¹ Kwa vivyo hunufaa kwimato ili kwamba kati yehu asikalevo hata mumwenga andiyeonekana kushindwa kufikira ahadi ya kuinjira kahi za raha ya Mulungu. ² Kwa kukala hudzikala na habari mbidzo kuhusu maoyi ga Mulungu garogomanyiswa kwehu here Aisraeli arivyokala nago, ela ujumbe uo kauafahire arahu ario ausikira bila katsaganyire na kuluvhiro kwa riro. ³ Kwehu siswi hurio na kuluvhiro kare hainjira kahi za iyo rahaye, here arivyonena, “Nirivyo apa kwa usiru wangu kandainjira kahi za raha yangu” Wanena riri idzavokala kazize zosi here zakimilika hangu chaho cha urimwengu. ⁴ Kwa maana wanena vatu Fulani kuhusu tsiku ya fungahe, “ Mulungu waoya tsiku ya fungahe kahi za gosi arigogahenda.” ⁵ Chisha wagomba, “Kandainjira kahi za maoyi gangu.” ⁶ Kwa sababu iyo, isala kwa anjine kuinjira iyo raha ya Mulungu kanda na arahu ario Habari mbidzo were yahubiriwa kwao kukala kundainjira kwa sababu ya kutsakubali kwao. ⁷ Mulungu waika kahiri tsiku Fulani, iihiwayo “ Rero” iye waonjeza tsiku ii arivozungumuza kuchirira Daudi kahi za tsiku za baadaye ambavo wasikirwa achinena, “rero ichikala mundasikira sautiye musihende mioyo yenu kukala mifu. ⁸ Kwa kukala kala Joshua waapatira raha, Mulungu ngere kagombere dzulu ya tsiku injine. ⁹ Kwa vivyo bado kuna tsiku ya fungahe ya raha iriyotunzwa kwa ajili ya atu a Mulungu. ¹⁰ Kwani ainjiraye kahi za raha ya Mulungu iye mwenye pia yundaoya kulingana na mahendoge, here Mulungu arivyohenda kahi za kazize. ¹¹ Kwa vivyo na hukaleni na hamu ya kuinjira kahi za irahu raha, ili kwamba asikalevo andiyegwa kahi za aina ya uasi ariouhenda. ¹² Kwa kukala neno ra Mulungu ri moyo na rina nguvu na rina ukali kuriko mundu wowosi wenye maso kosikosi. Na nikukata hata kufikira kugavya nafsi na roho na vilungo na mafuha. Na renye kuweza kumanya mazo ga moyo na niaye. ¹³ Kakuna chirichoumbwa ambacho chindadzifitsa kanda na uso wa mulungu. Badalaye chila chitu chilwazu kahiza matsoge yuyahu ambaye ni hulavye esabu. ¹⁴ Basi kwa kukala hunaye chilogozi wa chidini mubomu ariyeinjira dzulu mulunguni, jesu mwana wa Mulungu , kwa kwimato kahiza kuluvhiro rehu. ¹⁵ Kwa kukala kahuna chilongozi mubomu wa chidini arie kaweza kona mbaazi kwa ajili ya unyonge wehu, ela iye ambaye kwa njira zosi wakala achijezwa here siswi, isivhokala iye kahendeke dambi. ¹⁶ Na hudze kwa ungubao kahi za chihi cha utawala cha neema, ili kukala huvokere rehema na kupata neema ya kuhaviza muda wa mahitaji.