¹ Na kwa vivyo, kuhenda kazi vhamwenga huna muvoya mwimwi musiivhokere neema ya Mulungubule. ² "Wakati urio kubalika nakala matso kwenu, na tsiku ya wokolwi naaviza." Lola, wakati urio kubalika ndo uu, tsiku ya wokolwi nio ii. ³ Kuweza kukala chipingo mbere za mutu yoyosi, kwa kukala kahenzi huuma yehu imanyikane kahi za sifa mbii. Badalaye kwa chila njira hunadzi lika enye kukala ahumiki. ⁴ Badalaye kwa chila njira hunadzilika enye kukala ahumiki a Mulungu kahi za unji wa uvumirivu. Kahiza kusirima, kahi za tenguri, na kahi za maisha mafu, ⁵ kahi za kupigwa, kahi za kufungwa, fujo, kahi za kazi komu kahiza kukosa usinzizi usiku, kahi za nzala, ⁶ kahi za usafi, mitsunzu, uvumirivu, udzo, kahi za Roho Mutsunyu, kahi za uhenzo wa jeri, ⁷ kahi za neno ra jeri, kahi za mukotse wa Mulungu. Huna silaha ya hachi kwa ajili ya mukono wa kurya na kumotso. ⁸ Huna henda kazi kahi za utukufu na webu, kahi za lawama na kulikwa, here alongo ela ko ni ajeri. ⁹ Hunahenda kazi here kukala kahumanyikanako hunamanyika tototo. Huna henda kazi here afao na lola- bado hunaishi, dzahere huna bumwa adabu kwa mahendo gehu, ela kahudza ulagwa. ¹⁰ Huna henda kazi here atu akushononeka, ela chila wakati huna raha, here masikini ela hunaahendya anji matajiri, dzahere kahuna chitu ela huna vitu vyosi. ¹¹ Hudzinena ujeri wosi kwenu, akorintho, moyo yehu idzituguka kwa vhalamu. ¹² kamuhumuzuire ela mwazuiliwa ni mioyo yenu enye. ¹³ Vikara kahi za kugaluzana kwa hachi-nina gomba here kwa ahoho dzifuguleni kwa walamu pye. ¹⁴ Musifungwe nira vhamwenga na uso amini kwa kukala kuna mapatano gavigho kahi za hachina na ui" Na kuna ushirika wani kahi za mwangaza na dziza? ¹⁵ Kuna makubaliano gavhigo Kiristo yunaweza kukala nago na Beliari? Hebu iye aminiye yuna sehemu yani vhamwenga na asiyeamini? ¹⁶ Na vhana makubaliano gavhigo garigovho kahi za hekalu ra Mulungu na vikuza? Kwa kukala siswi hu hekalu ra Mulungu ariye moyo, dzavyo Mulungu arivyogomba; "Nindakala kahikahi yao na kutsembera kahi kahi yao. Nindakala Mulungu wao nao andakala atu angu" ¹⁷ Kwa vivyo, "Ombolani kahi yao mukadzitenge nao," yunamba Bwana. "Musigute chitu chikolo namwi ninda akaribisha. ¹⁸ Nindakala baba kwenu, namwi mundakala anangu achilume na achiche, " Yunamba Bwana mwenyezi