¹ Kwa muda uo, maelfu ga atu akudza vhamwenga, chiasi cha kwanza kuvyogana, achaanza kugomba na anafunziye kwanza, “kalani matso na tsatsu ya mafarisayo ambayo ni unafiki.” ² Na kakundakala na siri iriyoifitsika ambayo kaindaikwa lwazu, wala utu uriofitswa ambao Kaunda manyikana. ³ Na rorosi ambaro mwarinena dzizani, rindasikirwa kwenye mwanga. Na rorosi ambaro mwarinena kwenye sikiro ndani ya vyumba vyenu vya ndani virivyofungwa rindagombwa dzulu ya paa ra nyumba. ⁴ Naambiriza asenangu, musiagovhe arahu aulagao mwiri na chisha kana chitu chinjine cha kuhenda. ⁵ Ela naana kumuhusu yuyahu mundiye muogovha. Mogovheni yuyahu ambaye baada ya kulaga, yuna uwezo wa kuatsuvha jehanamu. Ndo naambiriza mwimwi mogovheni iye. ⁶ Je, tsongo atsano kaguzwa kwa sarafu mbiri? Hata vivyo kakuna hata mumwenga wao ariye yundasahulika mbere za Mulungu. ⁷ Lakini mumanye kukala, Nyere za vitswa vyenu zatalwa. Musiogovhe mwimwi muamana kuriko shomoro anji. ⁸ Ninaambiriza, yeyosi andiye nikiri mimi mbere za atu, mwana wa Adamu yundamukiri mbere za Malaika a Mulungu. ⁹ Ela yeyosi ambaye yundanikala mbere za atu, iye naye yundakahalwa mbere za Malaika a mulunguni. ¹⁰ Yeyosi ambaye yunda nena neno ii dzulu ya mwana wa Adamu yunda samehewa, ela yeyosi yende mukana roho mtakatifu, kanda samehewa. ¹¹ Andivha achirika mbere ya abomu a masinagogi, vilogozi, na enye uwezo, musiogovhe dzulu ya mundiro rinena kahiza kudziherera (au mundiro rigomba). ¹² Kwa kukala roho mutakatifu yunda afundisha virahu ambavyo mundagomba kwa muda uo. ¹³ Mutu mumwenga kahiza kuudi riro achimwambira, “Mwalimu mwambirize ndugu yangu anigavire sehemu ya urithi wangu.” ¹⁴ Jesu achimujibu, ni yuphiye yeremika mino kukala mwamuzi na mupatanishi kahiza mwino? ¹⁵ Ndo achiambira, “kalani matsi na chila namna ya tamaa, kwa kukala uzima wa mutu kaukahiza unji wa vitu arivyo navyo.” ¹⁶ Jesu achiambira mfano, achamba, munda wa mutu mumwenga ariyekala ni tajiri wavyala mno. ¹⁷ Na achidzuza moyoni mwakwe, achamba, nihendedze kwani sina vhatu vha kwika mazao gangu? ¹⁸ Achamba, nindahenda vivi, undavuuza tsaga zangu titen na nindajenga lutsaga ambalo ni mbomu na nindeka mazao gangu gosini na vitu vinjine. ¹⁹ Nindayambira nafsi, “Nafsi, udzidzikira akiba ya vitu vinji kwa miaka minji. Oya, urye, unwe na ustarehe.'' ²⁰ Ela Mulungu achimwambira, wee mutu uriye mupumbavu, usiku wa rero anaironda rohoyo na vitu vyosi urivyovika vindakala vyani? ²¹ Ndivyo vindivyokala kwa chila mutu adzikiraye mali na si kudzitajirisha kwa ajili ya Bwana. ²² Jesi achiambira anafunziye kwa vivyo naambiriza musicale na wasiwasi dzulu ya maisha genu, vya kukala mundaryani au kuhusu miiri yenu kukala munda valani? ²³ Kwa kukala maisha ni zaidi ya chakurya, na mwiri zaidi ya mavazi. ²⁴ Lolani tsongo arukao dzulu mulunguni, karima hebu kavuna. Kana chumba hebu lutsaga lwa kwikira mavuno, ela Abayenu yuna arisa. Mwino si muamana sana kuriko ao tsongo. ²⁵ Ni yuphiye kaiza mwino ariye yunaweza kudzionjeza chimoche kahiza maishage? ²⁶ Ichikala basi kamuweza kuhenda utu uu utite urio ni rahisi, kwa tuwani basi muyugike nago manjine? ²⁷ Dzuzeni virahu ambavyo maruwa gameravyo. Kagahenda kazi wala kusokotana, ela nambira, hata Sulemani mwenye kahiza utukufuwe wosini kavalishirwe kadza mwenga vho ya gago maruwa. ²⁸ Ichikala Mulungu yunagavalisa tototo makodza ga mundani, ambago rero ga vhavho na machero ganatsuvhiwa mohoni. Je, si zaidi yunda’avisha mwimwi? Mwimwi enye imani punguwani! ²⁹ Musiyugike dzulu ya kukala mundanyani hebu mundawani, hebu musicale na wasiwasi. ³⁰ Kwa kukala mataifa gosini ga dunia ganayugika kwa mautu gago. Na Abyenu yunamanya vya kukala munahitaji gago. ³¹ Ela uyeyeni ufalumewe mwanzo, nag ago manjine mundaonjezerwa. ³² Musiogovheni mwimwi kundi tite, kwa kukala Abayenu yunafurahia kuavha uo ufalume. ³³ Guzani mali zenu na mukaavhe achia, mukadzitengezere mifuko iriyo kaindakala chivhuvhu, hazina ya mulunguni isiyosira, vhatu vharivho aivi kandavhafikira hebu lutswa kalunda weza kubananga. ³⁴ Kwa kukala vharahu vharivho na hazina ya kwako, ndo ambavho vohoyo indakala. ³⁵ Nguo zenu nyire zikale muzifunga na ukanda na mataa genu muhakikishe kukala ginaenderera kwaka, ³⁶ Na mukale here atu ario anamutazamia Bwana wao kudza kula nyambura ya harusi, ili kwamba achidza na kubsisha hodi, andaweza kumufugurira muryango kwa haraka. ³⁷ Bala arahu atumishi, ambao Bwana yundaakuta a matso. Kwa ujeri yundafunga nguoye nyiri kwa ukanda, chisha yunda ashangaza vhotsi arye chakurya, na chisha alole/ahudumiye. ³⁸ Ichikala Bwana yundavya kwa zamu ravhiri ra usiku hebu hata isare nah ahu ra urinzi, na achiakuta achikala tayari indakala baha kwa arahu atumishi. ³⁹ Ela manyani utu nu, ichikala bwana mwenye nyumba yundaweza kumanya saa ambayo mwivi yundadza, kangaruhusu nyumbaye ivunzwe. ⁴⁰ Kalani tayaru pia kwa kukala, kamumanya ni muda wani ambao mwana wa Adamu yundavya. ⁴¹ Petero achamba, “Bwana unahambira sisi hachiyehu ino mfano hebu unamwibira chila mutu?” ⁴² Bwana achiambira, “Ni yuphiye muhenzi wa kazi mwaminifu hebu ariye na hekima ariye Bwanawe yundamwika dzulu ya atumishi anjine, ili agavire chakurya chao kwa muda ufaao?” ⁴³ Yudzihaswa mutumishi yuyahu, ariye Bwanawe achidza yundamkuta achigahenda garahu arigolagizwa. ⁴⁴ Kwa ujeri naambira mwimwi kukala yundamwika dzuku ya malize zosini. ⁴⁵ Lakini mtumishi iye achidzuza moyoni mwakwe, “Bwana wanu yunachelewa kuya; kwa vivyo anze kuapiga arahu atumishi anjine achilume na achiche, chisha anze kurya, kunwa na kureya. ⁴⁶ Bwanawe iye muhenzi wa kazi yundakudza tsiku ario kaitarajia na saa asiyoimanya, naye yundamukatakata visiku visiku na kumwika kahiza vhatu vhamwenga na ario si aaminifu.'' ⁴⁷ Mtumishi ariye yunamanya mapenzi ga bwanawe, naye kadzitayarishire heu kahendere karakara na mapenzi ga kwakwe yundapigwa mapigo manji. ⁴⁸ Ela mtumishi asiyeelewa/asiyemanya mapenzi ga bwanawe, ela achihenda mautu gafa’ago kuadhibiwa, yundapigwa mapigo machache. Kwa kukala yuyahu ariyehewa vinji, vinji vindadaiwa kula kwakwe, na iye ariyeaminiwa kwa vinji, kwakwe iye vindadaiwa vinji zaidi(mno). ⁴⁹ Dzikudza kuasha moho duniani na nahenza mkale udzanza kwaka, ⁵⁰ Ela nina ubatizo urio nindabatizwa, na nina majonzi muhadi vhondotimira! ⁵¹ Je, munona kukala nakudza Kureha amani duniani? Si vivyo, naambiriza, badalaye dzireha kugavyana. ⁵² Kwanzira vivi na kwendererea kundakala na atu atsano kahiza nyumba mwenga ario andagavynaa, na ahahu andakala chinyume cha airi, na airi andakala chinyume cha ahahu. ⁵³ Andagavyana, baba yundakala chinyume na mwanawe, na mwana yundakala chinyume na abaye, muchetu yundakala chinyume na mwanawe, na mwana wa chiche yundakala chinyume na ameye, mutsedzagwa mutu yundakala chinyume cha mutsedzawee na iye mutsedza yundakala chinyume cha mutsedzawe. ⁵⁴ Jesu achikala yunaambira lukwili lwa atu pia, “Ohafula monavho maingi gadzomborera upande wa magharibi, munanga musimu wav ula ufikira na ndivyo ikalavyo jeri, ⁵⁵ na pyeho ya kusini ichivuma, munamba kundakala na dzoho kali na ndivyo vikalavyo. ⁵⁶ Mwinoatu alongo, munaweza kuelewa vyonekanavyo kwenye tsii na angani, ela inakaladze kamuweza mukatafsiri muda muno? ⁵⁷ Ni kwa tuwani chila mumwenga wenu asihende uamuzi wa ririro ti karakara kwenu? ⁵⁸ Kwa kukala uchenda na adziekushitaki mbere ya hakimu, dzitahidi mupatane uwe na iye adziyekushitaki muchikala bado munjirani ili asidze akakuvhirika kwa hakimu, na hakimu akakuvhirika kwa ofisaa, na ofisaa akakwijiza jela. ⁵⁹ Nakwambira kundaombola kuko muuhadi udzirivha mpaka pesa ya mwisho.