisha chila tsiku hekaluni. Makuhani abomu na alimu a sheria na vilongozi a atu achilonda kumulaga. ⁴⁸ Ela kawezere kupata ujira ya kuihenda kwa kukala atu osini akala anamusikiza.