¹ Chisa achiambira ngano ya virahu ambavyo anahenzekana kuvoya na asivunzike moyo. ² Achiamba kwakala na hakimu kahiza mudzi Fulani ambaye iye here kamogvha mulungu na here kaheshimu atu. ³ Kwakala na mwanamuche ariyekala wafererwa ni mulumewe kahiza mudzi uo, naye achimwendera mara nyinji iye hakimu achimwamba ‘Nisaidia kupata hachi baina yangu na mupinzani wangu’ ⁴ Kwa muda mure kakarire tayari kumusaidia, ela baada ya muda achidzuza moyoni mwakwe, ‘Hatakala mimi simogovha mulungu au simuheshimu mutu. ⁵ Ela kwa virahu yuyu mwanamuche yunaniyunga, nindamusaidia kupata hakiye, ili asidze akanitsosya kwa kunidzira mara kwa mara.’ ⁶ Chisha bwana achiamba, ‘sikiza arivyogomba yuno hakimu dhalimu. ⁷ Je mulungu pia kandahenda hachi kwa ateule amurirao usiku na mtsana? Je, yundakala muda mure dzulu yao? ⁸ Naambira kwamba yundareha hachi kwao haraka upesi. Ela wakati mwana wa Adamu audivhokudza, je yundaona Imani duniani? ⁹ Ndo achiambira ngano ii kkwa ajili baadhi ya atu ambao anadzona ao enye binafsi ni enye haki na anavhurya atu anjine. ¹⁰ Atu airi apanda kwenda hekaluni kuvoya, mumwenga wakala ui mufarisayo na munjine mtoza ushuru. ¹¹ Mufarisayi achiima na achivoya mautu gaga dzulu ya mulungu, nakushukuru kwa virahu mimii si dzahere atu anjine ario ni anyanganyi, atu asioadilifu, anzizi, au dza yuyu mtoza ushuru. ¹² Nafunga mara mbiri chila wiki. Nomboza fungu kahiza mapato gangu gosini nigapatago.'' ¹³ Ela yuyahu mtoza ushuru , wema kure, kawezere hata kulola dzulu mulunguni, wadzipigapiga chikabiche achiamba, ‘Mulungu nionera mbaazi mimi mwenye dhambi’ ¹⁴ Naambira mutu yuyu wanya nyumbani achikala yudziharirwa ni mwenye hachi kuriko iye munjine, kwa sababu kukala chila adzunulaye yundatserezwa, ela chila mutu adzinyenyekezaye yundanulwa.'' ¹⁵ Atu amurehera ahoho ao atite ili aweze kuagusa ela anafunzi akwakere uhoroona vivyo, achiachemena. ¹⁶ Ela Jesu achiaiha kwakwe achiamba, ‘Aricheni ahoho atite adze kwangu, wala musiakahazeni, kwa kukala ufalme wa mulungu ni wa aatu nga dza ao. ¹⁷ Ni jeri naambira mutu yeyosi asiyeuuhokera ufalme wa mulungu nga dza virahu muhoho no lwazu kandawinjira. (kandawinjira) ¹⁸ Mtawali mumwenga wamuuza achimwamba, mwalimu mudzo, nihendedze ili niweze kuurithi uzima wa kare na kare? ¹⁹ Jesu achimwambira, kwa tuwani unaniha mwalimu mudzo? Kakuna mutu ariye ni mudzo ela mulungu tu hacheye. ²⁰ Je unazimanya amri, usizini, usiulage, usiye, usishuhudie ulongo, aheshimu abayo na ameyo. ²¹ Yuyahu mtawali achiamba, ‘Mautu gaga gosini nagagwira hangu vhorokala ni barubaru.'’ ²² Jesu vhorosikira vivyo, achimwambira, udzivhungukirwa ni utu umwenga. Lazima unguze vyosini urivyonavyo na uagavire achia, na uwe undakalu na hazina mulunguni. Chisa nzoo unituwe. ²³ Ela mtawali arivhosikira gago, wagwira ni huzuni mno, kwa kukala here ni tajiri sana. ²⁴ Chisha Jesu achimona vyodzivyo huzunika mno achiamba, ‘Ni jinsi yani indivyokala vifuu kwa matajiri kuinjira kahiza ufalume wa mulungu! ²⁵ Kwa kukala ni rahisi sana kwa ngamia kuinjira kuchirira kwa tundu la sindano, kuriko kwa tajiri kuinjira kaliza ufalme wa Mulungu.' ²⁶ Arahu ariosikira gago, achiamba, 'Ni yupiye basi yendeweza kuokolwa?' ²⁷ Yesu achijibu, ‘Mautu gasigowezekana kwa anadamu kwa mulungu ganawezekana.’' ²⁸ Petro achiamba, ‘Ndio, sino huricha chila chitu na kukutwa uwe’ ²⁹ Chisha Jesu achiambira, ‘ni jeri naambira kukala kakuna mutu yedziyericha nyumba, au muche au ndugu au azazi au ahoho, kwa ajili ya ufalme wa mulungu, ³⁰ ariye kandavhokera manji Zaidi (mno) kahiza mimwengu huu, na kahiza urimwengu udzao, uzima wa kare na kare.' ³¹ Baada ya kuareha vhamwenga arahu kumi na airi, achiambira, ‘Lolani hunapanda kwenda Jerusalemu na mautu gosini ambago gaandikwa ni manabii kumuhusu mwana wa Adamu gandakamilika. ³² Kwa kukala yundabumwa mikononi mwa atu a mataifa, na yundahenderwa ndumo na ujeuri na kutsuvhirwa mahe. ³³ Andivhokala amuchapa na udata, andamulaga na tsiku yah ahu yundafufuka.' ³⁴ Kawezere kuelewa mautu gaga, na aneno riri rakala rifitswa kwao na kaelewere mautu gorogombwa. ³⁵ Na vhorokala Jesu yufika vhevhi na Jeriko, mutu mumwenga chipofu here yusegere kanda ya barabara kwa kuvoya msaada. ³⁶ Vhorosikira lukwili lwa atu lunachira, wanza ni utuwani wendererao. ³⁷ Achimwambira kukala Jesu wa Nazareti yuna chira. ³⁸ Kwa vivyo iye chipofu achirira kwa sauti bomu, achiamba, ‘Jesu mwana wa Daudi, nionera mbaazi’ ³⁹ Arahu ariokala ambeere anaendenda achimuchemera iye chipofu, achimwambira anyamale. Ela iye wenderera kwira kwa sauti bomu, ‘Mwana wa Daudi nionena mbaazi.’ ⁴⁰ Jesu achiima na achimurisha mutu yuyahu arehewe kwakwe. Chisha yuyahu chipofu uhorofika vhevhe Jesu mamwuza. ⁴¹ ‘Unahenza nikuhendereni? Achiamba, ‘Bwana nahenza none.’ ⁴² Jesu achimwambira, ‘Weza kona. Imanio idzikuvhooza’ ⁴³ Na vhavho vhavho achiweza kona, achimutuwa Jesu kuno yanamunula mulungu. Na atu osini vhoroona gaga amunula Mulungu.