¹ Mimi Paulo, mwenye na muvoya kwa unyenyekevu na upore wa Kiristo. Mimi ni mupore wakati nichikala mbere yenu, ela ni na ungumbau kwenu nichikala kure namwi. ² Na avoya mwimwi kukala, wakati ni kalavo vamwenga namwi sindalonda kukala ngumbau na kudzamini kwangu mwenye. Ela naza nindalonda kukala ngumbau wakati ni chiapinga arahu aonao kukala hunaishi kwa hali ya mwiri. ³ Kwa kukala takala hunatsembera kahi za mwiri, kahupigana viha kwa hali ya mwiri. ⁴ Kwa kukala silaha huzihumirazo kupigana sizachimwiri. Badalaye zina mukotse wa chimulungu wa kubananga ngone. Zina usa kamare malumbano ga angamizago. ^{6 5} Pye, hunabananga chila chenye mamulaka chidziunulacho chinyume cha mitsunzu ya Mulungu. Huna rihedya mateka chila azo kahi za usikizi wa Kiristo. Na hunapata utayari wa kubuma adabu chila hendo risiro na usikizi, vavo tu usikizi wenu ukalavo kamili. ⁷ Lola chira chiricho lwazu mbere yenu. Kala yoyosi yuna vihirwa kukala iye ni wa Kiristo, na hebu na adzikumbukizye iye mwenye kukala here tu arivyo ni wa Kiristo, vivyo ndo na siswi pye huvivyo. ⁸ Kwa kukala ta ni chidzivunya chidogo muna dzulu ya mamulaka gehu arigo Bwana wagalavya kwa ajili yehu kwa ajenga mwimwi na sikuabananga, sindona haya. ⁹ Tsenzi riri rionekane kukala naatisha mwimwi kwa baruwa zangu. ¹⁰ Kwa viva atu anjine anamba, "Baruwaze zina nguvu, ela chimwiri ni munyonge. Manenoge kagafaha kusikizwa." ¹¹ Hebu atu a hali iyo elewe kukala chirahu hugombacho. Kwa baruwa wakati huchikala kure, ni karakara na virahu hundivyo henda wakati huchikala vavo. ¹² Kahenda kure muno here kudzikusanya enye hebu kudzi karakara enye na arahu arioanadzilika enye. Ela adzipimavo enye na chila mumwenga wao kana lau. ¹³ Siswi ta vivyo kuhunda dzivunya kuchira mivaka. Baalaye, hunda henda vivyo tu ndani ya mivaka iriyo Mulungu yudzihupimira siswi, mivaka ifikayo ure here wenu urivyo. ¹⁴ Kwa kukala kuhudzionjerere enye hurivo afikira mwimwi. Hakala akwanza kufika kwa ure here wenu kwa injili ya Kiristo. ¹⁵ Kahudza dzivunya kuchira mivaka dzulu ya kazi za anjine. Badalaye, huna moyo mune here kuluviro renu rikulavyo kukala lalorehu ra kazi rinda anamulwa muno, na bado ni ndani ya mivaka ya karakara. ¹⁶ Huna moyo mure kwa riri, ili kukala huweze kuhubiri injili ta kwenye majimbo zaidi yenu. Kahuda dzivunya dzulu ya kazi ihendekayo kahi za malalo manjine. ¹⁷ "Ela yoyosi adzivunyaye, adzivuye kahi za Bwana." ¹⁸ Kwa kukala si yuyahu adzimanyisaye mwenye yunda manyiswa. Isivokala ni yuyahu ariye Bwana yunda mumanyisa.