¹ Hua ahenza mwimwi mumanye, enehu achilume na achiche dzulu ya neema ya Mulungu irivyolaviwa kwa makanisa ga Makedonia. ² Wakati wa jezo bomu ra kusirima, inji wa raha yao na konjezeka kwa uchiya wao kuvyala ushaha mubomu wa mbazi. ³ Kwa kukala na shuhudia kukala aomboza kwa chasi cha arivyo weza, na ta zaidi ya uwezo wao na kwa kuhenza kwao enye. ⁴ Ahuvoya kwa chadi chinji ili hupate henzekezo ra kushiriki kahiza uhumiki uu kwa atu atsungu a Mulungu. ⁵ Ii kayomberere here hurivyo tarajia badalaye kwanza adzomboza ao enye kwa Bwana chisha adzi lavya ao enye kwenu kwa mahenzo ga Mulungu. ⁶ Vivyo hamuvoya Tito ariye kala yudzanzisha kazi ii kare, ili kutimiza hendo riri ra neema kahi yenu. ⁷ Ela mwimwi munaunji kahi za chila chitu-kahi za kuluvhiro, kahi za magombi, kahi za mitsunzi, kahi za chai chosi na kahi za uhenzowenu kwa ajili yehu. Vivyo hakikishani kukala mwimwi munakala na unji pye kahi za ririr hendo ra neema. ⁸ Na gomba ririr sihere amuri ela ilikupima ujeri wa uhenzo wenu kwa kutuwiriza chai cha atu anjine. ⁹ Kwa kukala munamanya neema ya Bwana wehu Jesu Kiristo. Hata kala wakala shaha, kwa ajili yenu wakala muchiya ili kukala kuchirira uchiyawe muweze kukala mashaha. ¹⁰ Kahi za utu uu ni ndavha maaro gandigo mwaviza. Mwaka mumwenga urio chira, kamwanzire kuhenda utu tu ela mwahenza kurihenda. ¹¹ Vikara ritimizeni. Here kurivyo kala na cadi na nia ya kurihenda, chisha, je, mungaweza kurireha kahi za ukamilifu, kwa chasi cha muwezavyo. ¹² Kwa kukala muchihenza kuhenda hendo riri ni utu udzo na ukubalikao. Suturime dzulu ya chirahu aricho nacho mutu. Si dzulu ya asichokala nacho mutu. ¹³ Kwa kukala riri sirehere chihurizo kwa anjine na tenguri kwenu, ela kwa ajili ya hachi. ¹⁴ Unji wenu wa wakati wavivi kare unda aviza kwa chirahu alonda cho. Ii ni vivyo pye kukala unji wao uweze kuaviza mahitaji genu, na kukala na hachi. ¹⁵ Iii nihere irivyo andikwa, "Iye ariye na vinji. Karire na chochosi sala na iye ariye kala na vitepe kakarire na uhitaji wowosi. " ¹⁶ Ela ashukuriwe Mulungu, ariye ika ndani ya moyo wa Tito moyo urahu urahu wa chadi cha kujali urio ni nao kwa ajili yenu. ¹⁷ Kwa kukala tu wa vhokera mavoyo gehu, ela pye wakala na chadi kulinga na mavoyo gago. Wakudza kwenu kwa hiyariye mwenye. ¹⁸ Hudzi muhuma uhamwenga naye ndugu ariye yunaa likwa kahi za makanisa kwa ajili ya kazi ye kahi za kutanga injili. ¹⁹ Si vivi tu, ela pye watsagulwa ni makanisa kahi za kuritsukula sehemu mbalimbali hendo riri ra mbazi. Ii ni kwa utukufu wa Bwana mweye na kwa chadi chehu cha kuaviza. ²⁰ Huna evera uwezekano kukala yoyosi kahenzekana kulalamika kutuiriza na mbazi zizi hurizo huna zitsukula. ²¹ Huna hala ungalifu kuhenda chiriho cha hishima, situ mbere za Bwana, ela pye mbere za atu. ²² Pye hunamuhuma ndugu munjine vamwenga nao. Hudzi mupima kunanyinji, na hudzimona ni mweye chadi kwa ajili ya kazi nyinji. Ta vivi una chadi muno kwa sababu ya ungumbau mubomu ario nao ndani yenu. ²³ Kwa uvhoro wa Tito iye ni mushirika musena na muhenzi wa kazi musena kwa ajili yenu. Here kwa ndugu zehu ana humwa ni makanisa. Ni a hishima kwa Kiristo. ²⁴ Vivyo aonyeseni uhenzo wenu, na muaonyese kwa makanisa sababu ya kudzivunya kwehu kwa ajili yenu.