¹ Vikara hata ro lagano ra kwanza pia here rina taratibu za ibada na makalo ga chirimwengu. ² Kwa iyo kahiza hema riro, here kuna chumba chotayarishwa , chumba cha nze,ambavo here vanaihiwa vatu vatsunyu. Kahiza sehemu ii , here vana chango cha taa,meza na mikahe ya konyeswa. ³ Na nyuma ya pazia ya viri here kuna chumba chinjine vaihiwavo vatu vatsunyu muno. ⁴ Here muna madabahu ga dabahu ga kufukizira uvumba. Na pia here muna sanduku ra lagano,ambaro here rajengwa kwa dababu tovu. Ndaniye here muna bakuli bomu ra dahabu iyo renye mana , na data ya Haruni iriyomera makodza matsanga,na zizo mbao za mawe za lagaho. ⁵ Dzulu ya sanduku ra lagano maumbo gaga makerubi ga utukufu ambaga ganabiringiza makwava gao mbere ya chihi cha upanisho ambacho kwa vivikare kahuweza kuelezera kwa undani muno. ⁶ Bada ya vitu vivi kumala kutayarishwa vilongozi a bomu a chidini kawaida nikuingira chumba chanze charo hema kulavya uhumiki wao. ⁷ Ela ni chilongozi mubomu wa dini hacheye ainjiraye cho chumba cha viri mara mwenga chila mwaka, na nikukala yunatsukula mulatso wa kuombozera sadaka kwa ajiliye binafusi na kwa ajili ya dambi za atu arizozihenda bila kumanya. ⁸ Roho mutsunyu yana shuhudia kukala, njira ya vatu va tsunyu muno bado kaidza fynulwa kwa kukala hema ra kwanza bado riimire. ⁹ Chichi ni chilelezo cha muda uu wa vikara vyosi, zawadi na sadaka ambavo vinalaviwa vivi vikara kaviweza kukamilisha nia kolo ya iye abuduye. ¹⁰ Ni vyakurya na vinwadzi hacheye virivyo vyatsanganywa kahiza aina ya mulongozo wa ibada ya kudzisafisha. Vyosi vivi vyakala ni mulongozo wa chimwiri kahiza vivyo virivyokala vyatayarishwa muhadi idze iyo indiyoikwa vhatuvhe. ¹¹ Kiristo wakudza here chilongozi mubomu wa chidini wa mautu madzo ambago here gakudza kare. Na wachirira kwenye hema ririro bomu na kamilifu zaidi risirojengwa na mikono ya anadamu risiro ra urimwengu uu. ¹² Here si kahiza mulatso wa mbuzi wala ndama bali kwa mulatsowe mwenye kukala Kristo wainjira vatu vhatsunyu lumwenga tu kwa chila mumwenga na kuhuhakikishira ukomboli wehu wa kare na kare. ¹³ Here kwa mulatso wa mbuzi na nza'o na kutivhira kwa maivu ga ndama kahiza ao asiosayiarioachafu ariotengwa mbere za Mulungu na kuihenda miiri yao kukala mitsunyu. ¹⁴ Je, si Zaidi sana o mulatso wa Kristo urio kwa kuchirira Roho wa kare na kare wadzilavya mwenyew bila dowa kwa Mulungu,ili kuojesa huya zehu kula kwa mahendo maiga kumuhumikira Mulungu ariye moyo? ¹⁵ Kwa vivyo, Kiristo ni muhumwa wa lagano rivya. ii ndo sababu chifo cha aricha huru ao osi ario a lagano ra kwanza kula kahiza kosa ra dambi zao , ili kukala osini arioihiwa ni Mulungu aweze kuvhokera chilagane cha urithi wao wa kare na kare. ¹⁶ Ichikala kuna lagano ambaro rinadumu, ni lazima rihakikishwe kwa chifo cha mutu iye ariyerihenda (ariyeitengeneza ) ¹⁷ Kwani lagano rorosi ra urithi rinakala na nguvu kahiza vhatu vhaombolavho chifo kwa kukala kakuna nguvu wakati iye mwenye kuritengeneza achikala yu moyo. ¹⁸ Hata vivyo,riro lagano ra kwanza karikirwe bila mulatso. ¹⁹ Muda Musa arivhokala yudziomboza chila lagizo ra sheria kwa atu osini, wahala o mulatso wa ndama na wa mbuzi, na madzi pia ,sufu tuue na hisopo, na achichitivhira cho chitabu chenye na atu osi. ²⁰ Chisha achiamba, uu ni mulatso wa lagano ambaro Mulungu waalagiza.” ²¹ Kahiza hali iyoiyo, wativhira mulatso dzulu ya hema vamwenga na viya vyosi virivyohumirwa kwa uhumiki wa ulongozi wa chidini. ²² Na kwa kulingana na sharia, chila chitu chinatsuswa kwa uo mulatso. Vasivo kumwaga mulatso kavhana musamaha. ²³ Kwa vivyo here ni lazima kukala mfano wa vitu vya Mulunguni ni lazima vitsuswe kwa ii sadaka ya anyama, hata vivyo vitu vya Mulunguni vyenye vyahenzekana vitsuswe kwa hiyo sadaka iriyo mbidzo kuriko zizo. ²⁴ Kwa vivyo Kiristo kainjirire vhatu vhatsunyu sana vharivhotengenezwa kwa mikono,iriyo ni mfano wa vhatsunyu vhenye. Na baadaye wainjira Mulunguni kwenye ,vhatu ambavho hikara yu mbere za uso wa Mulungu kwa ajili yehu. ²⁵ Kainjirire kuko kwa lengo ra kudzomboza sadaka kwa ajiliye mwenye mara kwa mara, gadza here ahendavyo chilongozi mubomu wa chidini ambaye nikuinjira baada ya mwaka vhamwenga na mulatso usiokala wakwe. ²⁶ Ichikala iyo here ni jeri, basi ngere yakala lazima kwakwe kusirima mara nyinji zaidi hangu tsidyekwa- Ela vivi hikara ni mara mwenga hadi mwisho wa miaka nikudzifunula kuyusa dambi kwa kudzilavya sadaka iye mwenye. ²⁷ Here irivyo kwa chila mutu kufa mara mwenga, na baada ya iyo nikudza hukumu. ²⁸ Ndo vivyo Kiristo naye walaviwa sadaka mara mwenga ili kuziusa dambi za anji, yunakudza kwa mara ya vhiri si kwa kusudi ra kushughulikira dambi, ela kwa wokwoli kwa ao amutarizao.