¹ Kwa vivyo, kwa kukala huna huduma ii, na vyo hurivyo vhokera mbazi, kahuluvukwa. ² Badaye, hukala njira zosi za webu na zidzizo fitsika. Kuhuishi kwa ulongo na kuhuri humira vii neno ra Mulungu. Kwa kulavya iriyo jeri, hudzonyesa enyee kwa nia ya chila mutu mbere za Mulungu. ³ Ela kala injili yehu idzifitsika, idzifitsika kwa arahu angamikao. ⁴ Kahiza utsaguzi wao, Mulungu wa urimwengu uu yudziafunga akili zao zisizo amini. Maomborerige, kaweze kuwona mwanga wa injili ya utukufu wa Kiristo, ariye ni mufano wa Mulungu. ⁵ Kwa kukala kahudzitangaza enyee, ela Kiristo Jesu Bwana, na siswi enye here ahumiki enu kwa ajili ya Jesu. ⁶ Kwa kukala Mulungu ndiye ariye amba, "Mwanga undamwirika kula dzizani." Yudzihumwirika kahiza mioyo yehu, komboza mulangaza wa mitsunzu ya utukufu wa Mulungu kahi za uwepo wa Jesu Kiristo. ⁷ Ela huna akiba ii kahiza viya vya udongo, ili vikale lwazu kukala na mukotse munjii muno ni wa Mulungu na si wehu siswi. ⁸ Hua yugika kwa chila hahi, ela kahushndwa hunaona wasiwasi ela kahukuluvukwa. ⁹ Hunasirimishwa ela kahudzarichwa. Hunatsuvwa tsi elaa kahumarigizwa. ¹⁰ Tsiku zosi hunatsukula kahi za mwiri wehu chifo cha Jesu, ili uzima wa Jesu wonekane pye kahi za miri yehu. ¹¹ Siswi hurio moyo tsiku zosi hombozwa kufa kwa ajili ya Jesu, ili kukala uzima wa Jesu uonekane kahi za miri yehu ya chibinadamu. ¹² Kwa sababu ii chifo chinahenda kazi ndani yehu, ela uzima uhenda kaazi yenu. ¹³ Ela huna Roho irahu irahu ya kuhivivo kutuiriza na chirahu chiricho andikwa, "Na amini, na vivyo na gomba." Siswi pye huna amini na vivyo pye huna gomba. ¹⁴ Hunamanya kukala yuyahu ariye mufufula Bwana Jesu pye yundahufufula siswi vamwenga naye. Hanamanya kukala yunda hureha siswi vamwenga namwi kahi za uwepo wa kwakwe. ¹⁵ Chila chitu ni kwa ajili yenu ili kukala kwa chasi cha neema itsalavivavyo kwa atu anji, shukurani zizidi konjezekka kwa utukufu wa Mulungu. ¹⁶ Vivyo kahukuluvukwa dzavokala kwanze hunatsakala, kwa ndani hunahendwa lupya tsiku bada ya tsiku. ¹⁷ Kwa chipindi chichi chifuhi, kusirima kuku kwepesi kuna hutayarisha siswi kwa ajili ya umilele muhizo wa utukufu udziochira vipimo vyosi. ¹⁸ Kwa kukala kahulola kwa ajili ya vitu virivyo vinaonekana ela kwa ajili ya vitu visivyo onekana. Vitu huwezavyo kuvyona ni vya muda tu, ela vitu huwezavyo kuvyona ni vya muda tu, ela vitu virivyo kavyonekana ni vya kare na kare.