¹ Here virahu sharia irivyo ni here chivurivuri cha mautu madzo gadzago, wala sego genyege. Sharia kamwe kaiweza kwakamilisha arahu ambao ana musongerera Mulungu kwa njira ya sadaka zirahu zirahu ambazo vilongozi abomu a chidini aenderera kuomboza mwaka baada ya mwaka. ² Ela kala ndevyo sadaka zizo si ngere zaricha kulaviwa? Kwa hali iyo ao avoyao achikala atsuswa mara mwenga kangawezere kukala na uvumbuzi muno wa dambi. ³ Ela kahiza sadaka zizo kuna kukumbukizwa kwa dambi zirizohendwa mwaka baada ya mwaka. ⁴ Kwa kukala kaviwezekana kwa mulatso wa nz'ao na wa mbuzi kuusa dambi. ⁵ Muda Kiristo arivhokudza urimwenguni, “Waamba, zawadi na sadaka kuvihenzere baadalaye watayarisha mwiri kwa ajili yangu." ⁶ Kamukarire na hamani kahiza matoleo gosi ga sadaka za kurya na sadaka za dambi kuhezenzerwe nazo. ⁷ Chisha nichiamba, “Lola, vano ninagahenda go mahenzogo,Mulungu here irivyoandikwa kunihusu mimi kahiza chitabu. ⁸ Waamba here irvyonenwa vavo dzulu “kuhenzezerwe sadaka, zawadi, au sadaka ya kuvya kwa ajili ya dambi, wala ukakarire na nyemi nazo “Kwa zo sadaka ambazo zina laviwa (zinaombozwa)kulingana na sharia. ⁹ Kisha achiamba , “Lola, ni vava kwa kuhenda go mahenzogo.”Waika kanda zo taratibu za kapindi ili kuimarisha zirahu za viri. ¹⁰ Kahiza zo taratibu za viri, haikwa kare kanda kwa upande wa ye Mulungu kwa ajili ya mahenzoge kuchirira kwa kudzilavya kwa mwiri wa Kristo Jesu mara mwenga kwa nyakati zosi. ¹¹ Ni jeri,chilongozi cha dini nikwima kahiza uhumiki wa tsiku kwa tsiku, achiomboza sadaka iyoiyo, ambayo kwa vyovyosi kamwe kaingaweza kuusa dambi. ¹² Ela baada ya Kristo kuomboza sadaka, mara mwenga kwa ajili ya dambi hata kare na kare yosi,wasagala mkono wa kulume wa Mulungu. ¹³ Achitariza mahaduie aikwe tsini na kuhendwa chihi cha maguluge. ¹⁴ Kwa kukala kwa njira ya sadaka mwenga, waakamilisha kare na kare arahu ambao atsagulwa kwa ajili ya Mulungu. ¹⁵ Na Roho mutsunyu pye washuhudia kwehu kwa kukala kwanza waamba, ¹⁶ “Riri ni lagano nindirohenda vhamwenga nao baada ya tsiku zizo, Bwana yunaamba, "nindaika sharia zangu ndani ya mioyo yao,na pia nindaziandika kahiza akili zao.” ¹⁷ Chisha yunaonjezera, ”Sindakumbukira kahiri zo dambi na mahendo gao mai.” ¹⁸ Vikara vhatu vharivo na musamaha kwa aa kakuna kahiri sadaka yoyosi kwa ajili ya dambi. ¹⁹ Kwa vivyo enehu huna ugumbao wa kuinjira vhatu vhatsunyu muno kwa mulatso wa Jesu. ²⁰ Iyo ni njira pya na iriyo moyo ambayo waifugula kwa ajili yehu ichirayo kwenye pazia ambayo ni mwiriwe. ²¹ Kwa kukala hunaye chilongozi mubomu wa chidini dzulu ya nyumba ya Mulungu. ²² Na humusengereni kwa moyo wa jeri kahiza ukamilifu wa uhakika wa kuluvhiro huchikala na mioyo iriyotivhirwa kuluvhiro huchikala na mioyo iriyotivhirwa udzo kulaa kwa nia mbii na miiri yehu iriyoojeswa kwa madzi madzo. ²³ Basi nahugwirireni tototo kahiza ro ungamo ra ungumbao wa kuluvhiro rehu, bila kugaluka , kwa kukala Mulungu wa chilagane ni muhachi. ²⁴ Na huzidini kuririkana namna ya kumubuma moyo chila mutu kwa uhenzo na mahendo madzo. ²⁵ Na husiriche kudza vhamwenga here ahendavyo anjine. Baadalaye,chila mumwenga hubumane moyo muno, here muonavyo kukala iyo tsiku ina ratira. ²⁶ Na ichikala hundaenderera kuhenda dambi kwa makusudi baada ya kuvhokera elimu ya ujeri, sadaka injine ya dambi kaifaa kahiri. ²⁷ Na badalaye kuna kutarizira hukumu ya hicheye ya kutisha, na moho mukali ambao undaocha maadui a Mulungu hata kuvya. ²⁸ Yeyosi ariyeikahala yo sharia ya Musa nikufa bila mbaazi mbere ya ushuhuda wa mashahidi airi wala ahahu. ²⁹ Ni chasi chani cha adhabu muno ambacho unafikiri chinamlazimu chila mumwenga ambaye wa muvurya mwana wa Mulungu, yeyosi ariyehendera mulatso wa lagano here chitu chisicho chitsunyu, mulatso ambayo kwaiyo yatengwa kwa kazi ya Mulungu. Yoyosi ariye yunamukana Roho wa mbazi? ³⁰ Kwa kukala hunamunya mumwenga ariye amba, "chisasi ni changu nindariva na chisha kahiri Bwana yunda hukumu atue.” ³¹ Ni utu wa kuogofya mutu achigwerera kahiza mikono ya Mulungu ariye moyo. ³² Ela kumbukira tsiku zirizo chira, bada ya kubumwa kwenu mwangaza, Ninamuna yani mwaweza kugavumirira mavune masiru. ³³ Muda munjine mwakala mudzikwa lwazu kahi za muzaha wa matusi na kusirima, na mwakala ashirika vamwenga na arahu aria chirira kusirima here kuko. ³⁴ Kwa kukala mwakala na moyo wa mbazi kwa ao ariokala ni afungwa, mwavokera kwa nyemi adhabu ya urithi wenu, muchimanya kukala mwimwi enyee mwakala na urithi mudzo na kukala kare na kare. ³⁵ Kwa vivyo musiutsuve ungumbao wenu, urio na tuzo bomu. ³⁶ Kwa kukala, munahenzekana muvumirire, ili kukala mupate kuvokera chiricho Mulungu wa lagana namwi, bada ya kukala mumala kugahenda mahenzoge. ³⁷ Kwa kukala baada ya muda mufuhi mumwenga adzaye, yundakudza jeri ela kandatoa. ³⁸ Mwenye hachi wangu undaishi kwa kuluvhiro. Ela ichikala yundavya nyuma, sindafairwa ni iye. ³⁹ Ela siswi si here a auyao nyuma kwa kuangamika. Ela badalaye swiswi hu badhi ya ao ario na kuluviro ra kurinda roho zenu.