¹ Hunamanya kukala makalo ga ulimwenguni huishimo mumo ga chibangwa hunaro jengo kula kwa Mulungu. Ni nyumba isiyo tengenezwa kwa mikono ya anadamu, ela ni nyumba ya kare na kare mulunguni. ² Kwa kala kahi za hema riri huna ugula, huchitamani kuvikwa kwa makalo gehu mulunguni. ³ Huna tamani kwa ajili ya riri kwa kukala kwa kuivala kahundaonekana kukala huvhuvhu. ⁴ Kwa jeri wakati hundani ya hema riri, hunaugula huchiremerwa. Hahenzi kuvulwa. Badalaye hunahenzakuvikwa, ili kukala chirahu chirichofa chiweze kumizwa ni uzima. ⁵ Yuyahu ariye hutayarisha siswi kwa chitu chichi ni Mulungu, ariye huvha siswi Roho here achila gane cha chirahu chindicho kudza. ⁶ Kwa vivyo mukale na ungumbau tsiku zosi. Mukale matso ili kukala wakati humumo nyumbani kahi za mwiri, hukure na Bwana. ⁷ Kwa kukala hunatsembera kahi za kuluvhiro, si kwa kona. Kwa vivyo huna ungumbau. ⁸ Ni vidzo hukale kure kula kwa mwiri na nyumbani vha mwenga na Bwana. ⁹ Kwa vivyo hunaihendya kukala lengo rehu, kala huchikala nyumbani hebu kure, humuhenzezwe iye. ¹⁰ Kwa kukala ni sutu hosini huonekane mbere za chihi cha hukumu cha Kiristo, ili kukala chila mumwenga aweze kuvhokera kahi za mwiri ichikala ni kwa udzo hebu kwa ui. ¹¹ Kwa vivyo, kwa kuimanya hofu ya Bwana, huna avuhira atu. Here hurivyo inaonekana lwazu kwa Mulungu. Nina moyo mure kukala inaeleweka pye kweye nia zenu. ¹² Kahujeza kuavuhira mwimwi kavhiri kuhona siswi here ajeri. Badalaye huna avha mwimwi sababu ya kudzivunya kwa ajili yehu, ili kukala muweze kukala na jibu kwa arahu adzivunyao dzulu ya monekano ela sichirahu chiricho ndani ya moyo. ^{15 13} Kwa kukala ichikala here hudzi tinwa ni akili, ni kwa ajili ya Mulungu. Na kala hukwenye akili zehu timamu, ni kwa ajili yenu. ¹⁴ Kwa kukala uhenza wa Kiristo unahukalata, kwa kukala huna uhakika na riri; Kukala mutu mumwenga wafa kwa ajili ya osi, na kwa vivyo osi adzefa. Na Kiristo wafa kwa ajili ya osi, ili kukala arahu aishio asiishi kavhiri kwa ajili yao enye. Badalaye sutu aishi kwa ajiliye iye ariyefa na kufufuliwa. ¹⁶ Kwa sababu ii, kwanzira vivi na kwenderera kuhumuhumu mutu kutuwizira na vipimo vya chadamu, idzavho kala vo chaho hamuloto Kiristo kahi za hali ii. Ela vivi kahumu hukumu yoyosi kwa hali ii kavhiri. ¹⁷ Kwa vivyo, ichikala mutu yoyosi yundani ya Kiristo, iye ni chumbe chipya. Mautu ga kapindi gadzichira. Lola gadzikala mapya. ¹⁸ Vitu vyosi vivi vila kwa Mulungu. Wa hupatanisha siswi kwakwe mwenye kuchirira Kiristo, na yudzihuvha kazi upatanisho. ¹⁹ Vivyo ni kwamba, kahi za Kiristo, Mulungu yua upatanisha urimwengu kwakwe mwenye, si kutala makosa gao dzulu yao. Yuneka kwehu ujumbe wa upatanisho. ^{21 20} Kwa vivyo hatsagulwa here gamamu (wawakilishi) wa Kiristo, here kukala Mulungu were yuna avuna kuchiri siswi. Huna avyoya mwimwi kwa ajili ya Kiristo; "Mupatanishwe kwa Mulungu!" Wa muhendya Kiristo kukala sadaka kwa ajili ya dambi zehu. Iye ndiye ariye kahendere dambi. Wa henda vivi ili huweze kuhendeka hachi ya Mulungu kahi za iye.