¹ Na dzisikira kukala mungavumirina na mimi kahi za chasi cha upumbavu. Ela kwa jeri munavumirirana nami. ² Kwa kukala ni mwenye wivu dzulu yenu. Nina wivi wa Mulungu kwa ajili yenu, hangu nirivo aahidi mwimwi kwenye ndoa ya mulume mumwenga. Naahidi kuareha mwimwi here ni mwanamwari safi. ³ Ela naogova kukala kwa hali fulani, here nyoka arivyo mukenga hawa kwa ulongowe, maazo genu ganaweza kwangamizwa kure kula kwenye ibada yenye na safi kwa Kiristo. ⁴ Kwa kukala kwa mufano kukala mutu fulani akadza na kutangaza Jesu munjine tufauti na iye huriye ahubiri. Hebu kwa mufano kukala mukavokera roho munjine tofauti na yuyahu muriye muvokera. Hebu kwa mufano kukala mukaivokera injili injine tafauti na irahu murivyo ivokera. Mukavumirira mautu gaga tototo vinatosha! ⁵ Kwa kukala naona kukala mimi kahi za ario tsini kwa ao aihiwao mitume-adzo. ⁶ Ela ta kala mimi sidzatunzwa kaha za kulavya hutuba, si vivyo kahi za mitsunzu. Kwa chila hali na kahiza mautu gosi hudziri henda riri kumanyikana kwenu. ⁷ Je, nahenda dambi kwa kudzitsereza mwenye ili mwimwi muweze kunulwa? Kwa kukala na ihubiri kwa uhuru injili ya Mulungu kwenu. ⁸ Na voka makanisa manjine kwa kuvokera musada kula kwa kwao ili kukala ningaweza kuahumikira mwimwi. ⁹ Wakatini rivokala namwi na nichikala kahi za uhitaji, simuremerere yoyosi. Kwa kukala mahitaji gangu gatimizwa ni ndugu ario kudza kula Makedonia. Kutsakala muzigo kwenu, na nindaenderera kuhenda vivyo. ¹⁰ Here jeri ya Kiristo irivyo ndani yangu, kuku kudzilika kwangu, kakunda nyamazwa kahi za sehemu za Akaya. ¹¹ Kwa tuwani? Kwa kukala siaenzi? Mulungu yunamanya nina ahenza. ¹² Ela chirahu ni chihendacho, nindachinenda pye. Nindachihenda ili kukala ni siweze kuzulia mwanya wa arahu aatamanio mwanya wa kukala here hurivyo kahi za chirahu chirahu adzivunyiracho. ¹³ Kwa kukala atu arahu ni mitume aulongo na ahenzi a kazi alongo. Anadzigaluza enye here mitume akiristo. ¹⁴ Na ii kayangalaza, kwa kukala ta shetani ni kudzigaluza mwenye here malaika wa mwangaza. ¹⁵ Ii kaina kwangalaza kubomu here ahumikie iye kudzigaluza enye here ahumiki a hachi. Mwisho wao undakala here mahendo gao. ¹⁶ Nagomba kaviri; Basi nasikalevo mutu yoyosi azaye mimi ni mupumbavu. Ela chikala mundahenda, nivokera mimi here mupumbavu ili ni weze kudzilika chidogo. ¹⁷ Chirahu ni gombacho dzulu kuku kudziamini kwa kudzivunya kaku hukumiwa ni Bwana, ela nagomba here mupumbavu. ¹⁸ Kwa virahu atu anji ni kudzivunya kwa hali ya mwiri, ninda dzivunya pye. ¹⁹ Kwa kukala mwaharira kwa raha na apumbavu, mwimwi enye muna mitsunzu! ²⁰ Kwa kukala munaharirana na mutu kala yunda kwinjiza utumwani, kala yu sababishana mugaviko kahi yenu, kala yunda ahumira mwimwi kwa faida ye, kala yundika dzulu Mulunguni, hebu chikala yunda piga usoni. ²¹ Ninda gomba kwa webu wehu kukala siswi hakala anyonge muno kuhenda vivyo. Ela ichikala ariye na ungulubau-nagomba here mupumbavu-mimi pye nindakala ngumbau. ²² Je, o ni Ayahudi? Na mimi ni vivyo. ²³ Je, o ni ahumiki a Kiristo? (Nagomba here natinwa ni akili zangu.) Mimi ni zaidi; Kahi za kazi ngumu, kahi za kufungwa zaidi, kahi za kupigwa kichira chasi, kahi za kupambana na hatari nyinji za chifo. ²⁴ v 24 Kula kwa Ayahudi navokera kana tsano "Mapigo mirongo mine kusa mwenga" ²⁵ Kana tahu na pigwa kwa ndata. Kana mwega na pigwa mawe. Mara tahu na tia melini. Nahumira usiku na mutsana bahari lwazu. ²⁶ Ni dzikala kahi za safari za hiva kwa hiva, kahi za hatari za miho, kahi za hatari za majambazi, kahi za atu angu mwenye, kahi za hatari, kula kwa atu amataifa, kahi za hatari ya mudzi, kahi za hatari ya jangwa, kahi za hatari ya bahari, kahi za hatari kula kwa ndugu alongo. ²⁷ Nidzikala kahi za kazi komu na kahi za maisha mafu, kahi za usiku munji wa kutsa lala, kahi za nzala na chiru, kana nyinji kahi za kufunga, kahi za pyeho na kukala vuvu. ²⁸ Kanda na chila chitu chinjine, kuna kukalatwa kwa chila tsiku dzulu yangu wa wasiwasi wangu kwa ajili ya makanisa. ²⁹ Nyani munyonge, na mino si munyonge? Nyani ye dze mutongea munjine kugwa dambini, namino sipya ndani? ³⁰ Kala situ nidzivuye, ninda dzivuya dzulu ya chirahu chonyesacho unyonge wangu. ³¹ Mulungu na Baba wa bwana Jesu, iye ariye yuna unulwa kare na kare, yuna manya kukala mimi sikenga. ³² Karahu Damesiki, mubomu wa jimbo tsini ya mutawali Areta wakala achiurinda mudzi wa Damesiki ili anigwire. ³³ Ela naikwa chikavuni, kuchirira dirishani kahi za chambaza, na ni chiti ya kula mikoye.