¹ Kwa vivyo, huchiricha hurichodzifunzya vhavho chaho dzulu ya ujumbe wa Kristo, inafaha kukala na chadi kwendera kahi za kukomala, usike kahiri misinzi ya kutubu. Kala kahi za kahi zisizo na uzima na kuluviro kahi za Mulungu. ² Hebu misinzi ya mafundisho ga ubatizo, na kuaikira mikono, na kufufulwa kwa ariofa, na hukumu ya kare na kare. ³ Na hundahenda vivi ichikala Mulungu yundaharalia. ⁴ Kwa kukala kaiwekana kwao ao ario aupata mwanga kapindi, ario tata chipawa cha mulunguni, na kuhendwa kukala ashirika a roho mutsunyu. ⁵ Na ario tata udzo wa neno ra Mulungu na kwa nguvu za kare idzayo. ⁶ Na kisha achigwa kaiwezekana kuaudzya kahiri za kutubu, ii ni kwa kukala adzimusulubisha mwana wa Mulungu mara ya viri kwa nafusi zao, achimuhendya kukala chia cha kuvhurwya khalamu. ⁷ Kwa kukala tsi vokere mvula inyayo kwenda kwenda dzuluye, na ikaomboza mavyalo muhimu kwa ao ariohenda kazi kahi za yo tsi, ni kuvokera Baraka kulaa kwa Mulungu. ⁸ Ela ichikala indavyala miya na mabuwa, indakala kaina faida kahiri na ikahi za hatari ya kulaaniwa, mwishowe ni kuochwa. ⁹ Idzavokala hunagomba vivi, asena ahenzwi, hunakalatwa na mautu madzo gaahusugo mwimwi na mautu gahusugo wokolwi. ¹⁰ Kwa kukala Mulungu si mui hata asahahu kazi yenu na kwa uhenzo muriouonyesa kwa ajili ya dzinare, kahi za riri mwaahumikira aamini na mchere ahumikira. ¹¹ Na hunahenza muno kukala chila mumwenga wenu aweze kuonyesa bidi iyo iyo muhadi mwisho kwa uhakika wa ungumbao. ¹² Kahenzi mukale akaha, ela mukale afuasi a ao arithio yo ahadi kwa sababu ya kuluviro na uvumiriri. ¹³ Kwa kukala Mulungu arivyomuva Abrahimu chilagane, waapa kwa nafsiye, kwa kukala ngere kawezere kuapa kwa mutu munjine yeyosi ariye mubomu kuriko iye. ¹⁴ Waamba, “Hakikanindakubariki, na nindaojeza chivyazicho mno.” ¹⁵ Kwa ujira ii, Ibrahimu wavokera chilagane baada ya kurindira kwa uvumiriri. ¹⁶ Kwa kukala anadamu kuapa kwa iye ariye mubomukuriko ao, na kwao mwisho wa mashindano gosi ni chiravo kwa kugahakikisha. ¹⁷ Muda Mulungu ariovamula kuonyesa kwa ulwazu sana kwa ao arithi a chilagane kusudire ridzo risirobadilika, warihakikisha kwa chiravo. ¹⁸ Wahenda vivyo ili kwa vitu vivi viri visivyoweza kubadilika, ambavyo kahi za vivyo Mulungu kaweza kugomba ulongo, siswi huriochimbira yo hifadhi(kurya) hupatekubumwa moyo ili kugwirira nguvu za tumaini ririroikwa mbere zehu. ¹⁹ Hunao ungumbao uu here nanga imara nay a kukuluvira ya roho zehu, kuluhiro ambaro ni kuinjira sehemu ya ndani nyuma ya pazia. ²⁰ Jesu ariyeingira sehemu iyo here mutangulizi wehu, achimala kuhendeka kula chilongozi mubomu wa dini hadi kare na kare baada ya utaratibu wa Melkizedeki.