¹ Irivhokala Jesu yunavoya vhatu fulani mumwenga kahiza anafunziye wamwamba, “Bwana hufundishe kuvoyaga dza virahu ambavyo Johana waafundisha anafunziye.” ² Jesu achiambira ichikala munavoya ambani, “Baba, dzinaro rinulwe, ufalmeo udze. ³ Vhuvhe mkahe wehu wa chila tsiku. ⁴ Uhusamhe makosa gehu ga dza virahu ambavyo naswi hunaasamehe osimi ambao adzihukosera kwenye majezo.” ⁵ Jesu achiambira, “Ni yuphiye kwenu ariye yuna musenawe, ambaye yundamutuwa usiku, na amwambe, musenangu nisaidiya na mikahe mihahu. ⁶ Kwa kukala musenangu yumitsemberera muda uu yula safarini, nami sina cha kumuvha. ⁷ Iye ariyekala kuko ndani achimujibu, usiniyuge dzifunga muryango wangu kare na anangu vhamwenga nami hurere/hunalala chitandani. Sindaweza kulamuka ili nikuvhe uwe mukahe. ⁸ Naambira ijapokala kaweza kulamuka na kukuvha mukahe here musenawe ela kwa kukala udzienderera kumubishira bila kuona haya yunda lamuka na kukuvha visiku vinji vya mikahe kulingana na shibeyo. ⁹ Mimi nami naambira, Voyani, nanwi mundahewa, yeyani namwi muudaona, bishani namwi mundafuguriwa. ¹⁰ Kwa kukala chila mutu avoyaye yunda vhokera na chila mutu abishaye muryangoni yundafugurirwa. ¹¹ Ni beyengwa yuphiye kaiza mwino, mwanawe achimuvoya Samaki yunamuvha nyoka badalaye? ¹² Hebu achimuvhoya tumbi yunamuvha inje? ¹³ Kwa vivyo, ichikala mwimwi muno muai munamamya kuavha ana enu zawadi bidzo, je, si zaidi mno abayenu wa Mulunguni kukala yunda avha roho mtakatifu arahu amuvoyao?” ¹⁴ Baadaye, Jesu achikala yunachemera pepo, na mutu iye ariyekala yuna pepo here ni bubu. Na vhorokala pepo yudzombola, mutu iye waweza kugomba. Atu anji agalala mno. ¹⁵ Na anjine achamba, mutu yuyu yunamboza mapepo kuchirira kwa Beelzebul, mubomu wa mapepo. ¹⁶ Anjine amnjeza na achimuhenza aonyese vilinge vya kombola mulunguni. ¹⁷ Ela Jesu achimanya mawazo gao na achiamba, “Chila ufalume urio unagavyana undakala muvhuvhu, na nyumba ambayo ya gavikana indagwa. ¹⁸ Ichikala shetani yundakala yudzidzigavya ufalumewe undaimadze? Kwa kukala munanamba nomboza pepo kwa Belzebuli. ¹⁹ Ichikala mimi nomboza pepo kwa Belzebuli, Je, ana enu anaomboza kuchirira kwa njira yani? Kwa sababu ii ao andaahukumu mwimwi. ²⁰ Ela ichikala naomboza pepo kwa mkono wa Mulungu, basi ufalume wa Mulungu uafikira (udziafikira). ²¹ Mutu ariye yuna mukotse na ariye yuna silaha achirinda nyumbaye, vitu vya kwakwe vindakala salama. ²² Ela achivamiwa ni mutu ariye yuna mukotse mno, iye mutu mwenye mukotse mno yunda muvhoka silahaze, na kuhala malize zosini. ²³ Iye ariye kavhamwenga nami yu chinyume nami, na iye asiykusanya vhamwenga nami yunamwagamwaga. ²⁴ Pepo muchafu achimombola mutu, nikukala yunaenenda na kuyeya vhatu vharivho kavhana madzi ili adzoyeze. Vhondokala yukosa, yunamba, “Ndanya kurahu miriko ombola.” ²⁵ Achinya na achikuta nyumba idzivhewa na ikalato. ²⁶ Vivyo, nikwenenda na kuyeya mapepo mafugahe ario ni ai kuriko iye mwenye na yuna areha adze akale vhatu vharahu. Na hali iye mutu inakala mbaya kuriko vhavho mwanzo.” ²⁷ Yomborera kukala vhorokala yunagomba mautu gaga, mwanamuche mumwenga womboza sauti ya dzulu kuriko atu osini ariokala kahiza kusanyiko riri, achamba, “Ni baha tumbo irahu yoriyo kuvyala na mahombo urigo gamwa.” ²⁸ Lakini iye achamba, nib ala arahu asikirao neno ra Mulungu na kuitunza. ²⁹ Vhorokala lukwili lwa atu rinanderera kumutuwa na kwenjezeka, Jesu achaanza kwamba, “Chiviazi chichi ni chii. Chinayeya vilinge na kakuna vilinge vyondohewa kuriko chilinge chirahu cha Jona. ³⁰ Kwa kukala gadza virahu Jona vyorokala chilinge kwa atu a Ninawi, vivyo ndivyo mwana wa Adamu andivyokala chilinge kwa chiviazi chichi. ³¹ Malkia wa kusini yundaima tsiku ya hukumu na atu a chiviazi chichi na yunda ahukumu ao, kwa kukala iye waambola kula mwisho wa tsi ili adze asikize hekima ya Sulemani na vhavha vhana ariye ni mubomu kuriko iye Sulemani. ³² Atu a Ninawi andaima kwenye hukumu vhamwenga na chiviazi chichi tsiku ya hukumu andachihukumu, kwani ao atubu kwa mahubiri ga Jona, na lola vhavha vhana ariye ni mubomu kuriko Jona. ³³ Kakuna mutu yeyosi, ashaye ta ana kurika sehemu ya tsini iriyo dziza ambayo kayonekana au tsini ya chikavhu, ela ni kwasha na kurika dzulu ya chitu ili chila mumwenga ainjiraye aweze kona mwangaza. ³⁴ Dzitsoro nit aa ra mwiri. Dzitsoro nichikala ni ridzo be mwirio wosini undakala kwenye mwanga. Ela dzitsoro richikala ni rii be mwirio wosi undakala kwenye dziza. ³⁵ Kwa vivyo kalani chonjo ili mwanga urio undani yenu usikale na dziza. ³⁶ Vivyo basi, kala mwirio wosini ukahiza mwanga na kakuna sehemu iriyo idzizani, basi mwirio undakala karakara na taa rakaro rombozaro mwangaza kwenu.” ³⁷ Vhoromala kunena, mfarisayo wamwalika kwakwe nyumbani akarye chakurya, naye Jesu achinjira ndani na achisagala. ³⁸ Na mafarisayo achiagalala kwa virahu ambavyo kaogere kwanza kabila chakurya cha dziloni. ³⁹ Eka Bwana achiamba, “Mwimwi mafarisayo munaojesa chikombe konze na bakuli ela ndani yenu mudzudzala unyang’anyi na wii. ⁴⁰ Nyinyi muatu ario kamuna akili, Je, ye ariyeumba konze kaumbire na ndani pia? ⁴¹ Avheni achia virivyo ndani na mautu gosini gandakala madzo kwenu. ⁴² Ela shauri yenu mafarisayo, kwani munaombeza sadaka/zaka na mnanaa na chisonya na chila aina ya mboga ya mundani. Ela muricha mautu ga hachi na kumuhenza Mulungu. Ni tototo mno kuhenda garigo ni ga hachi na kumuhenza Mulungu, bila kuricha kuhenda na gaga manjine pia. ⁴³ Shauri yenu mafarisayo, kwa kukala munahenza kusagala kwenye vihi vya mbere kwenye masinagogi na kulamuswa kwa mulamuso wa heshima sokoni. ⁴⁴ Shauri yenu, kwa kukala mudzigana na mbira sizizo na alama ambazo atu anatsembera dzuluye bila kumanya.” ⁴⁵ Mwalimu mumwenga wa sheria za chiyahudi achimjibu achimwamba, “Mwalimu chicho uchinenacho china utsukizya hata sisi.” ⁴⁶ “Shauri yenu, alimu a sheria kwa kukala munaavha atu mizigo mibomu ambayo kaweza kuitsukula, ela mwimwi kamugufa mizigo iyo hata kwa chala chimwenga cha mikono yenu. ⁴⁷ Shauri yenu kwa kukala munajenga na kwika kumbukumbu kwenye mbira za manabii ario aulagwa nitsawwe zenu. ⁴⁸ Vivyo mwimwi munashuhudia za kukubaliana na kazi arizozihenda tsawe zenu, kwa kukala ujeri aulaga manabii ario munajenga kumbukumbu kahiza mbira zao. ⁴⁹ Kwa sababu iyo, hekima ya Mulungu inaamba, “Ninda’ahumira manabii na mitume na ao andaatesa na kualaga baadhi yao. ⁵⁰ Chiviazi chichi chindahusika na mlatso ya manabii ario aulagwa hangu mwanzo wa dunia. ⁵¹ Kulaizira mlatso wa Abeli muhadi mlatso kulaira wa Zakaria, ariye waulagwa kahikahi ya madhabahu patakatifu. Ndo naambira mwimwi, chiviazi chichi chindahusika. ⁵² Shauri yenu alimu a sheria za chiyahudi kwa kukala mudzuza funguo za ufahamu, na mwimwi enye kumwinjira, na arahu ahenziao kwinjira muna’azuliya.” ⁵³ Baada ya Jesu kuka vhavho, aandishi na mafarisayo amupinga na kubishana naye dzulu ya mautu manji. ⁵⁴ Amoteya ilia pate neno rodzombola kwenye mulomowe.