¹ Kwa vviyo enehu atsunyu ashiriki kahi za mwiho wa mulunguni, mumwaze Jesu, muhumwa na chilongozi mubomu wa chidini wa ukiri wehu. ² Wakala muhachi kwa Mulungu ariyemutsagula, here Musa arivyokala muhachi kahi za nyumba yosi ya Mulungu. ³ Kwa kukala Jesu watalwa kukala na heshima bomu kuriko iyo ariyokala nayo Musa, kwa kukala yuyahu ajengaye nyumba ndiye atalwaye kukala na heshima bomu kuriko iyo nyumba yenye. ⁴ Kwa kukala chila nyumba ni kujengwa ni mutu Fulani, ela yuyahu ajengaye chila chitu ni Mulungu. ⁵ Kwa jeri Musa wakala mwenye hachi here mutumishi kahi za nyumba yosi ya Mulungu, achiomboza ushuhuda kuhusu mautugandigonenwa muda udzao. ⁶ Ela Kristo ni mwana kahi za wiminzi wa nyumba ya Mulungu. Siswi hunyumbaye ichikala hundagwirira wima ugumbao wetu na kuluvhiro hudzivuniraro. ⁷ Kwa vivyo, ni here Roho Mutsunyu agombavyo, Rero ichikala undasikira sautiye. ⁸ Usiuhende moyo o kukala mufu here Aisraeli arivyohenda kahiza uasi, kahi za muda wa kujezwa nyikani. ⁹ Uu wakala muda ambao bezenu aniasi kwa kunijeza, kwa miaka mirongo minne, achiona mahendo gangu. ¹⁰ Kwa vivyo kwa miaka mirongo minne sifurahishirwe ni chivyazi chicho. Nichiamba, Anaangamika chila mara kahiza mioyo yao, na kamanya njira zangu. ¹¹ Ni here virahu kuapa kahiza usiru wangu: kundainjira kahi za raha yangu.” ¹² Mukale matso enehu ili kukala usidze mukakata na moyo mui wa kukosa kuluvhiro kwa mumwenga wehu, moyo urio undakwenda kure na Mulungu arie moyo. ¹³ Badalaye, mukabumane moyo chila tsiku mwimwi kwa mwimwi, irio inaihiwa "Rero" ili kukala vasikale na yeyosi kahi yenu andiye hendwa moyowe kukala mufu kwa ulongo wa dambi. ¹⁴ Kwa kukala hudzikala ashirika a Kristo ichikala hundagwirana na kwimato kwa nguvu kahi za iye kula chaho muhadi mwisho. ¹⁵ Kuhusu riri yagombwa kare, “Rero ichikala mundaisikira sautiye, musihende mioyo yenu kukala mifu, here Aisraeli arivyohenda muda wa uasi. ¹⁶ Ni ano ani oo ariomusikira Mulungu na kuasi? Kakarire ao osi ario Musa were walongoza kombola Misri? ¹⁷ Na ni ano ani oo ario Mulungu watsukizwa nao kwa miaka mirongo minne? Si ao ariohenda dambi, ario nyufu zao zagwa nyikani. ¹⁸ Ni kwa ano ani ario apa kwa Mulungu kukala kandainjira kahiza rahani mwakwe, ichikala si ao ario kamogovhere iye? ¹⁹ Hunaona kwamba kawezere kuinjira kahiza rahaye kwa kukosa kuluvhiro rao.