¹ Usimuchemere mutuminya, Ela mubume moyo dzahere abayo . Uabume moyo ahoho dza here ni nduguzo. ² Uabume moyo achetu dza here ni amezo, na asichana dza here nduguzo a chiche kahiza ufanawe chiroho. ³ Ahishimu magungu, ario ni magungu jeri jeri. ⁴ Ela,ichikala gunga yuna ahohohebu adzukulu, ariche kwanzaa adzifunzye konyesha hishima khwa atu a nyumbani mwao enye. Ariche aarivhe avyazi ao madzo, kwa kukala ii inafurahisha mbere za Mulungu. ⁵ Ela gungu jeri jeri ni yuyahu ariyerichwa hacheye. Naye kuluvhirore tegemeore khwa Mulungu. Tsiku zosini yunakala kahiza sala na mavoyo usiku na mutsana. ⁶ Hata vivyo, mwanamuche yuyahu akalaye kahiza raha za dunia idzavokala yumoyo. ⁷ Na ugahubiri gaga mautu ili kukala asikale na lawama. ⁸ Ela ichikala mtu khanda-alola nduguze, haswa arahu ario nyumbani mwekwe, yudzi-ikahala imani na ni mui kuriko mutu mwenye asiye-amini. ⁹ Khwa vivyo mwanamuche naandikishwe kahiza fungu ra gungu achikala yuna umuri usiovunguka miaka mirongo mihandahu, na ni muche wa mulume mumwenga. ¹⁰ Ni sharuti akale yudzimanyikana khwa mahendo madzo. Ichikala yudzijali anae hebu yudzikala wa kulavya khwa ajeni, hebu yudzojesa magulu ga aminio, hebu yudzi-aviza ario akala anasirimishwa, hebu wadzombozera khwa kazi yoyosi mbidzo. ¹¹ Ela khwa arahu agungu atsanga kahala kuandikisha kahiza fungu ra magungu. Khwa kukala achinjira kahiza kuhenza ga chimwiri gachizidi kurahu kudzombozera kwao Kristo, andahenza kuhalwa . ¹² Khwa nira ii nikwinjira kwenye makosa khwa kukala kuvunja kudzomborera kwao khwa chaho. ¹³ Na pye nikwinjira kahiza mabaro ga ukaha. Ao anazunguluka nyumba muhadi nyumba. Siakukala ni akaha tu, ela pia ni ana nyambo, enye kwinjirira mautu ga anjine. Ao nikugomba mautu gasigo afaha kuganena. ¹⁴ Khwa vivyo mimi ni ninahenza ache atsanya akhalwe, avyale ahoho nyumba zao, ili asimavhe adui nafasi ya kuhushitaki khwa kuhenda dambi. ¹⁵ Khwa kukala anjine ao amugalukira shetani. ¹⁶ Ichikala mwanamche yoyosi aaminiye magungu yuna magungu, bee ni-aavize , ilivyokanisa risiremerwe, ili riweze ku-aviza arahu ario ni magungu jeri jeri. ¹⁷ Bee, ara vilongozi a kanisa alongozao tototo atalwe kukala anafaha hishima nyinzi , haswaa arahu adzishughulishao na kufunzya neno ra Mulungu. ¹⁸ Khwa kukala maandiko ganamba, “usimfimbe mulomo ng’ombe aryavho chakarya” na “muhenzi wa yanafaha maravhoge.” ¹⁹ Usivhokere mashitaka chinyume za mtuminya isiphokala vhana na mashahidi eri hebu ahahu. ²⁰ Onye arioina makosa mbere za atu osini ili anjine adziosala asereo pengine andogovha. ²¹ Nakulagiza mbere za Mulungu na mbere za Kristo Jesu, na Malaika ariotsagalwa,kukala ugagwire gaga bila ubaguzi wowosi, na kukala usihende neno rorosi khwa kuhenda manyana. ²² Usihende haraka kumwikira mutu yoyosi mikono,usishiriki dambi ya mutu munnjine. Unafaha kudzirinda mwenye ukale mutsunyu. ²³ Khaika faha kunwa madzi hacheye. Ela, unwe uchi chidogo khwa ajili ya ndaniyo na makongogo ga hivha na hivha. ²⁴ Dambi za atu anjine zinamanyika lwazulwazu, na zinaatangulia hukumini. Ela dambi zinjine zinatuwa badae. ²⁵ Vivyo ivyo, kazi zinjine mbidzo nikumanyikana lwazu lwazu, ela zinjine khazindavitsika.