¹ Kwani chila chilongozi mubomu wa dini ariyetsagulwa kahiza atu, watsagulwa kuima badala yao kahi za vitu vihusianavyo na Mulungu, ili aweze kuomboza kwa vamwenga zawadi na dhabihu kwa ajili ya dambi. ² Yunaweza kudzishuhulisha na upore ka ao ario kaelewa na ariokengwa kwa kukala iye mwenye pia wazungulukwa ni unyonge. ³ Kwa riri, yunawajibu wa kuomboza sadaka kwa ajili ya dambize here ahendavyo kwa dambi za atu. ⁴ Na kakuna mutu ahalaye heshima ii kwa ajiliye mwenye, ela baadaye, lazima aihiwe ni Mulungu, here arivyokala Haruni. ⁵ Hata Kristo kadzivire heshima mwenye kwa kudzihenda mwenye kukala chilongozi mubomu, Badalaye, Mulungu wagomba kwakwe, “uwe u mwanangu, rero nidzikala Abayo.” ⁶ Ni here anenavyo pia vatu vanjine, “uwe u chilongozi mubomu wa dini kare na kare baada ya mvano wa Melkizedeki.” ⁷ Muda wa chipindiche kahi za mwiri, wavoya na kuavoyera, ariomuvoya Mulungu kwa matsozi na hata kuugula kunji kwa iye awezaye kumwokola kumbola kwenye. Kwa unyenyekevue Mulungu, wasikirwa. ⁸ Idzavokala wakala mwana, ela wadzifundisha kuogova kwa mautu garigomusirimya. ⁹ Wakamishwa kwa njira ii wahendeka kwa chila mutu amukuluviraye, ili akale sababu ya wokolwi wa kare na kare. ¹⁰ Ariyekubalika kwa Mulungu here chilongozi mubomu wa chidini muvano wa Melkizedeki. ¹¹ Huna manji gakunena dzulu ya Jesu, ela ni vifu kumwambiriza kwa kukala mwimwi mwakaha a kusikira. ¹² Idzavokala kwa chiseho chichi munahenzekana mukale mu'alimu, kucheresere umuhu wa mutu kuafunzya mafundisho ga kapindi ga neno ra Mulungu munahenza maziya ela sichakurya chitu. ¹³ Kwa kukala yeyosi anwaye maziyatu, nikukala kana mazoera ilahi za ujumbe wa haki wa hachi kwa kukala uchere mutsanga. ¹⁴ Ela chakurya chifu ni cha atu azima, arahu ario kwa mazoera gao kahi za kutafautisha hachi na ui afundishwa kumanya ridzo na rii.