¹ Jesu achiambira anafunziye, ‘'Mautu ambago ganahenda atu ahende dhambi kagana budi kudza, ela shauriye mutu yuyahu ariye yunagasababisha! ² Ikakala tototo mutu dza iye afungwe dziwe ziho ra kusagira na atsuvhiwe baharini kuriko kumuhenda mumwenga wa atite aa ahende dhambi. ³ Dzirindeni ichikala nduguyo yunakosera mware naye achitubu musamehe. ⁴ Na achikukosera kwa mara handahu kwa tsiku mwenga, achidza kwako achiamba ‘ninatubu musamehe!.'’ ⁵ Mitumee achimwambira, Bwana ‘'Huzidishire Imani zehu’' ⁶ Bwana achiamba, ‘'Ichikala mundakala na Imani ga dza here tembe ya haradali, munaweza mukauambira nao uhendeke vivyo.'' ⁷ Ela ni yuphiye kahiza mwino aroye yuna muhenzi wa kazi arimaye mundawe au arisaye ngozize, yundamwambira auvayo mundane’ Nzoo haraka upesi usagale na urye chakurya? ⁸ Je, kanakwambira, ‘Nitayalishira chakurya nirye nawe dzifunge ukanda na unihumikire muhadi nindivomala kurya chakurya na kunwa? ⁹ Hata kandamushukuru iye muhenzi wa kazi kwa kukala yungahenda garahu adzigo muambira ahende? ¹⁰ Vivyo vivyo nanwi muchimala kugahenda garahu ambago mwalagizwa, ambani sisi hu ahenzi a kazi asiofaa. Hugahenda garahu huhenzekanago kugahenda’. ¹¹ Yomborera kukala vhorokala yunasafiri kwenda Jerusalemu, wachirira muvhakani mwa Samaria na Galilaya. ¹² Na vhorokala yunasafiri kwenye chijiji chimwenga kuko achikutana na atu kumi oriokala na ukongo wa mahana. Achima kure, ¹³ Achigomba kwa sauti bomu achiamba, ‘Jesu Bwana honere mbaazi.’ ¹⁴ Arivhoaona achiambira, ‘Enendani mukadzonyese kwa makuhani’ nao vhorokala anaenda achivhola. ¹⁵ Mumwenga wao vhoroona yuvhola wanya achomboza sauti bomu ya kumuula mulungunu. ¹⁶ Achipiga mavindi maguluni vha Jesu, achimushukuru. Na iye wakala ni msamaria. ¹⁷ Jesu achijibu, achiamba, ‘Je kakavhoozwa osini kumi? Alavhi o anjine chenda? ¹⁸ Kakuna hata mumwenga adziyehenza kuuya ili kumunula mulungu, isivhokala yuyu mujeni? ¹⁹ Achimwambira u ima na wenende imaniyo ikuvhooza.’ ²⁰ Vhorouzwa ni mafarisayo ufalme wa mulungu undanya riri, Jesu waajibu achiamba, '‘ufalme wa Mulungu si chitu ambacho chinaweza konewa. ²¹ Wala atu kandamba, ‘Lolani vhano! Au Lolani kura!’ kwa kukala ufalme wa mulungu umumo ndani yenu.'' ²² Jesu achiambira anafunziye, '‘Muda undafika ambavho mundatamani kona mwenga ya tsiku za mwana wa Adaamu, ela kamunda nona. ²³ Andaambira, ‘Lola, kuna! Lola vhano!’ Ela msende kulola, wala kuatuwa, ²⁴ Dza virahu maja na chikwagwara vingalavyo kahiza anga kwanzira upande mumwenga muhadi munjine. Vivyo hata mwana wa Adamu yundakala vivyo kahiza tsikuye. ²⁵ Ela kwanza indamubidi ateseke kahiza mautu manji na kukahalwa ni lukalo lulu. ²⁶ Dzavirahu virivyokala tsiku za Nuhu, ndivyo vyondokala kahiza tsiku za mwana wa Adamu. ²⁷ Arya, anwa, achihala na kuhalwa muhadi tsiku iyo ambayo Nuhu wainjira kwenye ndani ya safina na mvula nyinji ichidza na ichiangamiza osini. ²⁸ Ndivyo virivyokala kahiza tsiku za Lutu, arya, anwa, achigwa na kuguza, achirima na achijenga. ²⁹ Ela tsiku irahu Lutu arivhooka sodoma, ichinya mvula yam oho na chibinti kombola mulunguni ichiangamiza osini. ³⁰ Vivyo ndivyo vindivyokala tsiku irahu ya mwana wa Adamu vhondoikwa wazi. ³¹ Tsiku iyo musimukabarire ariye kwenye dzulu ya dari ra nyumba atserere na ahale vitu vye ndani ya nyumba. Na usimukubarire ariye mundane kuya nyumbani. ³² Mukumbukireni munche wa Lutu. ³³ Yeyosi ajezaye kugaokola maishage yundagagamiza, ela yeyosi andiyegagamiza maishage yundagaokola. ³⁴ Nakwambira usiku uo kundakala na atu airi a kwenye chitanda chimwenga, mumwenga yundahalwa na munjine yundarichwa. ³⁵ Kundakala na anache airi anasaga nafaka vhamwenga mumwenga yundahalwa na munjine yundarichwa . ³⁷ Achimuuza, ‘ni lavhi mulungu?’ achiambira ‘vharau vhenye muzoga, ndivho vhenye Tai anakusanyana.’