¹ Chisha atoza ushuru osini na anjine enye dhambi akudza kwa Jesu na achimusikiza. ² Mafarisayo osini na aandishi achinung’unika achamba, “Mutu yuyu yunaakaribidha enye dhambi na pia yunarya nao.” ³ Jesu achigomba ngano ii kwao, achamba, ⁴ “Ni yuphiye kahiza mwino ngonzi mia mwenga na achiangamiza mwenga kandaricha zirahu mirogo chenda na chenda nyikani na enende akayeye irahu mwenga yodziongamika mpaka akuyona? ⁵ Naye achiyona nikuinula na kuima mabegani vhakwe na nyemi. ⁶ Achifika nyumbani nikuaiha asenaye na majiranize nakuambira, kalani furahini vhamwenga nami, kwa kukala dzimupata ngonzi wangu yeregamika.” (ariyengamika, furaha.) ⁷ Naambira vivyo vivyo kundakala na nyemi mulunguni kwa ajili ya mwenye dhambi mumwenga atubuye kuriko zaidi ya enye hachi miroho chenda na chenda ario kana haya ya kutubu. ⁸ Hebu kuna mwanamuche yuphiye mwenye shilingi kumi, achiangamiza shilingi mwenga kandasha ta ana kuvhera nyumba na kuiyeya kwa bidii mpaka andivhoyona? ⁹ Na andivhoyona kaiha asenaye na majiranize nakuambira furahini vamwenga nami, kwa kukala dziipata iyo pesa yangu idziyokala dziyangamiza. ¹⁰ Hata vivyo naambira kuna nyemi mbere za Malaika a Mulungu kwa ajili ya mwenye dhambi mumwenga atubuye.” ¹¹ Na Jesu achiamba, “Mutu mumwenga wakala yuna ana airi, ¹² yuyahu muvaha achimwambira abaye, Baba nia sehemu ya mali ambayo ninafaa kurithi. Kwa vivyo achiagavira malize (kahiza) ao. ¹³ Tsiku chache baadaye yuyahu muvaha achikusanya vyosini vyarokala ni vyakwe achenda tsii ya kure, na kuko achikala na mitsunzu achihumira pesaze, kwa kugula vitu ambavyo here kanahaja navyo, na kubananga pesaze kwa mautu gasigofaa. ¹⁴ Naye arivhomala kuhumira pesaze zosini nzala bomu yavhenga kwenye tsii iyo, naye achikala kahiza uhitaji. ¹⁵ Achenda dziyeyera kazi iye mwenye, kula kwa mumwenga wa enyeji aio tsii, naye achimuvhirika kwenye mundawe arise nguluwe. ¹⁶ Na achikala yunatamani kudzukusha kwa Maganda gorokala ganariwa na nguluwe kwa kukala kakuna mutu yeremuvha chakurya. ¹⁷ Ela yuyu mwana muvaha waaza kahiza moyowe, achiamba ni ahenzi a kazi angavhi ababa ario anachakurya chinji cha kutosha namino ni vhavha ninafa na nzala. ¹⁸ Nindauka na nenende kwa baba(wangu) na ndamwambira, “Baba dzikosera dzulu ya mulunguni na mbere ya matsogo. ¹⁹ Sifaa kuhiwa mwanao kahiri, nihenda here mumwenga wa ahenzi a kazio.” ²⁰ Ndivho achuka achenenda kwa abaye. Na vhorokala yuchere kure abaye wamona na achimonera mbaazi achenda malo na achimugandamira na kumubusu. ²¹ Iye mwana achimwambira, “baba dzikosera dzulu ya mulunguni na mbere ya matsogo sifaa kuhiwa mwanao kahiri.” ²² Iye baba achiambira ahenzi akaziye nireherani upesi vazi ririro ni ridzo, mumuvalishe, muvalisheni na pehe chadani kwakwe na virahu maguluni. ²³ Chisha murehereni ndama yuyahu adzienona mukamutsinze hurye na kufuraia. ²⁴ Kwa kukala mwanangu yuyu here yudzefa naye yumoyo. Here wangamika naye yudzonekana, nao achanza kushangilia. (kutsiratsira) ²⁵ Kwa vivyo iye mwana muvyere here yu mundani. Vhorokala yunanya na yuvhevhi na nyumbani, wasikira sauti za mir ana kuvina. ²⁶ Achimwiha muhenzi wa kazi mumwenga, achimuuza mautu gano manaye nini? ²⁷ Muhenzi wa kazi achimwambira, “muvahao yukudza na abayo yumutsinzira ndama idziyonona kwa kukala yudzuya nyumbani salama.” ²⁸ Mwana muvyere achirsikirwa ba achikahala hata kwinjira ndani abaye wombola konze achimuvoya/achimusihi. ²⁹ Ela wamjibu abaye achiamba, “Lola mino dzikuhumikra kwa miaka Minji, wala sidzakosera malagizo ga kwako na kudzanipa hata mwana mbuzi, ili niweze kufurahia/kusherekeya na asenangu. ³⁰ Ela adzivhokudza yuyu mwanao ariyebananga malizo zosini vhamwenga na Malaya udzimutsinzira ndama yedziyenona (idziyonona). ³¹ Baba achimwambira, “Mwanangu, uwe u vhamwenga nami tsiku zosini na vyosini nirivyo navyo ni vyako. ³² Ela here ni karakara kwehu kuhenda nyambura na kufurahia, yuyu nduguyo here yudzefa na vivi yu moyo; here yudzangamika naye yudzionekana.''