¹ Ahenzwi, kwa kukala huna chilagane chichi, na hudzitsukutse enye kwa chila utu rio uhendya akolo kahi za miri yehu na kahi za roho. Hukale na utsunyu kamili kahi za kumogvha Mulungu. ² Hendani nafasi kwa ajili yehu! Kahudza mukosera mutu yoyosi. Kahumu korere mutu yoyosi. Kahudza dzinufaisha kwa faida ya mutu yoyosi. Kahudza dzinufaisha kwa faida ya mutu yoyosi. ³ Sikuahukumu kukala namba vivi. Kwa kukala dzigomba kare kukala mumyoyoni mwehu, kwehu siswi kufa vhamwenga na kuishi vhamwenga. ⁴ Na kuluvhira bomu ndani yenu, na kudzivunya kwangu ni kubomu dzulu yenu. Ni dzudzalwa ni faraja. Nidziudzalwa niraha ta kahi za tengeri. ⁵ Hurivho kudza Makedonia, miri yehu kayoyere. Badalaye, hupata tabu kwa njira zosi kwa kupigwa viha upande wanze na wasiwasi upande wa ndani. ⁶ Ela Mulungu, afarigie anyonge wa hufariji kwa kudza kwa Tito. ⁷ Kaikarire kwa kudza kwa kwakwe tu kukala Mulungu wahufariji. Ya kala pye faraja zirahu Tito arizo vhokera kula kwenu. Iye wahambira uhenzo mubomu murio nao, shonono yenu na chadi chenu kwa ajili yangu. Vivyo nakala na raha muno. ⁸ Hata idzavho barua yangu ya ahendya mushononeke, mimi sidzuta. Ela nadzuta wakati nirivho ona barua iyo iriyo muhendya mwimwi kushononeka hataidzavho nikwa muda mufuhi. ⁹ Vikara ni raha si kukala mwashononeka ela kukala kushononeka kwanu kwa areha kwenye toba. Mwapatwa ni kushononeka kwa chimulungu, kanipatire hasara ajili yehu. ¹⁰ Kwa kukala kushononeka kwa chimulungu kunareha toba iriyo inakamilisha wokovwi usiokala madzuto. Kushononeka kwa chidunia, tavivyo kunareha chifo. ¹¹ Lola kushononeka kuku kwa chimulungu virivyo vyala chadi chibomu ndani yenu. Vyo urivyokala utayari mubomu nani yenu, wakuazulia kukala kamukarire a makosa. Kwa vyo utsungu wenu urivyo kala mubomu, wasiwasi wenu, matamanio genu, chadi chenu, na pola yenu kuna kukala hachi inafaha kuhendeka! Kahi za chila utu mudzidzi onyesa enye kusakala na makosa. ¹² Idzavho kala naandikira mwimwi siandikire kwa ajili ya mukosaji wala si kwa mutu ariye sirima kwa ui. Ni dziandika ili kukala chadi cha mioyo yenu kwa ajili yehu ihendwe kunianyikana ilwenu mbere za matso ga Mulungu. ¹³ Ni kwa ajili ya ii kukala hunafarijika. Kahi za nyongeza ya faraja yehu enye, huna raha pye ta zaidi sababu ya iraha ya Tito, kwa kukala roho ye ya burudishwa ni mwimwi mosi. ¹⁴ Kwa kukala kala na dzivunya kwakwe dzulu ya mwimwi sikarire na webu. Chinyumeche, here tu chila neno huriro gomba kwenu rakala jeri, madzivuno gehu dzulu ya mwimwi kwa Tito kukala jeri. ¹⁵ Uhenzowe kwa ajili yenu ta ni mubomu muno, here akumbukiravho usikizi wenu mosini, vyo murivyo mukaribisha iye kwa hofu na kutetema. ¹⁶ Ninaraha kwa kukala nina ungumbau wa jeri ndani yenu.