¹ Kwa vivyo ni lazima huike mbere Zaidi kwa garahu hurigogasikira, ili kwamba husidze hukatengwa kure nago. ² Kwa kukala ichikala ujumbe urio sumurirwa ni malaika ukarakare na chila kosa na nasi ni kuvhokera marivho ga hachi. ³ Hundapatadze kutiya sino ichikala kahundaujali wokwoli uno mubomu? wokolwi ambao chao wahubiriwa ni Bwana na kuimarishwa kwehu ni arahu ariousikira. ⁴ Mulungu pia waimarisha kwa ishara, maajabu, na kwa mahendo mabomu mbalimbali, na kwa zawadi za Roho Mutsunyu arizozigavya kulingana na mahenzoge mwenye. ⁵ Mulungu kawikire urimwengu udzao, urio hunanena habarize, tsini ya Malaika. ⁶ Badalaye, mutu fulani washuhudia vatu fulani achiamba, “Mutu niani, hata aweze kumukumbukira? Au mwana wa binadamu, hata umutunze? ⁷ Wamuumba mutu kukala mutite kuriko Malaika, udzimuvika tadzi ya utukufu na heshima. (Zingatia; kahiza maandishi halisi ga kwanza, mustari uu kauvo. “Na uchimwika dzulu ya kazi ya mikonoyo.) ⁸ Waika chila chitu tsini ya maguluge. Kwa vivyo Mulungu waika chila chitu tsini ya mwanadamu. Kasazire chitu chochosi chiricho kachitsiniye. Ela hikala vivi bado kahudzaona kukala chila chitu chichikala tsiniye. ⁹ Hata vivyo, hunona iye arie hendiwa, mutite tsini kuriko Malaika- Jesu arie, kwa sababu ya kusirimakwe na chifoche, wavikwa tadzi ya utukufu na heshima. Kwa vivyo hikara kwa neema ya Mulungu hacheye, jesu watatachifo kwa ajili ya chila mutu. ¹⁰ Vyakalato kukala Mulungu, kwa sababu chila chitu chivavo kwa ajiliye na kuchirira iye, yabidi kuareha ana anji kahi za kusirimakwe. ¹¹ Utukufu, na kukala yabidi kumuhenda chilongozi kahiza wokolwi wao kukala mukamilifu kuchirira kusirimakwe. ¹² Kwa maana osini airi iye ariye atenga (avakaye mafuha) na arahu ario anatengwa, osini anaombola kwenye asili mwenga ya Mulungu. Kwa sababu ii yuyahu atengaye kwa Mulungu kaona haya kuaiha nduguze. ¹³ Yunaamba, “Nindahubiri dzinaro kwa enehu, nindaimba kuhusu uwe kahiza kusanyiko.” ¹⁴ Chisha yunaamba, “Nindamukuluvhira” Na chisha, “Lola, vava nina ana ario Mulungu wanipa.” ¹⁵ Kwa vivyo, kwa kukala ana a Mulungu osini anashiriki mwiri na mulatso, kadhalika jesu washiriki vitu vivyo vivyo, ili kwamba kuchirira chifo apate kumubananga yuyahu arie yuna amri dzulu ya chifo, ambaye ni ibilisi. ¹⁶ Ii yakala vivyo ili aike huru arahu osi ario kwa kuchirira woga wa chifo aishi maisha gao gosini kahi za utumwa.Kwa ujeri kaaviza malaika, Ela baadalaye yunaaviza chivyazi cha Ibrahimu. ¹⁷ Kwa vivyo, here ni lazima iye akale herenduguze kahi za njira zosi, ili aweze kukala mubomu wa vilongozi a chidini mwenye mbazi na muhachi kwa vitu vya Mulungu, na ili kukala akale na uwezo wa kulavya musamaha kwa dambi za atu. ¹⁸ Kwa kukala Jesu mwenye wasirima, na kujezwa, yuna uwezo wa kuaviza ao ajezwao.