¹ Vhavho kare Mulungu wanena na ano tsawe kuchirira manabii na mara nyinji kwa njira nyinji. ² Ela kahiza tsiku zizi hurizonazo, Mulungu wanena naswi kwa kuchirira mwanawe arie wamwika kukala murithi wa vitu vyosi, na ariye kuchirira iye pia waumba urimwengu. ³ Mwanawe ni mwanga(nuru) wa utukufue wakilishi kamili wa asiliye, na aenderezaye vitu vyosi kwa neno ra nguvuze. Baada ya kumarigiza utsusi wa dambi, wasagala tsini ya mukono wa kulume wa utawala wa kuko dzulu. ⁴ Wakala bora muno hata kuriko o Malaika here viryahu dzina arirorithi ririvyo borao muno kuriko dzina rao. ⁵ Kwa kukala ni kwa Malaika yuviye ariyeweza kumwamba, “uwe u mwanangu, rero nidzikala abayo?” Na chisha, “Nindakala baba kwakwe, naye yundakala Mwana kwangu?” ⁶ “Chisha, muda Mulungu arivhomureha mimba mbereye urimwenguni waamba, “Malaika osini a Mulungu ni lazima amwabudu." ⁷ Kuhusu Malaika yunamba, “Iye arie ni kuhenda malaikaye kukala roho, na ahumikiye kukala ndimi za moho. ⁸ Ela kuhusu Mwana nikuamba, "chiricho cha enzi, Mulungu ni cha kare na kare. Ndata ya utawalao ni ndata ya hachi. ⁹ Wahenza hachi na yumena(kuchukia) uvunzi wa sharia, kwa vivyo Mulunguo, yukuvhaka mafuha ga nyeni kuriko ayao.” ¹⁰ Vhavho mwanzo, Bwana, waika musinzi wa urimwengu. Mulungu ni kazi za mikonoyo. ¹¹ Zizo zindauka, ela uwe undaenderera. Zosi zindatsatsuka (zindachafuka) here vazi. ¹² Undazikunzakunza here koti, nazo zindagaluka here vazi. Ela uwe u iye iye, na miakayo kaindakoma.” (kainamwisho) ¹³ Ela kwa Malaika yuviye Mulungu wamwamba muda wowosi, “Sagala mukono wangu wa kulume muhadi nindivho ahenda aduio kukala chihi cha magulugo” ¹⁴ Je, Malaika osini si roho zirizohumwa kwa kuhumikira na kuatunza arahu andiounzwi wokwoli?