¹ Vikara, kuluviro ni kukala na uhakika wa manta gatarajiwa, hakikaya vitu visivyoonekana. ² Na kwa kukala ii anotsawe(akareehu) akala imara kahi za kulumiro rao. ³ Kwa kuluviro huna manya kukala urumwengu wa ubwa kwa amuri ya Mulungu, ili kukala chirahu chionekanacho kachitengenezerwe kala kwa vitu virivyo were vinaonekana. ⁴ Vyahendeka kwa kuluviro kwamba habili wa mulavira Mulungu sadaka mbidzo ya kuhama kurika arivyohenda kaini. Here ni kwa kukala ii walikwa kukala ni mwenye hachi. Mulungu wamulika kwa sadaka arizozireha kwa sababu iyo Habili bado yucherenena hata idhavokala wafa. ⁵ Vyakala kwa kuluvhiro kukala Enoko wahalwa dzulu wala kaonere chifo. Kaonekanire kwa kukala Mulungu wa muhala. Here virahu irivyonenwa dzuluye ya kukalavyamuhenzezwya Mulungu kabla ya kuhalwa kwenda dzulu. ⁶ Vasivo kuluviro kaiwezekana kumuhenzezya Mulungu, kwa kukala iye dzaye kwa Mulungu ni lazima akuluvire kukala Mulungu yunaishi na kukala yuna anosa ao amuyeyao. ⁷ Here ni kwa kuluviro kukala Nuhu, ichikala waonywa ni Mulungu kulingana na mautu ambago kagaonekanire, kwa heshima ya chimulungu wajenga safina(meli) kwa ajili ya kuokoka lukolowe kwa kuhenda vivi wauhukumu urimwengu na achikala murithi wa hachi iriyo ni kudza kuchirira kuluviro. ⁸ Here ni kwa kuluviro kukala Ibrahimu, arivoihiwa watii na achenda vo vatu ambavo wahenzwa kuvokera here urithi .Waombola tu bila kumanya vovatu aendavo. ⁹ Here ni kwa kuluviro kukala waishi kahi za tsi ya chilagane here mujeni. Waishi kahiza mahema vamwenga na ayawe achilagane chichochicho. ¹⁰ Na ii ni kwa kukala atarajia kuupata o mudzi urio mwenye kuanzisha na iye mujengi ni Mulungu. ¹¹ Here ni kwa kuluviro kukala Ibrahimu, na Sara avhokera mukotse wa kugwira mimba idzavhokala here ni atu akomu, kwa kukala amona Mulungu kukala ni muhachi, ambaye wakala na chilagane cha kuapatira mwana wa chilume. ¹² Kwa vivyo pye kula kwa mutu yuyu mumwenga ariyekala vhevhe na kufa achivyalwa ana anji asiotalika. Akala anji dzahere nyenyezi za Mulunguni na anji dzahere mutsanga wa baharini. ¹³ Aa osi afa kahiza kuluvhiro vhasivho kuvhokera vilagane. Ela achikala adzivyona na kuvikaribisha kwa kure, aungama kukala ao ni ajeni na achizi achirao dzulu ya atsi. ¹⁴ Kwa arahu agombao mautu here gaga anaika lwazu kukala anayeya tsiyao enyee. ¹⁵ Kwa jeri kala here achiiyaza iyo tsi ariyombola, angakala na nafasi ya kuya. ¹⁶ Ela here irivyo , ana pola na tsi iriyobidzo muno, iriyo ya Mulunguni. Kwa vivyo Mulungu kaona haaya kuihiwa Mulungu wao. Kwa kukala yudziategezera mudzi wao. ¹⁷ Here ni kwa kuluviro, kukala Ibrahimu baada ya kujezwa wamulavya Isaka ariyekala mwanawe wa hacheye ariyewere wavhokera chilagane. ¹⁸ Ariye dzuluye yanenwa, “Kula kwa Isaka chivyazicho chindahiwa.” ¹⁹ Ibrahimu wamanya kukala Mulungu here yuna uwezo wa kumufufula Isaka kula kwa ariofaa. Na kwa kuzungumza kwa lugha ya chimaumbile wamuvhokera. ²⁰ Here ni kwa kuluvhiro kukala Isaka wamubariki Yakobo na Esau kwa mautu gadzago. ²¹ Here ni kwa kuluvhiro, Yakobo arivhokala yuvhevhi na kufa wamubariki chila mumwenga wa ana a Yusufu. Yakobo achiabudu achijemerera chitswa cha ndataye. ²² Here ni kwa kuluvhiro, Yusufu muda wa kwakwe wa mwisho urivhokala uvhevhi, wanena dzulu ya ana Aisraeli kombola misiri na achialagiza kuihala misozaye vhamwenga nao. ²³ Here ni kwa kuluvhiro, Musa arivovyalwa wafitswa kwa miezi mihahu ni avyazie kwa kukala amwona ni mwana mutsanga ariyekala mudzo muno, na kaogovhere ni sharia ya mutawali. ²⁴ Here ni kwa kuluvhiro, Musa ,arivokala mutumuzima (mutuminya) wakahala kuihiwa mwana wa chiche wa Farao. ²⁵ Baadalaye, watsagula kushiriki kusiriwa vamwenga na atu a Mulungu kuriko kufurahia anasa za dambi chiseho chifuhi. ²⁶ Waaza yo aibu ya kumutua Kristo ya kukala ni utajiri mubomu kuriko zo mali za misri kwa kukala wafugula matsoge kulola tuzo ra muda udzao. ²⁷ Here ni kwa kuluvhiro, Musa wombola musiri na kaogovhere koro za mutawali, kwa kukala wavumurira kwa kumulola iye asiyeonekana. ²⁸ Here ni kwa kuluvhiro, arivoihenda pasaka na kutivha mulatso,(kunyunyiza) ili kukala iye mubanangi wa mimba mbere asiweze kuaguta mimba mbere a chihume a ao aisraeli. ²⁹ Kwa kuluvhiro avuka kahiza bahari ya shamu gadza herea tsi mbitu. Muda Amisri ajeza kuvuka ahoha osini. ³⁰ Here ni kwa kuluvhiro, ukuta wa Yeriko wagwa tsi, baada ya kuzungulukwa kwa tsiku fungahe. ³¹ Here ni kwa kuluvhiro, Rahabu yuyahu malaya watiya wala kaafire vamwenga na arahu ambao kakarire atiifu, kwa kukala here waavhokera apelelezi na kuatunza salama. ³² Na niambedze ra muno? kwa maana muda kautosha wa kusumurira ga Gideoni, Barak,Samsoni, Yeftha,Daudi,Samueli na manabii. ³³ ambao kwa kuchirira kuluvhiro azishinda miliki za utawala ,ahenda hachi ,na achivokera chilagane. Achizuilia (afunga) makanwa ga tsimba. ³⁴ Azimya ukali wa moho, ahepa hata tsa za miundu, avhozwa makongo, here ni ngumbao vihani, na ahendya majeshi majeni kuchimbira (viha kushindwa) ³⁵ Ache avokera nyufu zao zirizokala zafufulwa, kwa njira ya ufufulo. Anjine asirimishwa, bila kukubali kurichwa huru ili kukala aweze kupata uzoefu wa ufufulo urio bora muno. ³⁶ Anjine asirimishwa kwa kuvunywa na kuchapwa naami hata kwa kufugwa na kubumwa aenende achikala jela (gerezani) ³⁷ Abumwa mawe. Akatwa visiku kwa misumeno. Aalagwa kwa mundu. Avala chingo za ngozi na chingo za mbuzi na ni avhungukiwa, na achienderera kahiza mavone makali na achihendewa mai. ³⁸ (ambago urimwengu kaufaire nago) achitangatanga nyikani(jangwani) mirimani,kahiza mapango na kahiza ndani ya magopwe(mashimo)ga ardhini. ³⁹ Here atu osi aa akubaliwa ni Mulungu kwa kukala ya kuluvhiro rao,kavhokerere chilagane. ⁴⁰ Mulungu wakala mbere achiuvha chitu chiricho bora, ili kulale bila siswi kangaweza kukamilisha.